ព័ត៌មានជាតិ

ដុតបំផ្លាញគ្រឿងបរិភោគជិតកន្លះតោន បន្ទាប់ពីដកហូតពីអាជីវករតាមផ្សារជាប់ព្រំដែន

បានផុស

៦ years មុន

នៅ

ថ្ងៃពុធ ២ ធ្នូ ២០២០

ដោយ

គ្រឿងឧបភោគបរិភោគជិតកន្លះតោន ត្រូវបានរឹបអូសពីអាជីវករលក់ដូរតាមផ្សារជាប់ព្រំដែនកម្ពុជាថៃ នឹងធ្វើការដុតកម្ទេចចោលនៅរសៀលថ្ងៃទី២ ខែធ្នូ ឆ្នាំ២០២០ ឋិតភូមិប្រាសាទ ឃុំអូរបីជាន់ ស្រុកអូរជ្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាន វិជ្ជាសារ៉ាវុធ ប្រធានសាខា ការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ ខេត្តបន្ទាយមានជ័យ(ហៅ ក.ប.ប)បានប្រាប់ឲ្យដឹងថា ទំនិញដែលធ្វើការដុតបំផ្លាញចោលជាទំនិញចម្រុះជាគ្រឿងបរិភោគខូចគុណភាព និងហួសកាលបរិច្ឆេទហើយត្រូវបានច្បាប់ហាមឃាត់មានចំនួនជិតកន្លះតោនរួមមានកម្ទេចមី ទឹកក្រូច នំក្មេងៗជាដើម។ លោកបានបន្តឲ្យដឹងទៀតថា ការដុតនេះផងដែរ ក៏បានការអនុញាតពីឯកឧត្តមមាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ បន្ទាប់ពីមន្ត្រីជំនាញបានចុះពិនិត្យដោយ សហការជាមួយមន្ត្រីមន្ទីរពាណិជ្ជកម្មខេត្ត ដកហូតកាលពីព្រឹកថ្ងៃទី២ធ្នូ ឆ្នាំ២០២០ នៅតាមផ្សារនិងឃ្លាំងលក់ទំនិញនៅផ្សារបឹងត្រកួន និងផ្សារអូរបីជាន់ ដែលផ្សារទាំងពីរនេះ ស្ថិតនៅជាប់ព្រំដែនកម្ពុជា ថៃ។

លោក សាន វិជ្ជាសារ៉ាវុធ បានបញ្ជាក់ទៀតថា ទំនិញទាំងអស់បើប្រជាពលរដ្ឋទិញយកទៅបរិភោគវានឹងធ្វើឲ្យប៉ះពាល់សុខភាពប្រឈមគ្រោះថ្នាក់ជាពិសេសក្មេងៗទិញបរិភោគ។ជាមួយគ្នានេះ លោកប្រធាន(កបប)សូមឲ្យអាជ្ញាធរសមត្ថកិច្ចជួយផ្សព្វផ្សាយដល់អាជីវករ ប្រជាពលរដ្ឋឲ្យពួកគាត់យល់ពីអ្វី ដែលខូចគុណភាពនិងអ្វីដែលខុសច្បាប់ឲ្យគាត់បានយល់កិច្ចផុតពីការប៉ះពាល់សុខភាព៕

អត្ថបទ៖ អពៅ

សូមចុចអាន៖ ផ្អើលឆុល !! ចូលហាងម៉ាស្សាបាត់លុយអស់៥០០០ដុល្លារ មួយរំពេច

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា