ព័ត៌មានជាតិ
រកឃើញ ផលិតផលគុយទាវ កញ្ចប់ក្លែងបន្លំម៉ាកសញ្ញា «ផលិតផល គុយទាវភ្នំពេញ» និង «រូបសញ្ញាប្រាសាទអង្គរវត្ត»
ស្ថានទូតកម្ពុជា ប្រចាំសហរដ្ឋអាមេរិក បានរកឃើញ ផលិតផលគុយទាវកញ្ចប់ ក្លែងបន្លំម៉ាកសញ្ញា ដោយប្រើស្លាកសញ្ញាថា «ផលិតផលគុយទាវភ្នំពេញ» និង «រូបសញ្ញាប្រាសាទអង្គរវត្ត» ដាក់លក់ និងចែកចាយនៅលើទីផ្សារសហរដ្ឋអាមេរិក។
យោងសេចក្តីប្រកាសព័ត៌មាន របស់ស្ថានទូតកម្ពុជា ប្រចាំសហរដ្ឋអាមេរិក ដែលចេញផ្សាយ នៅថ្ងៃទី២៧ ខែសីហានេះ បានឲ្យដឹងថា ថ្មីៗនេះស្ថានទូត បានរកឃើញការចែកចាយ លក់នូវផលិតផល គុយទាវក្រៀមកញ្ចប់ ដែលមិនមែន ជាផលិតផលរបស់កម្ពុជា ហើយនៅលើសំបកវេចខ្ចប់ មានការប្រើប្រាស់ស្លាកសញ្ញា «ផលិតផលគុយទាវភ្នំពេញ» និង «រូបសញ្ញាប្រាសាទអង្គរវត្ត» កំពុងត្រូវបានដាក់លក់ នៅតាមបណ្តាផ្សារអាស៊ី ក្នុងតំបន់ឆ្នេរខាងកើត សហរដ្ឋអាមេរិក។
ស្ថាតទូត ចាត់ទុកថា ការប្រើប្រាស់ពាក្យនិងម៉ាក «ផលិតផលគុយទាវភ្នំពេញ» និង «រូបសញ្ញាប្រាសាទ អង្គរ វត្ត» ដោយមិនមានការអនុញ្ញាត ពីអាជ្ញាធរមានសមត្ថកិច្ចរបស់កម្ពុជា បានរំលោភបំពានលើបទប្បញ្ញត្តិច្បាប់របស់កម្ពុជា កិច្ចព្រមព្រៀង និងសន្ធិសញ្ញាអន្តរជាតិ ជាពិសេសការប្រើប្រាស់ម៉ាកគុយទាវភ្នំពេញ បានធ្វើឲ្យអ្នកប្រើប្រាស់ទូទៅ មានការភាន់ច្រឡំ អំពីប្រភពដើម នៃផលិតផលគុយទាវកញ្ចប់។
ស្ថាតទូតកម្ពុជា ប្រចាំអាមេរិក បានបន្តថា ស្ថានទូតបានស្រាវជ្រាវ កំណត់មុខសញ្ញា និងចាត់អនុព័ន្ធពាណិជ្ជ កម្មអមស្ថានទូត ចុះជួបណែនាំដល់ក្រុមហ៊ុន ដែលនាំចូលផលិតផលទាំងនោះ ដល់ទីតាំងក្រុមហ៊ុន ព្រមទាំងបានចេញលិខិតជូនដំណឹងជាផ្លូវការ ទៅក្រុមហ៊ុនទាំងនោះ ឲ្យបញ្ឈប់ធ្វើការនាំចូល ឬដាក់លក់នូវផលិតបែបនេះបន្តទៀត ហើយស្ថានទូតនឹងដាក់ចេញ នូវវិធានការបន្ត ក្នុងករណីក្រុមហ៊ុន មិនព្រមអនុវត្ត តាមសេចក្តីជូនដំណឹង។
ទន្ទឹមនឹងនេះដែរ ស្ថានទូតបានធ្វើការអំពាវនាវ ដល់ប្រជាពលរដ្ឋ និងសិស្សនិស្សិតខ្មែរ ដែលកំពុងស្នាក់នៅសហរដ្ឋអាមេរិក ឈប់ការជាវយក មកប្រើប្រាស់ នូវផលិតផលក្លែងបន្លំនេះ ព្រមទាំងជួយផ្តល់ដំណឹង ទៅស្ថានទូតតាមរយៈគេហទំព័រ Facebook ស្ថានទូតក្នុងករណីបានឃើញ ឬជួបប្រទះនូវផលិត ផលណាដែលមានប្រើប្រាស់រូបសញ្ញា ដែលជាអត្តសញ្ញាណជាតិនៃកម្ពុជា នៅតាមបណ្តាទីផ្សារនានា ក្នុងសហរដ្ឋអាមេរិក ដើម្បីស្ថានទូត អាចរៀបចំនីតិវិធីតវ៉ា តាមផ្លូវច្បាប់ សំដៅបញ្ឈប់ការដាក់ លក់ផលិតផលក្លែងបន្លំនេះ បានទាន់ពេលវេលា៕
(ដោយ)៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង