មន្រ្តី​សុខាភិបាល​រៀបចំ​បទ​សម្ភាសន៍ ​ពី​បច្ចុប្បន្នភាពវីរុសបំប្លែងថ្មី អូមីក្រុង

ក្រសួងសុខាភិបាលនឹងរៀបចំបទសម្ភាសន៍ស្តីពីបច្ចុប្បន្នភាពវីរុសកូវីដ-១៩ បំប្លែងថ្មីឈ្មោះ អូមីក្រុងនៅ ថ្ងៃទី៩ធ្នូឆ្នាំ២០២១ នៅ ទីស្តីការក្រសួង។

យោងតាមសេចក្តីជូនដំណឹងរបស់ក្រសួងសុខាភិបាលចុះថ្ងៃទី០៧ធ្នូនេះថា ក្រសួងសុខាភិបាល នឹងរៀបចំបទសម្ភាសន៍រួមគ្នាមួយរវាង លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល  និងលោកស្រីវេជ្ជបណ្ឌិត លី អាយលែន តំណាងអង្គការសុខភាពពិភពលោកប្រចាំកម្ពុជា ដើម្បីធ្វើបច្ចុប្បន្នភាពអំពី វីរុសកូវីដ-១៩ បំប្លែង​ថ្មីឈ្មោះ អូមីក្រុង។

បទសម្ភាសន៍នេះនឹងប្រព្រឹត្តិទៅ ចាប់ពីម៉ោង១៣´រហូតដល់ម៉ោង១៤រសៀលនៅ ថ្ងៃទី០៩ខែធ្នូឆ្នាំ២០២១។

កន្លងមកក្រសួងសុខាភិបាលតែងតែរៀបចំសន្និសិទសារព័ត៍មាន ដើម្បីបញ្ជាក់ពីការវិវត្តន៍នៃជំងឺកូវីដ១៩និងវិធានការថ្មីៗសម្រាប់ទប់ស្កាត់ជំងឺកូវីដ១៩។ ប៉ុន្តែចាប់ពីស្ថានភាពជំងឺកូវីដ១៩មានការផ្ទុះឡើងខ្លាំងពិសេសព្រឹត្តិការណ៍សហគមន៍​២០​កម្ភៈ​រួចមក ក្រសួងបានផ្អាកការធ្វើសន្និសីទជាបណ្តោះអាសន្ន ដើម្បីការពារការឆ្លងរាលដាលនៃជំងឺកូវីដ១៩៕

អត្ថបទ៖ សំអឿន