ព័ត៌មានជាតិ

ជិះម៉ូតូដឹកកូនជ្រុលបុក រថយន្ដ កំពុងបត់ត្រឡប់ក្រោយរងរបួសធ្ងន់៣នាក់

បានផុស

៥ years មុន

នៅ

ថ្ងៃចន្ទ ២៥ តុលា ២០២១

ដោយ

រថយន្ត បាឡែនបើកត្រឡប់ក្រោយពុំបានមើកក្រោយមិនប្រយ័ត្នស្រាប់តែមានម៉ូតូជិះដោយ៣នាក់មកបុកពេញទំហឹងបណ្តាលឲ្យមានមនុស្សរបួសធ្ងន់៣នាក់ ។រឿងរាងនេះកើតនៅវេលាម៉ោង៦និង៣០នាទីយប់ថ្ងៃទី២៤ ខែតុលា ឆ្នាំ២០២១ នៅលើផ្លូវលេខ៥៩ ស្ថិតនៅភូមិអូរអំពិល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលស្រុកម៉ាឡៃ បានឲ្យដឹងថា ជនរងគ្រោះទាំង៣នាក់ មាន១/-ឈ្មោះ សុខ សាន ភេទស្រី អាយុ៣៣ឆ្នាំ អ្នកបើកម៉ូតូ ម៉ាហុងដាឌ្រីម ពណ៌ខ្មៅ ពាក់ស្លាកលេខ ប.មានជ័យ 1Q-6957 របួសធ្ងន់ ។ ទី២/ គិ សេនា ភេទស្រី អាយុ១៤ឆ្នាំ អ្នករួមដំណើរ របួសធ្ងន់។ ទី៣/ឈ្មោះ គិ ថេវ៉ា ភេទប្រុស អាយុ១ឆ្នាំ អ្នករួមដំណើរ។ ជនរងគ្រោះទាំង៣នាក់ ជាម្តាយនិងកូន រស់នៅភូមិអូរអំពិល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ។

នគរបាលបានបញ្ជាក់ឲ្យដឹបន្តថា មុនពេលកើតហេតុ អ្នកបើកម៉ូតូបានធ្វើដំណើរពីកើតទៅលិចលុះបើកមកដល់ចំណុចកើតហេតុមានរថយន្ត១គ្រឿងម៉ាកកាម៉ារីបាឡែន ពណ៌ខ្មៅ ពាក់ផ្លាកលេខ សៀមរាប 2B-1810 បានបត់ត្រឡប់ក្រោយដោយពុំបានមើលក្រោយបណ្តាលឲ្យអ្នកបើកម៉ូតូបុករថយន្តពេញទំហឹង។ក្រោយពីកើតហេតុ អ្នកបើករថយន្តបានគេចខ្លួនបាត់ ទុកតែរថយន្តនៅកន្លែងកើតហេតុ។ ជនរងគ្រោះទាំង៣នាក់ ត្រូវបានក្រុមគ្រួសារដឹកទៅសង្គ្រោះនៅមន្ទីរពេទ្យបង្អែកប៉ោយប៉ែតជាបន្ទាន់។ ម៉ូតូនិងរថយន្ត នគរបាលជំនាញយកទៅរក្សាទុកបណ្តោះអាសន្ននៅប៉ុស្តិ៍រដ្ឋបាលឃុំទួលពង្រ ដើម្បីស្រាវជ្រាវរកម្ចាស់រថយន្តមកដោះស្រាយតាមនិតិវិធីច្បាប់ ៕

អត្ថបទ៖ វ៉ាន់ ណាង