ព័ត៌មានជាតិ
សមត្ថកិច្ច ចុះអប់រំណែនាំពលរដ្ឋ ឲ្យបិទអាជីវកម្ម មុនម៉ោងបម្រាមគោចរ ហើយហាមជួបជុំ ផឹកស៊ី
នៅយប់ថ្ងៃទី១៧ ខែសីហា កម្លាំងសមត្ថកិច្ចរាជធានីភ្នំពេញ បានសហការជាមួយកម្លាំងគណ:បញ្ជាការឯក ភាពខណ្ឌ បានចុះណែនាំអប់រំប្រជាពលរដ្ឋ ដែលលក់ដូរឲ្យគោរព តាមបម្រាមគោចរ និងបិទអាជីវកម្ម ឲ្យបានមុនម៉ោង ដែលកំណត់ដោយរដ្ឋបាលរាជធានីភ្នំពេញ ជាពិសេសហាមជួបជុំ ផឹកស៊ី។
លោកវរសេនីយ៍ឯក សាន សុខសីហា អ្នកនាំពាក្យនៃស្នងការដ្ឋាន នគរបាលរាជធានីភ្នំពេញ បានថ្លែងប្រាប់អ្នកសារព័ត៌មានកម្ពុជាថ្មី នៅព្រឹកថ្ងៃទី១៨ ខែសីហានេះថា ដោយអនុវត្តតាមតាមការណែនាំ របស់លោក ឃួង ស្រេង អភិបាល នៃគណ:អភិបាលរាជធានីភ្នំពេញ និងបទបញ្ជាដោយផ្ទាល់ របស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ កម្លាំងសមត្ថកិច្ចរាជធានីភ្នំពេញ បានចាប់ផ្ដើមសហការជាមួយគណ:បញ្ជាការឯកភាពខណ្ឌ និងសង្កាត់ ចុះណែនាំអប់រំប្រជាពលរដ្ឋ ដែលលក់ដូរឲ្យចូលរួមគោរព តាមបម្រាមគោចរ និងបិទអាជីវកម្មឲ្យបានមុនម៉ោង១០ និង០០នាទីយប់ ជាពិសេសហាមជួបជុំ ផឹកស៊ី ល្មើសនឹងបម្រាមគោចរ។ ការចុះអប់រំណែនាំនេះ បានធ្វើឡើងតាំងពីយប់ថ្ងៃទី១៧ ខែសីហា ឆ្នាំ២០២១មកម្លេះ។
គួររំលឹកថា កាលពីថ្ងៃទី១១ ខែសីហា ឆ្នាំ២០២១ រដ្ឋបាលរាជធានីភ្នំពេញ បានចេញសេចក្ដីសម្រេច ដោយដាក់ចេញនូវបម្រាមគោចរ ក្នុងភូមិសាស្ត្ររាជធានីភ្នំពេញ ដើម្បីប្រយុទ្ធ និងទប់ស្កាត់ការឆ្លងរាលដាល នៃជំងឺកូវីដ-១៩ រយៈពេល៧ថ្ងៃ។ នៅក្នុងសេចក្ដីសម្រេច បានបញ្ជាក់ថា ក្នុងអំឡុងពេល នៃការដាក់ចេញវិធានការរដ្ឋបាល ត្រូវបានអនុវត្តបម្រាមគោចរ ដោយផ្អាកជាបណ្ដោះអាសន្ន នូវរាល់ការធ្វើចរាចរណ៍ និងរាល់សកម្មភាព ការងារ មុខរបរ ឬអាជីវកម្ម នៅចន្លោះម៉ោង១០យប់ ដល់ម៉ោង៣ទៀបភ្លឺ សម្រាប់រយៈពេល៧ថ្ងៃ គិតចាប់ពីថ្ងៃ១៣ ខែសីហា ដល់ថ្ងៃទី១៩ ខែសីហា ឆ្នាំ២០២១ លើកលែងតែករណីចាំបាច់ប៉ុណ្ណោះ។
អ្នកនាំពាក្យនៃស្នងការដ្ឋាន នគរបាលរាជធានីភ្នំពេញ លោកវរសេនីយ៍ឯក សាន សុខសីហា បានឲ្យដឹងថា នៅយប់ថ្ងៃទី១៧ ខែសីហា ឆ្នាំ២០២១ កម្លាំងសមត្ថកិច្ច បានឃាត់យានយន្តល្មើសបម្រាមគោចរ ចំនួន៧៤គ្រឿង។ ក្នុងនោះ រថយន្ត២៧គ្រឿង និងម៉ូតូចំនួន៤៧គ្រឿង។ សមត្ថកិច្ច បានផាកពិន័យយានយន្តល្មើសភ្លាមៗ ចំនួន១៥គ្រឿង ហើយយានយន្ដ ដែលនៅសល់ផ្សេងទៀត ត្រូវបានយកទៅរក្សាទុក នៅតាមបណ្ដាអធិការដ្ឋាន នគរបាលខណ្ឌទាំង១៤ ចំណុះឲ្យស្នងការដ្ឋាន នគរបាលរាជធានីភ្នំពេញ។ យ៉ាងណាក៏ដោយ នៅយប់មិញ ពុំមានការឃាត់ខ្លួនមនុស្សនោះឡើយ។
សូមជម្រាបថា ចាប់ពីថ្ងៃទី១៣ ខែសីហា រហូតដល់ថ្ងៃទី១៧ ខែសីហា គឺកម្លាំងសមត្ថកិច្ចរាជធានីភ្នំពេញ បានឃាត់យានយន្ត ល្មើសបម្រាមគោចរ ចំនួន២៦៤គ្រឿង ដោយបានពិន័យរួចរាល់ ចំនួន៧៨គ្រឿង។ ក្នុងនោះ បានបញ្ជូនខ្លួន អ្នកល្មើសវិធានការរដ្ឋបាល ដែលជួបជុំលេងល្បែងស៊ី ចំនួន១៤នាក់ ទៅតុលាការផងដែរ៕ (ដោយ)៖ ឃួន សុភ័ក្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត