កីឡា

នេះម្ចាស់ពានឯកត្តជនទាំង ៤ ប្រចាំជើងឯកពិភពលោក World Cup 2026

បានផុស

២ ម៉ោង មុន

នៅ

ថ្ងៃចន្ទ ២០ កក្កដា ២០២៦

ដោយ

ក្រុមបាល់ទាត់ជម្រើសជាតិ អេស្ប៉ាញ បានក្លាយជាម្ចាស់ជើងឯកបាល់ទាត់ពិភពលោក FIFA World Cup ឆ្នាំ ២០២៦ បន្ទាប់ពីប្រើពេល ១២០ នាទី ទើបបានយកឈ្នះ អាហ្សង់ទីន ដោយលទ្ធផល ១-០ ក្នុងវគ្គផ្តាច់ព្រ័ត្រ នាព្រឹកព្រលឹម ថ្ងៃចន្ទ ទី២០ ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួត ៩០ នាទី ក្រុមទាំងពីរគ្មានគ្រាប់បាល់កើតឡើងទេដែលបញ្ចប់ដោយលទ្ធផលស្មើគ្នា ០-០។ ស្របពេលជាមួយគ្នានេះ កីឡាកររបស់អាហ្សង់ទីន Enzo Fernández ទទួលបានកាតលឿន ពីរដង ហើយក៍ទទួលបានកាតក្រហមបណ្តេញចេញពីទីលាន។

ការបន្ថែមម៉ោង ១៥នាទី លើកទី១ ក៏នៅតែគ្មានគ្រាប់បាល់កើតឡើង បើទោះបីជា អេស្ប៉ាញ មានឱកាសស៊ុតច្រើនលើក។ ការប្រកួត ១៥នាទីលើកទី២មិនបានប៉ុន្មានផង អេស្ប៉ាញ ទម្លាយសំណាញ់ទីរបស់អាហ្សង់ទីនបានសម្រេចដោយកីឡាករ Ferran Torres ដើម្បីនាំមុខ ១-០ នៅនាទី ១០៦។ លទ្ធផល ១-០ នេះរក្សារហូតចប់ការប្រកួត ១២០នាទី។

ដូច្នេះក្រុមគោជល់ អេស្ប៉ាញ បានក្លាយជាម្ចាស់ជើងឯកបាល់ទាត់ពិភពលោក FIFA World Cup ឆ្នាំ ២០២៦ ហើយ អាហ្សង់ទីន ទទួលបានចំណាត់ថ្នាក់លេខ ២ និង អង់គ្លេស ទទួលបានចំណាត់ថ្នាក់លេខ៣។

កីឡាករ Pau Cubarsi ម្ចាស់ពានកីឡាករវ័យក្មេងល្អបំផុត

តួសំខាន់ពីរនាក់ដែលគេចាប់អារម្មណ៍បំផុតគឺកីឡាករ Lionel Messi និង Lamine Yamal មិនបានឈ្នះពានឯកត្តជនណាមួយឡើយ។ ផ្ទុយទៅវិញកីឡាករ Pau Cubarsí អាយុ ១៩ ឆ្នាំ បានឈ្នះពានកីឡាករវ័យក្មេងល្អបំផុត ហើយកីឡាករ Kylian Mbappé បានឈ្នះពានស្បែកជើងមាសក្នុងនាមជាកីឡាកររកបានគ្រាប់បាល់ច្រើនជាង ខណៈកីឡាករ Rodri បានឈ្នះពានកីឡាករល្អបំផុតប្រចាំព្រឹត្តិការណ៍ទាំងមូល ហើយអ្នកចាំទី Unai Simon ឈ្នះពានស្រោមដៃមាស៕