ព័ត៌មានជាតិ
លោកស្នងការ ណែនាំឲ្យបន្តរឹតបន្តឹងច្បាប់ចរាចរណ៍ និងរៀបចំសណ្តាប់ធ្នាប់ ដើម្បីកាត់បន្ថយគ្រោះថ្នាក់ និងការស្ទះចរាចរណ៍
លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី៣ ខែវិច្ឆិកា ឆ្នាំ ២០២១នេះ បានអញ្ជើញដឹកនាំកិច្ចប្រជុំប្រចាំខែតុលា និងទិសដៅការងារសម្រាប់ខែវិច្ឆិកា ឆ្នាំ២០២១ ស្តីពី ការត្រួតពិនិត្យលើការងារសន្តិសុខ សណ្តាប់ធ្នាប់សាធារណ:។
ជាកិច្ចចាប់ផ្ដើមលោកស្នងការរងទទួលផែនសេនាធិការ បានអានរបាយការណ៍អំពីការងារ ដែលបានអនុវត្តក្នុងខែតុលា ជូនដល់អង្គប្រជុំ។ បន្ទាប់មក ក៏មានការចូលរួមមតិរបស់លោក លោកស្រីស្នងការរង លោកអធិការ ទាក់ទងទៅនឹងការងារ ដែលអនុវត្តបាននាពេលកន្លងមក បញ្ហាប្រឈម ដំណោះស្រាយ និងការរៀបចំផែនការ ដើម្បីអនុវត្តបន្ត។
មានមតិនាឱកាសនោះ លោកឧត្តមសេនីយ៍ឯក ស ថេត បានកោតសរសើរ ដល់ការខិតខំប្រឹងប្រែង បំពេញភារកិច្ចបានយ៉ាងល្អរបស់កងកម្លាំងទាំងអស់ ចំណុះស្នងការដ្ឋាននគរបាលរាជធានីភ្នំពេញ ក្នុងការបង្ការ ទប់ស្កាត់ និងបង្ក្រាបបទល្មើស ក៏ដូចជាការបម្រើសេវាជូនប្រជាពលរដ្ឋ ឲ្យបានល្អ។ លោកស្នងការ ក៏បានផ្តល់មតិណែនាំល្អៗ ជាច្រើនដល់លោក លោកស្រីស្នងការរង លោកនាយការិយាល័យ លោកអធិការ លើការរៀបចំកម្លាំងល្បាតជាប្រចាំ ដើម្បីទប់ស្កាត់រាល់បទល្មើស។
ម្យ៉ាងវិញទៀត លោកឧត្តមសេនីយ៍ឯក ស ថេត ក៏បានណែនាំដល់មន្ត្រីទាំងអស់ ឲ្យខិតខំបន្ថែមក្នុងការបំពេញភារិកិច្ច ឲ្យបានកាន់តែល្អប្រសើរថែមទៀត ពិសេសផ្ដោតសំខាន់លើការងារ អនុវត្តរឹតបន្តឹងច្បាប់ចរាចរណ៍ ការចុះរៀបចំសណ្តាប់ ធ្នាប់ឲ្យបានល្អ ដើម្បីសោភ័ណ្ឌភាពទីក្រុង និងកាត់បន្ថយការកកស្ទះផងដែរ។
ចំណែកផែនការងារប្រឆាំងបទល្មើសសេដ្ឋកិច្ច ត្រូវតែធ្វើការតាមដាន ត្រួតពិនិត្យឲ្យបានច្បាស់លាស់ ចំពោះមុខទំនិញ ខូចគុណភាព ទំនិញហួសកាលកំណត់ប្រើប្រាស់ ជាពិសេសគ្រឿងសម្អាង ដែលលាយលក់ដោយខុសច្បាប់ គ្មានច្បាប់អនុញ្ញាត ដែលអាចធ្វើឲ្យប៉ះពាល់យ៉ាងធ្ងន់ធ្ងរដល់សុខភាព របស់ប្រជាពលរដ្ឋ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង