ព្រោះតែបំណុល! ខ្ញុង ប្រកាសលក់សូម្បីតែ គ្រែដេក ទូខោអាវ ទូទឹកកក និងសាឡុងជាដើម

ដូចមហាជន បានដឹងហើយថា តារាកំប្លែងអ្នកនាង ខ្ញុង ថ្មីៗនេះ បានផ្ទុះនូវរឿងរ៉ាវដ៏កក្រើកពេញបណ្តាញសង្គុម ជុំ វិញការទម្លាយបំណុល ជាងកន្លះលានដុល្លារអាមេរិក។

យ៉ាងណាមិញ គេក៏ឃើញមានទស្សនិកជនមួយចំនួន នូវតែបង្ហាញការអាណិតអាសូរ និងខ្លះទៀតលើកទឹកចិត្តចំពោះ ខ្ញុង ខណ:មួយចំនួនទៀត ក៏បានរិះគន់នឹងមិនព្រមជឿ លើការបកស្រាយរបស់តារាកំប្លែងអ្នកនាង ខ្ញុង នោះដែរ។ ដោយ​សារហេតុផលនេះ ហើយទើបនាង ក៏បានប្រកាសថា នឹងវេលុយឲ្យសប្បុរសជនវិញ។

ដោយឡែក រឿងដែលគេចាប់អារម្មណ៍ និងមានអ្នកគាំទ្រខ្លះអាណិត ខ្ញុង ទៀតនោះ គឺបន្ទាប់ពីនាង និងស្វាមីនាយ កៃដរ ប្រកាសដាក់លក់ផ្ទះ ឡាន ដើម្បីយកលុយធ្វើដើមទុន និងដោះបំណុលគេខ្លះនោះ ឥឡូវនាងក៏បានប្រកាសលក់ខ្ទេច លក់ខ្ទី គ្មានសល់ សូម្បីគ្រែដេក ទូទឹកកក ទូខោអាវ និងសាឡុង ជាដើម។

តាមរយ:វីដេអូនៃការផ្សាយផ្ទាល់ គេឃើញអ្នកនាង ខ្ញុង បានបញ្ជាក់ថា ខ្ញុំប្រកាសអំពាវនាវលក់មែនបងប្អូន ដោយសារ​តែយកលុយ មកធ្វើដើមទុនផ្ដើមពីដៃទទេ ដោយការលក់ប្រហុកផ្អក ដើម្បីដោះបំណុលគេ។ ទន្ទឹមគ្នានេះ គេក៏កត់​សម្គាល់​ឃើញអ្នកនាង ខ្ញុង និងស្វាមី ក៏បានខិតខំប្រឹងប្រែងរកលុយ ដើម្បីដោះបំណុលគេ ដោយធ្វើការឡាយលក់ប្រហុក ផ្អក រាល់ថ្ងៃផងដែរ៕

អត្ថបទ៖ ចាន់រ៉ា