ព័ត៌មានជាតិ
កម្ពុជាអំពាវនាវអាស៊ាន រួមគ្នាដោះស្រាយបញ្ហាគ្រឿងញៀន ឱ្យកាន់តែមានប្រសិទ្ធភាព
នាយឧត្តមសេនីយ៍ ម៉ក់ ជីតូ អគ្គលេខាធិការរង នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន បានធ្វើការអំពាវនាវដល់ប្រទេសជាសមាជិកអាស៊ានទាំងអស់ ត្រូវរួមគ្នាដោះស្រាយឱ្យកាន់តែមានប្រសិទ្ធភាពបន្ថែមទៀត លើករណីគ្រឿងញៀន ខណៈបញ្ហានេះនៅតែជាក្តីកង្វល់ ទាំងក្នុងតំបន់អាស៊ាន ក៏ដូចជាពិភពលោកនោះ។
ថ្លែងនៅក្នុង កិច្ចប្រជុំក្រុមការងារត្រួតពិនិត្យគ្រឿងញៀន ប្រចាំកំពង់ផែអាស៊ាន លើកទី៦ តាមប្រព័ន្ធអនឡាញនៅថ្ងៃទី១០ ខែវិច្ឆិកា ដែលកម្ពុជាបានធ្វើជាម្ចាស់ផ្ទះ នាយឧត្តមសេនីយ៍ ម៉ក់ ជីតូ បានមានប្រសាសន៍ថា ទោះបីយើងកំពុងជួបវិបត្តិនៃជំងឺកូវីដ-១៩ តែបញ្ហាគ្រឿងញៀននៅតែជាកង្វល់ និងសម្គាល់ឃើញថា មិនមានសញ្ញាថយចុះ បើតាមរបាយការណ៍គ្រឿងញៀនពិភពលោក និងរបាយការណ៍គ្រឿងញៀនប្រចាំប្រទេសអាស៊ាន។
នាយឧត្តមសេនីយ៍ ម៉ក់ ជីតូ ជាប្រធានកិច្ចប្រជុំ បានបន្តថា គ្រឿងញៀនសំយោគ និងសារធាតុគីមីផ្សំត្រូវបានចរាចរណ៍នៅក្នុងតំបន់ដើម្បីផ្គត់ផ្គង់ទីផ្សារ គ្រឿងញៀនក្រោមការចាត់ចែងដោយឧក្រិដ្ឋជនអន្តរជាតិក្នុងរូបភាពជាបទល្មើសឆ្លងកាត់ព្រំដែន ដោយឧក្រិដ្ឋជនបានចាត់ចែងបទល្មើសក្រោមរូបភាពកាន់តែស្មុគស្មាញ និងពិបាកត្រួតពិនិត្យ។
នាយឧត្តមសេនីយ៍ ម៉ក់ ជីតូ បានបន្តលើកឡើងថា៖ “ខ្ញុំសង្ឃឹមជឿជាក់ថា កិច្ចប្រជុំយើងថ្ងៃនេះនឹងបន្តរួមគ្នាបន្តគិតពិចារណា និងស្វែងរកការផ្ដួចផ្ដើមគំនិតថ្មីៗថែមទៀត ដើម្បីធ្វើយ៉ាងណាឱ្យយន្តការទាំងអស់ត្រូវបានបន្តពង្រឹង និងពង្រីក ជំរុញការលេីកកម្ពស់កិច្ចសហប្រតិបត្តិការលើផ្នែកអនុវត្តច្បាប់ ស្របតាមស្ថានភាពវិវត្តន៍ប្រែប្រួលនៃបញ្ហាគ្រឿងញៀន ក្នុងបរិបទជំងឺកូវីដ១៩”។
គួរបញ្ជាក់ថា គោលបំណងសំខាន់នៃកិច្ចប្រជុំលើកនេះរួមមាន ទី១ ព័ត៌មានបច្ចុប្បន្នភាព និងស្ថានភាពគ្រឿងញៀន ទី២ ការធ្វើបច្ចប្បន្នភាព មន្ត្រីទំនាក់ទំនងរបស់ក្រុមការងារត្រួតពិនិត្យគ្រឿងញៀនកំពង់ផែ និងទី៣ ការធ្វើកិច្ចសហប្រតិបត្តិការទៅថ្ងៃអនាគត ដើម្បីលើកកម្ពស់និងពង្រឹងសមត្ថភាពមន្ត្រីអនុវត្តច្បាប់និងបញ្ហាផ្សេងៗ៕
អត្ថបទ៖ សំអឿន
-
ជីវិតកម្សាន្ដ៦ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ២ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៣ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៦ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានអន្ដរជាតិ១ សប្តាហ៍ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
ព័ត៌មានជាតិ៥ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានអន្ដរជាតិ៦ ថ្ងៃ ago
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien