កម្លាំងសមត្ថកិច្ចខណ្ឌឬស្សកែវឃាត់ខ្លួនជនសង្ស័យប្រុសស្រី៣នាក់ករណីជួញដូរដោយខុសច្បាប់នូវសារធាតុញៀន

ភ្នំពេញ ៖ កម្លាំងនគរបាលនៃអធិការដ្ធានខណ្ឌឬស្សីកែវធ្វើការឃាត់ខ្លួនជនសង្ស័យប្រុសស្រី៣នាក់ពាក់ព័ន្ធករណីជួញ ដូរនូវសារធាតុញៀនដោយខុសច្បាប់ដកហូតថ្នាំញៀនបានចំនួន៣៨កញ្ចប់ថង់តូច។ការឃាត់ខ្លួននេះបានធ្វើឡើងកាលពីវេលាម៉ោង១០និង១០នាទីព្រឹក ថ្ងៃទី០២ ខែធ្នូ ឆ្នាំ២០២០ ត្រង់ចំណុចក្រុមទី៦ ភូមិ២ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ។

សមត្ថកិច្ចបានអោយដឹងថា ជនសង្ស័យដែលឃាត់ខ្លួនបានទី១ ឈ្មោះ រូន រ៉សេត ភេទប្រុសអាយុ២៧ឆ្នាំជនជាតិខ្មែរ ឥស្លាម មុខរបរមិនពិតប្រាកដ មានទីលំនៅផ្ទះលេខ៩០៧ ក្រុមទី៦ ភូមិ១ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ។ ទី២ ឈ្មោះ លី យូសុះ ភេទប្រុសអាយុ៣៥ ឆ្នាំជនជាតិខ្មែរឥស្លាមមានទីលំនៅផ្ទះលេខ៩៦៣ ក្រុមទី៦ ភូមិ២ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ។ មុខរបកម្មករសំណង់។ ទី៣ឈ្មោះ ហុង ស្រីកា ភេទ ស្រី អាយុ២៨ឆ្នាំជនជាតិខ្មែរ មុខរបរមិនពិតប្រាកដ មានទីលំនៅសង្កាត់ស្រះចក ខណ្ឌដូនពេញ រាជធានីភ្នំពេញ។សមត្ថកិច្ចបានបញ្ជាក់ប្រាប់ទៀតថា មុនពេលឈានដល់ការឃាត់ខ្លួនជនសង្ស័យទាំង៣នាក់នេះ​កម្លាំងនគរបាលខណ្ឌ ឬស្សីកែវ បានជិះម៉ូតូល្បាតដើម្បីការពារសន្តិសុខសុវត្តិភាពជូនប្រជាពលរដ្ឋស្រាប់តែមកដល់ចំណុចកើតហេតុ ក៏បាន ជួបជនសង្ស័យកំពុងដើរតាមផ្លូវ ដោយមានការសង្ស័យសមត្ថកិច្ចក៏បានឃាត់ខ្លួនដើម្បីឆែកឆេររកឃើញថ្នាំញៀនចំនួន ៣៨កញ្ចប់តូចនិង៦កញ្ចប់ធំនៅជាប់នឹងខ្លួន រួចក៏បាននាំយកមកសួរនាំនៅប៉ុស្តិ៍រដ្ឋបាលច្រាំងចំរេះ១។ក្រោយពីសួរនាំរួចសមត្ថកិច្ចបានកសាងសំណុំរឿងបញ្ជូនជនសង្ស័យទាំង៣នាក់រួមនឹងវត្ថុតាងទៅកាន់អធិការដ្ឋានខណ្ឌឫស្សីកែវដើម្បីចាត់ការបន្តតាមផ្លូវច្បាប់៕

អត្ថបទ ៖សុខុម