ព័ត៌មានជាតិ
ច្បាប់វិនិយោគថ្មីកាត់បន្ថយបញ្ហាកិបកេងលើតុ ក្រោមតុ រវាងមន្រ្តីនិងអ្នកវិនិយោគ
មន្រ្តីជាន់ខ្ពស់រាជរដ្ឋាភិបាលថ្លែងថា ច្បាប់វិនិយោគថ្មីនឹងកាត់បន្ថយបញ្ហាកិបកេងលើតុក្រោមតុ បន្ទាប់ពីប្រកាសដាក់ឱ្យ ប្រើប្រាស់ជាផ្លូវការ។
លោក សុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជាបានថ្លែងនៅក្នុងឱកាសបើកសិក្ខាសាលាផ្សព្វផ្សាយពីខ្លឹមសារច្បាប់ថ្មីនេះដល់ ស្ថានតំណាងកម្ពុជានៅក្រៅប្រទេសកាលពីថ្ងៃទី ៣ ខែ វិច្ឆិកា ២០២១ ដើម្បីធ្វើជាទុនក្នុងការទាក់ទាញអ្នកវិនិយោគបរទេសមករកស៊ីបន្ថែមទៀតនៅកម្ពុជា។
លោក សុខ ចិន្តាសោភា បានលើកឡើងថា ច្បាប់វិនិយោគថ្មីនេះផ្តល់ការលើកទឹកចិត្តច្រើនដល់អ្នកវិនិយោគ និងជួយកាត់បន្ថយបញ្ហាកិបកេងលើតុក្រោមតុ រវាងមន្រ្តីពាកព័ន្ធនិងអ្នកវិនិយោគផងដែរ។
ក្នុងការកសាងសេដ្ឋកិច្ចឡើងវិញ ច្បាស់ណាស់ច្បាប់វិនិយោគថ្មីនេះនឹងដើរតួនាទីយ៉ាងសំខាន់។ លោក លោក សុខ ចិន្តាសោភា បានលើកឡើងថា ច្បាប់វិនិយោគថ្មីនេះផ្តល់ការលើកទឹកចិត្តច្រើនដល់អ្នកវិនិយោគ និងជួយកាត់បន្ថយបញ្ហាកិបកេងលើតុក្រោមតុ រវាងមន្រ្តីពាកព័ន្ធនិងអ្នកវិនិយោគផងដែរ។ ជាមួយគ្នានេះក៏នឹងមានច្បាប់មួយទៀត ដែលទើបតែអនុម័តគឺច្បាប់ស្ដីពីភាពជាដៃគូរវាងរដ្ឋនិងឯកជន ដែលច្បាប់នេះបង្កើតនូវក្របខ័ណ្ឌគតិយុត្តមួយ ដើម្បីផ្ដល់លទ្ធភាពឲ្យវិស័យឯកជនក្នុងការចូលរួម ជាមួយរដ្ឋាភិបាលក្នុងភាពជាដៃគូរវាងរដ្ឋនិងឯកជន ដែលបង្កើតនូវបរិយាកាសមួយអំណោយផលឲ្យអ្នកវិនិយោគទាំងក្នុងស្រុកនិងក្រៅស្រុក មកចូលរួមអភិវឌ្ឍន៍សេដ្ឋកិច្ចនិងសង្គមកម្ពុជា។
បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា ក្នុងរយៈពេល៩ខែគិតពីខែមករាដល់ខែកញ្ញា ២០២១ បានអនុម័តគម្រោងវិនិយោគ សរុបចំនួន ១៣៤ គម្រោងគិតជាទុនវិនិយោគមានជាង ៣.៣ ពាន់លានដុល្លារអាមេរិក។
គម្រោងវិនិយោគទាំង ១៣៤ គម្រោង ភាគច្រើនអភិវឌ្ឍលើវិស័យវាយនភណ្ឌកាត់ដេរសម្លៀកបំពាក់ កាបូប ស្បែកជើង គ្រឿងបង្គុំអគ្គិសនី ទោចក្រយានយន្ត រោងចក្រដំឡើងទោចក្រយានយន្តដើរដោយថាមពលអគ្គិសនី រោងចក្រផលិតអគ្គិសនីដើរ ថាមពល ព្រះអាទិត្យ និងធ្យូង ថ្ម រោងចក្រកែច្នៃផលិតផលកសិកម្ម សណ្ឋាគារ និងរោងចក្រផលិតផលិតផលប្រើប្រាស់ផ្សេងៗទៀត។ គម្រោងទាំងនេះភាគច្រើនមានទីតាំងស្ថិតនៅរាជធានីភ្នំពេញ ខេត្តកណ្តាល ស្វាយរៀង ព្រះសីហនុ កំពង់ស្ពឺ តាកែវ កំពត កំពង់ចាម កំពង់ធំ និង កំពង់ឆ្នាំងជាដើម ។
ច្បាប់ស្តីពីវិនិយោគថ្មីត្រូវបានតាក់តែងឡើងកាលពីឆ្នាំ ២០១៥ ដោយមាន៤២មាត្រា សំដៅការទាក់ទាញនិងជំរុញការវិនិយោគនៅកម្ពុជាឲ្យមានគុណភាព ប្រសិទ្ធភាពនិងប្រសិទ្ធផលក្នុងការអភិវឌ្ឍសង្គម-សេដ្ឋកិច្ច។ ច្បាប់វិនិយោគថ្មីនេះត្រូវបានតាក់តែងឡើង ក្នុងគោលបំណងបង្កើតនូវក្របខណ្ឌគតិយុត្ត ដែលបើកចំហមានតម្លាភាពអាចប៉ាន់ប្រមាណទុកជាមុនបាននិងប្រកបដោយភាពអំណោយផលដែលអាចទាក់ទាញនិងជំរុញការវិនិយោគនៅកម្ពុជាឲ្យមានគុណ ភាព ប្រសិទ្ធភាព ប្រសិទ្ធផល សំដៅអភិវឌ្ឍន៍សង្គម-សេដ្ឋកិច្ច៕
អត្ថបទ៖ ៖ណារី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង