ព័ត៌មានជាតិ

បិទផ្សារស្វាយលើ និងផ្សារហេងមករាបណ្ដោះអាសន្ន បន្ទាប់ពីរកឃើញករណីឆ្លងកូវីដ ១០នាក់

បានផុស

៥ years មុន

នៅ

ថ្ងៃចន្ទ ១៣ កញ្ញា ២០២១

ដោយ

Sorn Phanith

ផ្សារចំនួនពីរកន្លែង នៅក្នុងខេត្តសៀមរាប ត្រូវអាជ្ញាធរចុះបិទជាបណ្ដោះអាសន្ន ក្រោយរកឃើញមនុស្ស១០នាក់ បានឆ្លងជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អៀង ពិសិទ្ធ អភិបាលស្រុកស្វាយលើ បានប្រាប់កម្ពុជាថ្មីឲ្យដឹងថា ដោយសារមានអ្នកវិជ្ជមានកូវីដ១៩ ដែលក្រុមគ្រូពេទ្យអាវសររបស់រដ្ឋបាលស្រុកស្វាយលើបានរកឃើញចំនួន១០នាក់ ដូច្នេះហើយទើបរដ្ឋបាលស្រុកស្វាយលើ សម្រេចបិទផ្សារស្វាយលើ ស្ថិតនៅភូមិជប់លើ និងផ្សារ ហេង មករា ភូមិត្រពាំងខ្នារ ឃុំស្វាយលើ ស្រុកស្វាយលើ ខេត្តសៀមរាប ដែលជាទីតាំងមានការឆ្លងរាលដាលនៃជំងឺកូវីដ-១៩ ជាបណ្ដោះអាសន្ន សម្រាប់រយៈពេល ២ (ពីរ)សប្តាហ៍ ចាប់ពីថ្ងៃទី១២ ដល់ថ្ងៃទី២៦ ខែកញ្ញា ឆ្នាំ២០២១។

លោកអភិបាលស្រុកបានបន្តទៀតថា នៅថ្ងៃស្អែកនេះ អាជីវករផ្សារខាងលើនេះ ត្រូវយកមកធ្វើតេស្ត យកសំណាក់នៅក្នុងបរិវេណវត្តស្វាយលើ ដូច្នេះហើយសូមអាជីវករទាំងអស់ ត្រូវទៅតេស្តយកសំណាក់ឲ្យបានគ្រប់ៗគ្នា ដើម្បីកាត់បន្ថយការដាលបន្តទៀត៕