ព័ត៌មានជាតិ
ផ្ដន្ទាទោសអតីតប្រធាន ការិយាល័យប្រឆាំងគ្រឿងញៀន អាវុធហត្ថខេត្តតាកែវ ដាក់ពន្ធនាគារ២៧ឆ្នាំ
លោក ឈុន សុមេធា អតីតប្រធាន ការិយាល័យប្រឆាំងគ្រឿងញៀន នៃកងរាជអាវុធហត្ថខេត្តតាកែវ ត្រូវបានចៅក្រមសាលាដំបូងរាជធានីភ្នំពេញ ប្រកាសសាលក្រមសម្រេចផ្ដន្ទាទោសដាក់ពន្ធនាគារកំណត់២៧ឆ្នាំ ក្រោមការចោទប្រកាន់ពីបទ ជួញដូរដោយខុសច្បាប់នូវសារធាតុញៀន ។ ចំណែកនារីកំណាន់ឈ្មោះ កេន ចាន់រី ត្រូវបានផ្ដន្ទាទោសដាក់ពន្ធនាគារកំណត់២៣ឆ្នាំ ក្រោមបទចោទប្រកាន់ដូចគ្នា ។
ជនត្រូវចោទទាំង២នាក់ត្រូវនាំខ្លួនមកកាត់ទោសកាលពីព្រឹកថ្ងៃទី០៣ ខែកញ្ញា ឆ្នាំ២០២១ ពាក់ព័ន្ធនិងថ្នាំញៀនជិត២គីឡូក្រាម ។ ជនជាប់ចោទគឺលោក ឈុន សុមេធា និងនារីកំណាន់ឈ្មោះ កេន ចាន់រី រស់នៅភូមិអង្គតាកុប ឃុំលាយបូរ ស្រុកអង្គរបុរី ខេត្តតាកែវ ។ នៅក្នុងសវនាការកន្លងទៅ ជនជាប់ចោទ ឈុន សុមេធា បានបដិសេធដាច់អហង្កាថាខ្លួនគាត់មិនបានប្រព្រឹត្តបទល្មើសដូចការចោទប្រកាន់ទេរបស់តុលាការទេ ។
ជនជាប់ចោទបានឆ្លើយថា គាត់ជាមន្ត្រីអាវុធហត្ថផ្នែកប្រឆាំងគ្រឿងញៀន ដូច្នេះមិនមានហេតុផលណាដែលគាត់ប្រព្រឹត្តបទល្មើសគ្រឿងញៀនទេ ។ ផ្ទុយពីចម្លើយបដិសេធរបស់លោក ឈុន សុមេធា នារីកំណាន់ឈ្មោះ កេន ចាន់រី បែរជាសារភាពថា ពួកគេជាអ្នកយកគ្រឿងញៀនមកលក់ តែលក់អោយម៉ូយដែលជាភ្នាក់ងារប៉ូលីសប្រឆាំងគ្រឿងញៀនទៅវិញទើបត្រូវចាប់ខ្លួន ។
មន្ត្រីនគរបាលមន្ទីរប្រឆាំងគ្រឿងញៀនដែលបានចូលមកឆ្លើយបំភ្លឺអោយតុលាការបានបញ្ជាក់ថា មន្ត្រីជំនាញ ដោយមានការអនុញ្ញាតពីស្ថាប័ណ្ណអយ្យាការ បានប្រើវិធានញុះញង់ទើបអាចចាប់ជនល្មើសបាននិងរឹបអូសភស្តុតាងនៅក្នុងដៃជាក់ស្ដែង ។
សូមរំលឹកថា កាលពីល្ងាចថ្ងៃទី៤ ខែមិថុនា ឆ្នាំ២០២០ នៅចំណុចស្ថានីយសាំងសូគីម៉ិច ក្នុងសង្កាត់ស្ទឹងមានជ័យ នគរបាលមន្ទីរប្រឆាំងគ្រឿងញៀនក្រសួងមហាផ្ទៃ បានធ្វើចាប់ខ្លួនលោក ឈុន សុមេធា នាយការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថខេត្តតាកែវ និងបក្សពួកពាក់ព័ន្ធករណីជួញដូរគ្រឿងញៀន ជាង២គីឡូក្រាម។
បន្ទាប់មកនគរបាល បានធ្វើការឆែកឆេរ នៅផ្ទះរបស់ជនសង្ស័យ ឈុន សុមេធា នៅភូមិកំពង់ហ្លួង ឃុំអង្គរបូរីស្រុកអង្គរបូរី ខេត្តតាកែវ បានដកហូតវត្ថុតាងរួមមាន អាវុធខ្លីចំនួន០២ដើម (ប្រើហ្គាស់) ជញ្ជីងថ្លឹងថ្នាំញៀនចំនួន០១គ្រឿង និងរុក្ខជាតិញៀន (កញ្ឆា) ក្រៀមចំនួន០២ស្បោង ។ បន្ទាប់មកធ្វើការឆែកឆេរ នៅបន្ទប់ជួលរបស់ឈ្មោះ កេន ចាន់រី (ដែលជាបក្សពួក ) ភេទស្រី នៅភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ ដកហូតបានវត្ថុតាងរួមមាន ម៉ាស៊ីនកាមេរ៉ាសុវត្ថិភាពចំនួន០១គ្រឿង ស្លាកលេខម៉ូតូចំនួន០៣គ្រឿង និងកាតគ្រីម៉ូតូ២សន្លឹក ៕
អត្ថបទ៖ មករា
ព្រះចៅអធិការវត្តថៃ ជាប់គុក ៤៦៨ឆ្នាំ ព្រោះកេងបន្លំប្រាក់ជិត៣០០លានបាត
កម្ពុជា-កូរ៉េ កំពុងសិក្សាឈានទៅបង្កើតមជ្ឈមណ្ឌលស្តារនីតិសម្បទាដល់កម្មករមានគ្រោះក្នុងម៉ោងការងារ
ជប៉ុន ដាស់តឿនអ្នកគាំទ្រកុំធ្វើដំណើរទៅកូរ៉េខាងជើង ក្នុងជម្រុះ World Cup
ខ្មែរមានសីលធម៌ដើម តាំងពីមុន បុរេប្រវត្តិសាស្ត្រ
តារាកូរ៉េ៤គូ ស្រលាញ់គ្នារាប់ឆ្នាំ ក៏មិនធ្លាប់ឮនូវព័ត៌មានរង្គោះរង្គើ
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ