ព័ត៌មានជាតិ
ការធ្លាយទំនប់ស្ទឹងព្រែកត្នោត យប់មិញ ពេលនេះ អាជ្ញាធរ គ្រប់គ្រងបាន ៨០ ភាគរយ
ក្រោមការបញ្ជាផ្ទាល់ពីលោក ឃួង ស្រេង អភិបាលរាជធានីភ្នំពេញ ចំពោះការធ្លាយទំនប់សណ្តស្ទឹងព្រែកត្នោត កាលពីយប់មិញ ថ្ងៃទី២៦ ខែតុលានេះ គិតមកដល់ជិតម៉ោង១២ ថ្ងៃទី២៧ ខែតុលានេះ អាជ្ញាធររាជធានីភ្នំពេញ គ្រប់គ្រងបានប្រមាណ៨០ភាគរយហើយ។
នៅព្រឹកថ្ងៃទី២៧ ខែតុលា ឆ្នាំ២០២១នេះ ក្រោយពីទទួលបានព័ត៌មានជុំវិញ ការធ្លាយទំនប់សណ្តស្ទឹងព្រែកត្នោត កាលពីយប់មិញ លោក ឃួង ស្រេង បានចុះមកដល់ទីកន្លែងកើតហេតុភ្លាមៗ និងបានបញ្ជា ដោយប្រើប្រាស់គ្រប់មធ្យោបាយ ដើម្បីទប់ទឹកដែលធ្លាយនេះ កុំឱ្យបង្កគ្រោះមហន្តរាយដល់បងប្អូនប្រជាពលរដ្ឋ។
ទំនប់សណ្តស្ទឹងព្រែកត្នោត ដែលបានធ្លាយកាលពីយប់មិញ (ថ្ងៃទី២៦ តុលានេះ ) មានទីតាំងស្ថិតក្នុងភូមិកន្ទុយទឹក សង្កាត់ទៀន ខណ្ឌដង្កោ រាជធានីភ្នំពេញ។ ទីតាំងនេះ ត្រូវបានប្រជាពលរដ្ឋ ក៏ដូចជាអាជ្ញាធរមូលដ្ឋានបញ្ជាក់ថា ពីមុនជាទ្វារទឹក (ប្រឡាយ៨៥) ក្រោយមកត្រូវបានបិទមិនឱ្យដំណើរការ លុះមកដល់មានជំនន់សណ្តស្ទឹងព្រែកត្នោតនេះ អតីតទ្វាទឹកនេះបានជ្រៀបទឹករហូតធ្លាយពីខាងក្រោមតែម្តង។
ក្រោយពីធ្លាយទំនប់នេះ មិនបានប៉ុន្មានម៉ោងផង អាជ្ញាធររាជធានីភ្នំពេញ ក្រោមការបញ្ជាពីផ្ទាល់ពីលោក ឃួង ស្រេង អភិបាលរាជធានីភ្នំពេញ អាចគ្រប់គ្រប់គ្រងបានប្រមាណ ៨០ភាគរយ ដែលវានឹងមិនបង្កគ្រោះថ្នាក់ធ្ងន់ធ្ងរដល់ប្រជាពលរដ្ឋបន្ថែមទៀត។
មន្ត្រីរដ្ឋបាលខណ្ឌដង្កោ បានឱ្យដឹងថា ការបាក់ទំនប់ទឹកសណ្តស្ទឹងព្រែកត្នោតនេះ បានប៉ះពាល់ដល់ភូមិចំនួន៤ ក្នុងសង្កាត់ទៀន ខណ្ឌដង្កោ ក្នុងនោះមាន ភូមិកន្ទុយទឹក ប៉ះពាល់ចំនួន ៥៣ខ្នងផ្ទះ ភូមិថ្ម ចំនួន ៩៣ខ្នង ភូមីក្រាំង ៨៥ខ្នង ភូមិសាលា ចំនួន៧៤ខ្នង សរុប ៣០៦ខ្នងផ្ទះ៕
អត្ថបទ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ