ព័ត៌មានជាតិ

មន្ទីរទេសចរណ៍ ខេត្តស្ទឹងត្រែង គាំទ្រវិស័យឯកជនបង្កើត រមណីយដ្ឋាននៅក្នុងស្រុក

បានផុស

៥ years មុន

នៅ

ថ្ងៃសៅរ៍ ២ តុលា ២០២១

ដោយ

មន្ទីរទេសចរណ៍ ខេត្តស្ទឹងត្រែងគាំទ្រដល់ វិស័យឯកជន ឱ្យបង្កើតរមណីយដ្ឋាន (និស្ស័យស្នេហ៍សេសាន) នៅស្រុកសេសានដើម្បីផ្តល់ការងារឱ្យកូនចៅប្រជាពលរដ្ឋធ្វើ នៅក្នុងស្រុក និងបានរួមគ្នាអភិរក្សសម្បត្តិធនធានធម្មជាតិនៅតំបន់នេះផង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសកម្មភាពចុះពិនិត្យការស្ថាបនា រមណីយដ្ឋានទេសចរណ៍ ភូមិកំភុន ឃុំភ្លុក ស្រុកសេសានថ្ងៃទី២ តុលានេះ លោកអ៊ន ប៉ោសឿន ប្រធានមន្ទីរទេសចរណ៍ខេត្តបានបញ្ជាក់ថា៖ ផ្នែកឯកជនជាដៃគូមួយយ៉ាងសំខាន់ ក្នុងការអភិវឌ្ឍន៍វិស័យនានា មិនមែនតែវិស័យទេសចរណ៍មួយប៉ុណ្ណោះទេ។

លោកបន្តថា៖ ក្នុងនាមស្ថាប័នជំនាញ ស្នើឱ្យម្ចាស់រមណីយដ្ឋានស្ថាបនាឱ្យមានស្តង់ទៅតាមគោលការណ៍របស់ក្រសួងទេសចរណ៍ ដើម្បីធានាសុវត្ថិភាពជូនភ្ញៀវមកកម្សាន្ត ស្ថិតនៅក្នុងបរិបទជំងឺកូវីដ១៩ សូមណែនាំភ្ញៀវទេសចរឱ្យអនុវត្តវិធានការសុខាភិបាលពេលមានគ្នាច្រើនចូលមកទស្សនាកម្សាន្ត ក្នុងឱកាសបុណ្យដាក់និងភ្ជុំបិណ្ឌនេះ។

លោក កៃ តុលា ម្ចាស់រមណីយដ្ឋានទេសចរណ៍(និស្ស័យស្នេហ៍សេសាន)បានបញ្ជាក់ថា លោកទទួលយកការណែនាំនេះ ព្រោះពេលរៀបចំបានល្អភ្ញៀវទេសចរ និងមកទស្សនាបានច្រើន ហើយប្រជាពលនៅមូលដ្ឋាននេះ ក៏រកប្រាក់ចំណូលបាន ដោយប្រយោលពីវិស័យទេសចរណ៍ផងដែរ។ លោកបន្ថែមថា បច្ចុប្បន្នរមណីយដ្ឋាននេះ ស្ថាបនាបានជាង៤០%ហើយ និងគ្រោងបញ្ជាប់ការស្ថាបនា នៅដើមឆ្នាំ២០២៣ទៅតាមផែនការដែលបានគ្រោងទុក។

កញ្ញា សួន ម៉ាឡា ប្រជាពលរដ្ឋនៅភូមិឃុំភ្លុកបានសាទរ ចំពោះការរៀបចំបង្កើតឱ្យមានរមណីយដ្ឋាននៅក្នុងខេត្ត ព្រោះមិនបាច់នាំឱ្យយើងទៅលេងឆ្ងាយពីស្រុកភូមិ។ កញ្ញាបន្តថា មួយវិញទៀតយើងក៏ចង់ឃើញភ្ញៀវទេសចរពីខេត្តផ្សេងៗមកកម្សាន្តនៅខេត្តស្ទឹងត្រែងយើងវិញផងដែរ។

សូមបញ្ជាក់ថា រមណីយដ្ឋានទេសចរណ៍(និស្ស័យស្នេហ៍សេសាន)ត្រូវបានអាជ្ញាធរស្រុកសេសាន សហការជាមួយផ្នែកឯកជនបង្កើតឡើង ស្ថិតនៅលើផ្ទៃដីជាង០៦ហិចតា នៅក្នុងភូមិឃុំកំភុន ដែលមានចម្ងាយពីទីរួមខេត្តស្ទឹងត្រែង ប្រមាណជាង១០គីឡូម៉ែត្រតែប៉ុណ្ណោះ៕

អត្ថបទ៖ ងិនលីម

Related Topics:តំបន់ទេសចរណ៍

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា