ព័ត៌មានជាតិ

មន្រ្តីសុខាភិបាលបញ្ជាក់គ្មានគោលការណ៍ ទារលុយជាថ្នូរដឹកសពអ្នកកូវីដយកទៅបូជាទេ

បានផុស

៥ years មុន

នៅ

ថ្ងៃអង្គារ ៥ តុលា ២០២១

ដោយ

ក្រោយមានការសាកសួរពីសាច់ញាតិ សពជនរងគ្រោះម្នាក់បានស្លាប់ដោយជំងឺកូវីដមិនទាន់បានបូជា ដោយមានការទាមទារយកលុយកាក់ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាលបានបញ្ជាក់ថា មិនមានគោលការណ៍យកប្រាក់ពីជនរងគ្រោះនោះឡើយ ហេីយការគ្រប់គ្រងសពមានអនុគណ:កម្មការមួយ និងមានក្រុមការងារព្រមទាំងអ្នកដឹកដោយឡែក។

ការឆ្លើយតបនេះ ក្រោយមានសាច់ញាតិអ្នកជំងឺកូវីដដែលបានស្លាប់ ហើយមិនទាន់បានបូជា ក្រោយពេលម្តាយសពប្រាប់ថា ខាងអ្នកមកដឹកសពទារថ្លៃសេវាជាង ១ពាន់ដុល្លារ រួមថ្លៃអ្នកមកដឹកសព ៤ ទៅ៥នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពពីសាច់ញាតិ ក្មេងស្រីរងគ្រោះស្លាប់ដោយជំងឺកូវីដ១៩ ប្រភេទដែលតានៅថ្ងៃ ២ ខែតុលា ២០២១។ មកដល់ថ្ងៃនេះសពតំកល់នៅពេទ្យរុស្សីមិនទាន់បូជាទេ ខណះម្តាយត្រូវជាប់ធ្វើចត្តាឡីស័កនៅក្នុងផ្ទះ ជាមួយកូនតូចៗ២នាក់ទៀត នៅខណ្ឌឬស្សីកែវ។

ប្រភពសាច់ញាតិបានបញ្ជាក់បន្ថែមថា ម្តាយសពប្រាប់ថាខាងអ្នកមកដឹកសព ទារថ្លៃសេវាជាង ១ពាន់ដុល្លារ រួមថ្លៃអ្នកមកដឹកសព ៤ ទៅ ៥នាក់។ ខាងគ្រួសារសព ជាស្រី្តមេម៉ាយ ឪពុកឈឺនៅផ្ទះ រួមជាមួយកូនតូច២នាក់ ដែលកំពុងធ្វើចត្តាឡីស័ក ព្រោះពេលគ្រួសារសពទាក់ទងទៅខាងមន្ទីពេទ្យរុស្សី គេថាទាល់ត្រូវចំណាយលុយជាង១ពាន់ ទៅ២ពាន់ ហើយសំដីសំដៅរបៀបជំនិតជនរងគ្រោះតែម្តង។

បើតាមប្រភពពីសាច់ញាតិ កុមារីដែលស្លាប់កើតនៅថ្ងៃ ២៣ ខែ១២ ឆ្នាំ២០១១ ស្លាប់ថ្លៃ២ ខែតុលា ២០២១ ) មានទីលំនៅនៅក្នុងខណ្ឌឬស្សីកែវ។ មកដល់ថ្ងៃនេះសព នៅមិនទាន់បូជាទេ ដោយខាងពេទ្យ កំពុងចរចាររឿងលុយពីគ្រួសារសព។

លោកជំទាវ ឱ វណ្ណឌីន បានប្រកាសលេខទូរសព្ទ ប្រសិនបេីមានការទាមទារប្រាក់ទេីបដឹកនោះ សុំទាក់ទងទៅអនុគណកម្មការតាមលេខទូរសព្ទ 012 212 170៕