ព័ត៌មានជាតិ
ជំនន់ទឹកភ្លៀង ធ្វើឲ្យប៉ះពាល់ដល់ពលរដ្ឋ ខេត្តបន្ទាយមានជ័យជាង ២ម៉ឺននាក់ និងមានស្លាប់ម្នាក់
ជំនន់ទឹកភ្លៀង បានបណ្តាលឲ្យប៉ះពាល់ ដល់ប្រជាពលរដ្ឋ នៅក្នុងខេត្តបន្ទាយមានជ័យ ប្រមាណជាង ៥ពាន់គ្រួសារ ស្មើនឹងជាង ២ម៉ឺននាក់ ជម្លៀសទៅរកទីទួលសុវត្តិភាពជាង ១៥០គ្រួសារ និងប៉ះពាល់ផលដំណាំប្រមាណជាង ១ម៉ឺនហិកតា ព្រមទាំងហេដ្ឋារចនាសម្ព័ន្ធមួយចំនួន ផងដែរ។
យោងតាមរបាយការណ៍ របស់រដ្ឋបាលខេត្តបន្ទាយមានជ័យ បានឲ្យដឹងថា ចាប់ពីថ្ងៃទី២០ ដល់ថ្ងៃទី២២ ខែកញ្ញា ឆ្នាំ២០២១ ជំនន់ទឹកភ្លៀង និងមានទឹកហូរធ្លាក់ មកពីប្រទេសថៃ បានបណ្តលឲ្យប៉ះពាល់ដល់ក្រុងស្រុកចំនួន៥ ឃុំចំនួន១៧។ ក្នុងនោះរួមមាន៖ ក្រុងប៉ោយប៉ែត ស្រុកអូរជ្រៅ ស្រុកភ្នំស្រុក ស្រុក មង្គលបូរី និងស្រុកម៉ាឡៃ។
របាយការណ៍ដដែល បានបន្តថា ក្នុងនោះបានប៉ះពាល់ដល់មនុស្សចំនួន ៥១៣០គ្រួសារ ស្មើនឹង២២៤៨៣នាក់ស្រី ៩៣០៥នាក់ ស្លាប់មនុស្សម្នាក់ ជម្លៀសប្រជាពលរដ្ឋ ទៅរកទីទួលសុវត្តិភាពចំនួន ១៥៨គ្រួសារ ស្មើនឹង ៥០៨នាក់ស្រី ២៥៨នាក់ ប៉ះពាល់ដំណាំស្រូវ ១២០៣៨ហិកតា ដំឡូងមី២២៥៥ហិកតា និងដំណាំរួមផ្សំផ្សេងៗចំនួន ១១៤ហិកាតា។ ក្រៅពីនេះ ជំនន់ទឹកភ្លៀង បានបណ្តាលឲ្យលិចសាលារៀនចំនួន ២៨សាលា វត្តអារាមចំនួន ១០ និងទឹកហូរកាត់ផ្លូវចំនួន ២៩៦កន្លែងដោយមានប្រវែង ៨៦៦០៣ម៉ែត្រ។
លោក ឃុន សុខា អ្នកនាំពាក្យ នៃគណៈកម្មាធិការជាតិ គ្រប់គ្រងគ្រោះមហន្តរាយ បានឲ្យដឹងនៅព្រឹកថ្ងៃទី២៦កញ្ញានេះ ថា ខេត្តបន្ទាយមានជ័យ ជាខេត្តដែលបានរងផលប៉ះពាល់ ដោយជំនន់ទឹកភ្លៀងធ្ងន់ធ្ងរជាងគេ បើធៀបទៅនឹងបណ្តាខេត្ត៤ផ្សេងទៀត ពិសេសស្រុកជាប់ព្រំដែនប្រទេសថៃដូចជាក្រុងប៉ោយប៉ែត ទទួលរងការលិចលង់ច្រើន៕
អត្ថបទ៖ សំអឿន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»