ព័ត៌មានអន្ដរជាតិ
ព្រះចៅអធិការវត្តថៃ ជាប់គុក ៤៦៨ឆ្នាំ ព្រោះកិបកេងប្រាក់ជិត៣០០លានបាត
តាមការចុះផ្សាយរបស់ Bangkok Post នៅថ្ងៃព្រហស្បតិ៍ទី២១ខែមីនា, អតីតព្រះចៅអធិការវត្ត Pa Dhammakiri ក្នុងខេត្ត Nakhon Ratchasima ត្រូវបានតុលាការថៃ កាត់ទោសដាក់ពន្ធនាគាររយៈពេល៤៦៨ឆ្នាំ ពីបទជាប់ពាក់ព័ន្ធក្នុងសំណុំរឿងកេងបន្លំប្រាក់ជិត៣០០លានបាត (ជាង៨លានដុល្លារអាមេរិក)។
តុលាការព្រហ្មទណ្ឌកណ្តាលផ្នែកសំណុំរឿងពុករលួយនិងទង្វើខុសឆ្គង បានចេញសាលក្រមនេះ ដើម្បីឆ្លើយតបបណ្តឹងរបស់ព្រះរាជអាជ្ញា ប្រឆាំងព្រះគ្រូ Khom និងបក្ខពួកចំនួន ៨នាក់ទៀត ជាប់ពាក់ព័ន្ធក្នុងសំណុំរឿងនេះ។
តុលាការរកឃើញថា ព្រះគ្រូបានឃុបឃិតជាមួយសង្ឃដែលត្រូវចាប់ផ្សឹក ដើម្បីកិបកេងប្រាក់ ទទួលពីព្រះវិហារ ហើយរក្សាទុកនៅក្នុងគណនីធនាគារផ្ទាល់ខ្លួន ដោយមានតែញោមប្អូន របស់ព្រះតេជព្រះគុណប៉ុណ្ណោះ ដែលត្រូវបានអនុញ្ញាតឲ្យដកប្រាក់ ហើយគិតត្រឹមពេលនេះ ប្រាក់នោះដកអស់ចំនួន៧៦ដងរួចមកហើយ។
តាមការបញ្ជាក់ អតីតព្រះចៅអធិការ បានបញ្ជាឲ្យញោមប្អូន រក្សាសាច់ប្រាក់មួយចំនួននៅផ្ទះ ប៉ុន្តែក្រោយមក ប៉ូលិសបានរឹបអូសយកប្រាក់ចំនួន៥១.៤លានបាត។ ព្រះគ្រូក៏បង្គាប់ឲ្យអតីតព្រះសង្ឃដទៃទៀត លាក់ទ្រព្យសម្បត្តិមួយចំនួននៅខាងក្រៅវត្តដែរ។
ក្រោយមក ប៉ូលិសបានរកឃើញវត្ថុចំនួន១ ៤៥៥រួមទាំងសាច់ប្រាក់ និងទ្រព្យសម្បត្តិដែលមានតម្លៃសរុប ២៩៩.៥លានបាត។
តាមការអះអាងពីតុលាការ ព្រះគ្រូ Khom មានទោសលើបទចោទប្រកាន់ចំនួន៧៨ករណី ដោយមួយករណីៗ ត្រូវជាប់ពន្ធនាគារ៦ឆ្នាំ ដូចនេះបើសរុបទៅត្រូវជាប់ពន្ធនាគារ ៤៦៨ ឆ្នាំ៕
អត្ថបទ៖ សុខ សុវណ្ណ
ចុចអាន៖ ចាប់ផ្សឹកចៅអធិការវត្តកំពូលពេជ្រ ក្រោយបែកធ្លាយរូបភាពស្លៀកស៊ីវិលចូលហាងពេលយប់
-
សេដ្ឋកិច្ច៥ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៤ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ជីវិតកម្សាន្ដ៤ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានជាតិ១ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
នយោបាយ៤ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានជាតិ២ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
-
ព័ត៌មានអន្ដរជាតិ៥ ថ្ងៃ ago
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ
-
ព័ត៌មានអន្ដរជាតិ២ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី