ព័ត៌មានជាតិ

ឃាត់ខ្លួនមនុស្សប្រុស ស្រី៣០នាក់ ដែលល្មើសបម្រាមជួបជុំផឹកស៊ីក្នុងហាង «បាត់អូន»

បានផុស

៥ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

មនុស្សប្រុស ស្រីចំនួន៣០នាក់ ត្រូវបានគណ:បញ្ជាការឯកភាពខណ្ឌទួលគោកដឹកនាំបញ្ជាផ្ទាល់ពីលោក ជា ពិសី ជាប្រធាន បានចុះបង្ក្រាបដោយឃាត់ខ្លួនមនុស្សប្រុស ស្រី៣០នាក់ ពាក់ព័ន្ធនឹងការមិនគោរពតាមសេចក្តីណែនាំរបស់អាជ្ញាធររាជធានីភ្នំពេញ លេខ:៣០២/២១សសរ ដែលហាមឃាត់ចំពោះសកម្មភាពមុខរបរដែលមានហានិភ័យខ្ពស់នៃការឆ្លងរាលដាលជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការណ៍នេះបានធ្វើឡើងកាលពីរាត្រីថ្ងៃទី២៩ ខែកញ្ញា ឆ្នាំ២០២១ នៅទីតាំងភោជនីយដ្ឋាន«បាត់អូន» «Batoun» ស្ថិតនៅទីតាំងផ្ទះលេខ២ ផ្លូវលេខ៣៣៧ ក្រុមទី២៦ ភូមិទី០៦ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។

មន្ត្រីរដ្ឋបាលខណ្ឌទួលគោកបានអោយដឹងថា នៅវេលាយប់ថ្ងៃទី២៩ ខែកញ្ញា ឆ្នាំ២០២១ កម្លាំងគណ:បញ្ជាការឯកភាពខណ្ឌដឹកនាំបញ្ជាផ្ទាល់ដោយលោក ជា ពិសី បានចុះពិនិត្យទីតាំងភោជនីយដ្ឋាននានាក្នុងមូលដ្ឋានខណ្ឌ ដើម្បីទប់ស្កាត់អប់រំដល់ម្ចាស់អាជីវកម្មអោយចូលរួមទប់ស្កាត់បង្ការការរីករាលដាលជំងឺឆ្លងកូវីដ-១៩ និងគោរពតាមវិធានសុខាភិបាល ។ ខណៈដែលក្រុមប្រតិបត្តិការចុះមកដល់ក្លឹប បាត់អូន Batoun” បានឃើញសកម្មភាពជួបជុំផឹកស៊ីនៅក្នុងហាងចំនួន០៣តុ និងមានការចាក់ភ្លេងកំដរអារម្មណ៍ ក្នុងនោះមានភ្ញៀវចំនួន១៨នាក់ ស្រី០៧នាក់ និងបុគ្គលិកចំនួន១២នាក់ ស្រី០៥នាក់ នៅក្នុងលើតុទាំង៣នោះមានឃើញកែវស្រា និងជបស្រា របស់ភ្ញៀវទាំង៣តុ ពេលនោះក្រុមប្រតិបត្តិការបានធ្វើការបង្ក្រាបជាក់ស្ដែងតែម្តង ពាក់ព័ន្ធមិនគោរពតាមសេចក្តីណែនាំរបស់អាជ្ញាធររាជធានីភ្នំពេញលេខ:៣០២/២១សសរ ដែលហាមឃាត់ចំពោះសកម្មភាពមុខរបរដែលមានហានិភ័យខ្ពស់ ។

ចំពោះអ្នកពាក់ព័ន្ធទាំងនោះ ត្រូវបានពិនិត្យយកសំណាកពីក្រុមគ្រូពេទ្យជាលទ្ធផលអវិជ្ជមានទាំងអស់ ក្រោយពីពិនិត្យរួចរាល់កម្លាំងអធិការដ្ឋាននគរបាលខណ្ឌបានអនុវត្តន៍ទៅតាមនីតិវិធីច្បាប់៕

អត្ថបទ៖ ស្រីរ័ត្ន