ព័ត៌មានជាតិ
ទឹកជំនន់ស្រក ក្បាលស្ពានលំផាត់រងការខូចខាត មិនអាចធ្វើចរាចរណ៍បាន
ខេត្តបាត់ដំបង៖ អាជ្ញាធរស្រុកកំរៀងបានធ្វើការចុះត្រួតពិនិត្យផ្លូវមួយកន្លែង និងផ្អាកការធ្វើចរាចរណ៍ជាបណ្តោះអាសន្ន ក្រោយពីទឹកជំនន់បានហូរកាត់ប្រវែងប្រហែល ជិត១០០ម៉ែត្រ ហើយកម្ពស់ទឹកបានហូរនៅពីលើស្ពានជាង ១ ម៉ែត្រ គឺលិចពីលើបង្កាន់ដៃស្ពានរួចមក ឥឡូវផ្លូវត្រូវខូចខាតយ៉ាងធ្ងន់ធ្ងរពេលទឹកស្រកចុះ។
គួរបញ្ជាក់ថា កាលពីអំឡុងដើមខែកញ្ញា ក្បាលស្ពានលំផាត់ម្ខាង ត្រូវបានទឹកជំនន់ហូរច្រោះដាច់ម្តងរួចមកហើយ បង្កអោយមានការស្ទះចរាចរណ៍មិនអាចឆ្លងកាត់បាន ដែលស្ពាននេះគឺឆ្លងកាត់អូរដារ បែកចេញពីផ្លូវជាតិលេខ ៥៧បេ ត្រង់ចំណុចភូមិលំផាត់ ឃុំអូរដារ ស្រុកកំរៀង ខេត្តបាត់ដំបង ដោយបានភ្ជាប់ទៅកាន់ភូមិសំរោង និងភូមិតាំងយូ។
លុះនៅព្រឹកថ្ងៃទី៣ តុលា នេះ ទឹកជំនន់ដែលបានធ្លាក់មកពីអូរព្រំដែនថៃតាមអូរដារ បានលិចស្ពាននិងកំណាត់ផ្លូវសងខាងស្ពានសរុបប្រហែល ជិត១០០ម៉ែត្រ ដែលតម្រូវអោយអាជ្ញាធរចុះបិទការធ្វើចរាចរណ៍ជាបណ្តោះអាសន្ន រង់ចាំទឹកស្រកវិញ។
នៅព្រឹកថ្ងៃទី ១៣ តុលានេះ លោកអភិបាលស្រុកកំរៀង សុខ គឹមខុន បានដឹកនាំកម្លាំងចុះពិនិត្យស្ថានភាពផ្លូវដែលបាក់ខ្ទេចខ្ទីក្រោយពេលទឹកស្រុក ដើម្បីរកវិធីជួសជុលឡើងវិញ ហើយក៏អាចអោយអាជ្ញាធរឃុំធ្វើការរៃអង្គាសពីប្រជាពលរដ្ឋដែរ ដោយសារតែផ្លូវ និងស្ពាននេះ មិនទាន់មានអង្គការ ឬក្រុមហ៊ុនណា ពិសេសមន្ទីរអភិវឌ្ឍន៍ជនបទ ជួយនៅឡើងទេ ព្រោះវាជាផ្លូវមូលនិធិឃុំ៕
អត្ថបទ៖ សោ និយមរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?