ព័ត៌មានជាតិ
សម្តេចក្រឡាហោម ស្នើសុំផ្ដល់អាទិភាពជូនមន្ត្រីជាជនជាតិដើមភាគតិចក្នុងការជំនួសតំណែងអភិបាលរងខេត្តរតនគិរី
សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានស្នើឲ្យក្រុមការងារចុះជួយមូលដ្ឋានខេត្ត ក្រុមប្រឹក្សាខេត្ត និងគណៈអភិបាលខេត្តរតនគិរី ត្រូវពិភាក្សាគ្នាដើម្បីរៀបចំសមាសភាពអភិបាលរងខេត្តម្នាក់មកជំនួសលោក ញ៉ែម សំអឿន ដែលឡើងពីអភិបាលរងខេត្ត មកធ្វើជាអភិបាលខេត្តក្នុងនោះសម្ដេចបានស្នើឱ្យពិនិត្យលទ្ធភាពផ្ដល់អាទិភាពជូនមន្ត្រីជាជនជាតិដើមភាគតិចនៅក្នុងខេត្តរតនគិរីតែងម្តង ។
សម្ដេចក្រឡាហោម ស ខេង បានស្នើបែបនេះ នៅព្រឹកថ្ងៃទី១២ ខែតុលា ឆ្នាំ២០២១ ក្នុងពិធីប្រកាសចូលកាន់មុខតំណែង អភិបាលនៃគណៈអភិបាលខេត្តរតនគិរី។ លោក ញ៉ែម សំអឿន ត្រូវបានតែងតាំងជាអភិបាលនៃគណៈអភិបាលខេត្តរតនគិរី ជំនួសលោក ថង សាវុន ដែលត្រូវតែងតាំងជាអភិបាលនៃគណៈភិបាលខេត្តមណ្ឌលគិរី ។
សម្ដេចក្រឡាហោម ស ខេង បានមានប្រសាសន៍ថា «ដោយសារលោក ថង សាវុន ត្រូវទៅកាន់តំណែងជាអភិបាលខេត្តមណ្ឌលគិរី ហើយត្រូវរើសលោក ញ៉ែម សំអឿន ពីអភិបាលរងខេត្ត មកជំនួយលោក ថង សាវុន ដូចនេះ វាត្រូវខ្វះអភិបាលរងម្នាក់ ដូចនេះខ្ញុំឱ្យថ្នាក់ដឹកនាំក្រុមការងារចុះជួយមូលដ្ឋានខេត្ត ដែលមានលោក ជៀង អំ ជាប្រធាននិងក្រុមប្រឹក្សាខេត្តគណៈអភិបាលខេត្តរតនគិរី ថ្មី ពិភាក្សាគ្នាដើម្បីរៀបចំសមាសភាពអភិបាលរងខេត្តម្នាក់មកជំនួសលោក ញ៉ែម សំអឿន ហើយខ្ញុំស្នើឱ្យពិនិត្យលទ្ធភាពផ្ដល់អាទិភាពជូនមន្ត្រីជាជនជាតិដើមភាគតិចដែលកំពុងបំពេញកិច្ចការនៅក្នុងខេត្តនេះតែម្តង» ។
ខេត្តរតនគិរី ស្ថិតនៅភាគឦសាន្តនៃព្រះរាជាណាចក្រកម្ពុជា ដែលមានចម្ងាយពីរាជធានីភ្នំពេញ៥៨៨ គ.ម មានព្រំប្រទល់ខាងកើតជាប់នឹងខេត្តកន្ទូមនិងខេត្តយ៉ាឡាយនៃ ប្រទេសវៀតណាម ខាងលិចជាប់នឹងខេត្តស្ទឹងត្រែង ខាងជើងជាប់នឹងខេត្តអត្តពឺ របស់ឡាវ និងត្បូងជាប់នឹងខេត្តមណ្ឌលគិរី ។
ខេត្តរតនគិរី ត្រូវបានបង្កើតឡើងនៅថ្ងៃទី១៧ ខែកុម្ភៈ ឆ្នាំ១៩៥៩ ព្រះហស្តលេខាដោយសម្តេច ព្រះនរោត្តម សុរាម្រិត ដែលត្រូវបានកាត់ចេញពីខេត្តស្ទឹងត្រែង មានតំបន់រដ្ឋបាលនៅស្រុកអណ្តូងពេជ្រ(ស្រុកបរកែវបច្ចុប្បន្ន )។
ចាប់ពីឆ្នាំ១៩៧៩ ខេត្តរតនគិរី បានរៀបចំឡើងវិញនូវហេដ្ឋារចនាសម្ព័ន្ធដោយមានទីរួមខេត្តនៅស្រុកវើនសៃ ក៏ប៉ុន្តែដោយសារស្ថានភាពប្រទេសទើបតែរួចផុតពីសង្គ្រាមរាំរ៉ៃ ខេត្តរតនគិរី នៅពេលនោះពុំទាន់មានផ្លូវគមនាគមន៍តភ្ជាប់ពីខេត្តមួយទៅខេត្តមួយនោះទេ គឺការធ្វើដំណើរត្រូវប្រើប្រាស់មធ្យោបាយយន្តហោះឬត្រូវធ្វើដំណើរ វាងតាមប្រទេសវៀតណាមដើម្បីទៅកាន់រាជធានីភ្នំពេញ ។
អតីតថ្នាក់ដឹកនាំខេត្តរតនគិរី ចាប់ពីឆ្នាំ១៩៧៩ដល់បច្ចុប្បន្នរួមមានលោក ប៊ូ ជួង (១៩៧៩-១៩៨៨)បានកាន់ តំណែងជាអភិបាលខេត្ត ។ លោកស្រី ឡាក់ អូន ជាអភិបាលខេត្ត (ឆ្នាំ១៩៨៨-១៩៩៣) ។ លោក ខាំ ឡែន (ឆ្នាំ១៩៩៣-១៩៩៥) ។ លោក កែប ជុតិមា (ឆ្នាំ១៩៩៥-១៩៩៩)។ លោក ខាំ ខឿន (ឆ្នាំ១៩៩៩-២០០៥) ។លោក មួង ប៉យ (ឆ្នាំ២០០៥-២០០៩) ។ លោក ប៉ាវ ហមផាន (ឆ្នាំ២០០៩-២០១៤) និងលោក ថង សាវុន (ឆ្នាំ២០១៤-២០២១ ) ។ ជាការកត់សំគាល់គណៈអភិបាលខេត្តនេះ ភាគច្រើនជាបងប្អូនជនជាតិភាគតិច ។
បច្ចុប្បន្នរដ្ឋបាលខេត្តរតនគិរី មានផ្ទៃដី ១០,៧៨២គីឡូម៉ែត្រការ៉េ ត្រូវបានបែងចែករចនាសម្ព័ន្ធរដ្ឋបាលដែនដីជា០១ក្រុង ០៨ស្រុក ០៤សង្កាត់ ៤៦ឃុំ និង២៤៣ភូមិមាន ប្រជាជនសរុបចំនួន ២០១.៥៤៧នាក់ ស្រីចំនួន ៩៩.២៣៨ នាក់ គ្រួសារសរុបចំនួន ៤៦.០៨៣ គ្រួសារ,ពលរដ្ឋមានអាយុ១៨ឆ្នាំឡើងមានចំនួន ១០១.៣៩០នាក់មាន ដង់ស៊ីតេប្រជាជន ១៨ នាក់ក្នុងមួយគីឡូម៉ែត្រការ៉េ(ស្ថិតិឆ្នាំ២០១៨) អត្រាកំណើនប្រជាជនប្រចាំឆ្នាំមាន៣,០៦% ។ នៅក្នុងខេត្តរតនគិរីជាខេត្តមួយចម្រុះដោយជន ជាតិដើមភាគតិចមានប្រមាណជាង ៦០%នៃប្រជាពលរដ្ឋសរុបមានចំនួន៨ ជនជាតិរួមមាន៖ជនជាតិទំពួន កាចក់ កាវែត លន់ ព្រៅ ចារាយ ព្នងនិងគ្រឹង៕
អត្ថបទ៖ ណារី
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
គម្រោងសាងសង់ស្ពានលេខ ៣១ ស្រុកស្អាង រួចរាល់មុនចូលឆ្នាំខ្មែរ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ