ព័ត៌មានជាតិ

បន្ទាន់! មកទល់នឹងម៉ោងជិត៩យប់នេះ ភ្លៀងនៅតែបន្តធ្លាក់នៅក្រុងព្រះសីហនុ បណ្ដាលឲ្យលិច ផ្លូវសំខាន់ៗនិងផ្ទះពលរដ្ឋ

បានផុស

៥ years មុន

នៅ

ថ្ងៃអង្គារ ២៤ សីហា ២០២១

ដោយ

ព្រះសីហនុ ៖ មកទល់នឹងម៉ោងជិត៩យប់ថ្ងៃទី ២៤ ខែសីហា ឆ្នាំ២០២១នេះ ភ្លៀងមួយមេនៅតែបន្តធ្លាក់យ៉ាងខ្លាំង បណ្តាលឲ្យលំនៅឋានប្រជាពលរដ្ឋជាច្រើនខ្នង និងផ្លូវសំខាន់ៗក្នុងក្រុងព្រះសីហនុ បានលិចលង់យ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពព័ត៌មានបានឲ្យដឹងថា ជំនន់ទឹកភ្លៀងនេះ បានកាត់ផ្តាច់ការធ្វើចរាចរណ៍ទាំងស្រុងនៅតាមផ្លូវទំនាបៗ ដោយទឹកបានជន់ហូរពីលើស្ពាននិងលិចពីលើផ្លូវជិតស្មើចង្កេះ។ តំបន់ដែលជំនន់ទឹកភ្លៀងជន់លិចខ្លាំងជាងគេនោះ ស្ថិតនៅក្នុងភូមិសាស្ត្រសង្កាត់លេខ៤ ក្នុងនោះមានដូចជា អូរ១ អូរ២ អូរ៣ អូរ៤ និងអូរ៥។ មកដល់ម៉ោងជិត៩យប់នេះមេឃនៅតែបន្តធ្លាក់ភ្លៀងយ៉ាងខ្លាំង។

ប្រភពដដែលបានបន្តថា កម្រិតទឹកភ្លៀងមានកម្ពស់ ២៤៩មម និងបើតាមយោងការព្យាករណ៍ ករណីភ្លៀងធ្លាក់នៅខេត្តព្រះសីហនុ នឹងបន្តធ្លាក់ពីកម្រិតមធ្យមទៅច្រើន ដូច្នេះរដ្ឋបាលខេត្តសូមអំពាវនាវដល់បងប្អូនប្រជាពលរដ្ឋទាំងអស់ ត្រូវបង្កើនការប្រុងប្រយ័ត្នឲ្យបានខ្ពស់បំផុត ដោយស្វែងរកទីទួលដែលមានសុវត្ថិភាព និងកុំធ្វើដំណើរចាកចេញពីលំនៅឋាន បើគ្មានភាពចាំបាច់៕

ដោយ ៖ ស៊ុយ ចាន់ធា