ព័ត៌មានជាតិ

រថយន្តកូរ៉េពីរគ្រឿងបើកកៀរគ្នានៅចំណុចស្ដុបចំការដូង និងជ្រុលទៅបុកកន្លែងលក់សាច់អាំងបន្ថែមទៀត

បានផុស

៦ years មុន

នៅ

ថ្ងៃព្រហស្បតិ៍ ៣ ធ្នូ ២០២០

ដោយ

រថយន្តកូរ៉េពីរគ្រឿងបើកកៀរគ្នានៅស្ដុបចំការដូង ធ្វើឲ្យរថយន្តមួយគ្រឿងខ្ទាតទៅបុកកន្លែងលក់សាច់អាំងបណ្ដាលឲ្យរងការខូចខាតយ៉ាងដំណំ បង្កការភ្ញាក់ផ្អើលកាលពីវេលាម៉ោង២៣ និង៤០នាទីយប់ កាលពីថ្ងៃទី២ ខែធ្នូ ឆ្នាំ២០២០ តាមបណ្តោយផ្លូវ២១៧ កែងផ្លូវចូលសាលាកសិកម្មចំការដូង សង្កាត់ដង្កោ ខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសម្ដីស្ត្រីម្នាក់ជាអ្នកលក់សាច់អាំង នៅកន្លែងកើតហេតុបានឲ្យដឹងថា នៅពេលកើតហេតុរូបគាត់កំពុងតែលក់សាច់អាំងធម្មតា ពេលនោះគាត់ឃើញរថយន្តកូរ៉េ មួយគ្រឿង ឃ្លុបទូកុងតឺន័រ ពណ៌លឿង ពាក់ស្លាកលេខ ភ្នំពេញ 3E-2966 ធ្វើដំណើរតាមបណ្ដោយផ្លូវបេតុងព្រៃស ទិសដៅពីលិចមកកើតហើយឆ្លងផ្លូវបានពាក់កណ្ដាល ក៏ស្រាប់តែមានរថយន្តកូរ៉េមួយគ្រឿងទៀត ឃ្លុបទូកុងតឺន័រ ពណ៌ខៀវ ពាក់ស្លាកលេខភ្នំពេញ 3E-3651 បានធ្វើដំណើរតាមបណ្ដោយផ្លូវបេតុង២១៧ ទិសដៅពីត្បូងមកជើងក្នុងល្បឿនលឿន ហើយក៏បានបុកបញ្ឆិតក្បាលរថយន្តកូរ៉េ ពណ៌លឿងបន្តិច រេចង្កូតទៅបុកកន្លែងលក់សាច់អាំងបណ្ដាលឲ្យខូចខាតសម្ភារៈមួយចំនួនធំ រីឯរថយន្តបង្កបានរងការខូចខាតផ្នែកខាងមុខយ៉ាងដំណំផងដែរ តែក្នុងករណីនេះមិនបណ្ដាលឲ្យមនុស្សណាម្នាក់រងរបួសនោះទេ ។

ក្រោយកើតហេតុ សមត្ថកិច្ចមូលដ្ឋាននិងជំនាញចរាចរណ៍ខណ្ឌដង្កោ បានចុះមកពិនិត្យស្ថានភាពជាក់ស្ដែង គឺមិនឃើញមានបង្កការខូចខាតដល់សម្បត្តិរដ្ឋ ទើបសមត្ថកិច្ចសម្របសម្រួលដល់ភាគីទាំង៣ឲ្យត្រូវរ៉ូវគ្នា ដោយភាគីខាងរថយន្តបង្ក កូរ៉េ ពណ៌ខៀវ ព្រមសងថ្លៃខូចខាតទៅខាងលក់សាច់អាំង ចំនួន ៤០០$ និងខាងរថយន្តកូរ៉េ ពណ៌លឿង ចំនួន ១០០$ ដើម្បីបញ្ចប់រឿងនៅនិងកន្លែងតែម្ដង៕

អត្ថបទ៖ រ៉ាវុទ្ធ

សូមចុចអាន៖ ប្រជាពលរដ្ឋរស់នៅលើផ្ទះបណ្តែតទឹក ឡើងរស់នៅលើកគោក ទទួលបានដីសម្បទានពីរដ្ឋ

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា