សមត្ថកិច្ចឃាត់ខ្លួនបុរសម្នាក់ ពាក់ព័ន្ធករណីបង្ករបួសស្នាម

ជនសង្ស័យម្នាក់ ត្រូវបានកម្លាំងនគរបាលក្រុងបានលុង ចុះស្រាវជ្រាវឃាត់ខ្លួន ពាក់ព័ន្ធករណីបង្ករបួសស្នាមដល់អ្នកដទៃ វាយនិងដំបងដែកក្រលាស់ បណ្តាលឲ្យជនរងគ្រោះ បែកក្បាលហូរឈាមស្រោចពេញ និងដងខ្លួន។

ប្រតិបត្តិការឃាត់ខ្លួន ជនសង្ស័យខាងលើនេះ បានធ្វើឡើងនៅវេលាម៉ោង៥​ល្ងាច ថ្ងៃទី២៤ ខែតុលា​ ឆ្នាំ២០​២១ នៅត្រង់ចំណុចភូមិជ្រី សង្កាត់យក្ខឡោម ក្រុងបានលុង ខេត្តរតនគិរី ដោយមានការសម្របសម្រួលនីតិវិធីពីលោក កែវ ភក្តី ព្រះរាជអាជ្ញារងអមសាលាដំបូងខេត្ត។

របាយការណ៍ពីនគរបាល​ បានឲ្យដឹងថា ជនបង្កឈ្មោះ​ វិន យ៉ាង​ង្វៀង​ (ហៅ វែង​) ភេទ​ប្រុសអាយុ២០ឆ្នាំ​ ជនជាតិវៀត ណាម​ មានទីលំនៅភូមិជ្រី សង្កាត់យក្ខឡោម ក្រុង​បានលុង​ មុខរបរជាង​កាត់​សក់​។​ រីឯជនរងគ្រោះឈ្មោះ ហាក់ ម៉េង​ហ៊ាង ភេទប្រុស អាយុ២១ឆ្នាំ ជន​ជាតិខ្មែរ មាន​ទី​លំនៅ​ភូមិអូររមៀត សង្កាត់ឡាបានសៀក ក្រុងបានលុង មុខរបរជាបុគ្គលិក​ធនាគារប្រាសាក់(បែកក្បាលធ្ងន់ធ្ងរ)។​

បច្ចុប្បន្នជនសង្ស័យ ​ត្រូវ​បានឃាត់ខ្លួន​បណ្តោះអាសន្ន នៅ​អធិការដ្ឋាននគរបាល​ក្រុង​បានលុង ​ដើម្បីកសាងសំណុំរឿង​បញ្ជូន​ទៅអយ្យការអម​សាលា​ដំបង​ខេត្ត​ ដើម្បីផ្តន្ទាទោសទៅតាមផ្លូវច្បាប់៕

អត្ថបទ៖ វុទ្ធ ឦសាន