នាយ កៃដរ មានជំងឺ៣មុខ ទើបធ្វើឲ្យវៀចមាត់ដួលកាលពីយប់មិញ

អ្នកគាំទ្រ និងប្រើប្រាស់បណ្តាញសង្គមហ្វេសប៊ុកមិនស្ទើរទេដែលភ្ញាក់ផ្អើលហើយបង្ហាញការព្រួបារម្ភចំពោះនាយ កៃដរ ស្វាមី ខ្ញុង ខណ:ដែលកំពុងឡាយលក់ផលិតផលសុខៗស្រាប់តែមានអាការ:គាំងឈរវៀចមាត់ដៃក្រញែង ក្រញង់​ដួលអុកគូថធ្វើឲ្យ ខ្ញុង ភ័យស្លន់ស្លោទាំងយប់។

ភ្ញាមៗនោះដែរតារាកំប្លែងអ្នកនាង ខ្ញុង ក៏ស្រែកយំហៅឲ្យគេជួយប្តីគ្រប់គ្នានិងបានបញ្ចូនទៅសង្គ្រោះបន្ទាន់នៅមន្ទីពេទ្យនៅមន្ទីពេទ្យកាលម៉ែត។ បន្ទាប់ពីទទួលបានការសង្គ្រោះបានទាន់ទាំងយប់នោះពេលនេះអាការ:ជំងឺនាយ កៃដរ បានធូស្រាលនិងចេញពីបន្ទប់សង្គ្រោះបន្ទាន់ហើយ។

បើតាមតារាចម្រៀងអាចារ្យ ធំ នគររាជ បានលើកថា សូមសុខចម្រេីនណាសម្លាញ់ កៃដរ បានធូរហេីយ។ វ័យនេះចាប់ផ្ដេីមឱ្យផលអវិជ្ជមានសុខភាពបណ្ដេីរៗហេីយ សូមប្រយ័ត្ន និងស្រឡាញ់សុខភាពណាបងប្អូន។ អាចារ្យ ធំ បានបញ្ជាក់ដែរថានាយ កៃដរ វៀចមាត់ដួលកាលពីយប់មិញដោយសារបញ្ហាជំងឺខ្វះកាល់ស្យូម ខ្វះជាតិស្ករ និងឡេីងឈាម ។

ដោយឡែកនៅព្រឹកថ្ងៃទី១២ ខែសីហា ឆ្នាំ២០២២ នេះនៅលើទំព័រហ្វេសប៊ុករបស់អ្នកនាង ខ្ញុង បានបង្ហោះដោយបញ្ជាក់អាការ:ជំងឺរបស់ស្វាមីនាយ កៃដរ ថា ឥឡូវប្តីខ្ញុំចេញពីសង្គ្រោះបន្ទាន់ហើយអគុណសម្រាប់ការបារម្ភនិងសួរសុខទុក្ខ។ ព័ត៌មានលំអិតខ្ញុំនឹងប្រាប់ពេលក្រោយទៀត ឥឡូវគាត់នៅកាលម៉ែត រង់ចាំលទ្ធផលស្គែនខួរក្បាលម្តងទៀតសិនសូមអគុណ៕

អត្ថបទ៖ ចាន់រ៉ា