ព័ត៌មានជាតិ

ផ្ទាំងផ្សព្វផ្សាយអប់រំ ត្រូវបានតំឡើងតាមឃុំសង្កាត់ ទាំង៦៥ក្នុងខេត្តបន្ទាយមានជ័យ

បានផុស

៥ years មុន

នៅ

ថ្ងៃអង្គារ ១៤ កញ្ញា ២០២១

ដោយ

ផ្ទាំងប៉ាណូផ្សព្វផ្សាយពីគោលនយោបាយភូមិ ឃុំ មានសុវត្តិភាព និងវិធានការទប់ស្កាត់កូវីដ-១៩ ត្រូវបានតំឡើងតាមឃុំ សង្កាត់ ទាំង៦៥ក្នុងខេត្តបន្ទាយមានជ័យ ក្នុងនោះមានវិធានការ ៣ការពារ៣កុំ និងការផ្តល់សេវារបស់ច្រកចេញចូលតែមួយ។ សកម្មភាពដំឡើងផ្ទាំងប៉ាណូនេះមានរយៈពេល៤ថ្ងៃ គឺចាប់ពីថ្ងៃទី១១ ១២ ១៣ និងទី១៤ ខែកញ្ញា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីមូលដ្ឋានបានឱ្យដឹងថា ការតំឡើងផ្ទាំងប៉ាណូផ្សព្វផ្សាយនាពេលនេះ ដោយមានការគាំទ្រពីសហគមន៍អឺរ៉ុប តាមរយៈគម្រោងអភិវឌ្ឍសមត្តភាពស្ថាប័ន និងការប្រតិបត្តិរបស់សមាគមក្រុមប្រឹក្សាថ្នាក់មូលដ្ឋាន ផ្តួចផ្តើមឡើងដោយសមាគមក្រុមប្រឹក្សាថ្នាក់មូលដ្ឋាន សហការដោយអង្គការ អេដ អេ អាក់ស្យុង AEA និង API។

មន្ត្រីមូលដ្ឋានបានបញ្ជាក់ឱ្យដឹងបន្តទៀតថា ផ្ទាំងប៉ាណូដែលបានដំឡើងមានចំនួន៧៤ផ្ទាំង មានខ្នាត ១,៥m ម៉ែត្រ គុណ ២,០ម៉ែត្រ ភ្ជាប់ដោយជើងទម្រពីកម្ពស់ ៣,៥ ម៉ែត្រ ពីដីសម្រាប់ដំឡើងនៅតាមទីតាំងក្បែរសាលាក្រុងស្រុកទាំង៩ និងក្បែរសាលាឃុំ សង្កាត់ទាំង៦៥ ក្នុងខេត្តបន្ទាយមានជ័យ។

គួរបញ្ជាក់ថា ការដំឡើងផ្ទាំងប៉ាណូផ្សព្វផ្សាយពីគោលនយោបាយភូមិ ឃុំ សង្កាត់ មានសុវត្តិភាព និងវិធានការទប់ស្កាត់ការីករាលជំងឺកូវីដ-១៩ ៣ការពារ៣កុំ និងការផ្តល់សេវារបស់ច្រកចេញចូលតែមួយ ជាការរួមចំណែកមួយ ជាមួយប្រមុខរាជរដ្ឋាភិបាល ដើម្បីឱ្យប្រជាពលរដ្ឋទាំងអស់គ្នាចងចាំជានិច្ច ដោយអនុវត្តតាមវិធានការរបស់ក្រសួងសុខាភិបាល និងវិធានការបស់រាជរដ្ឋាភិបាលឱ្យបានខ្ជាប់ខ្ជួន៕

អត្ថបទ៖ វ៉ាន់ ណាង