ព័ត៌មានជាតិ
មន្ត្រីជំនាញចាប់សត្វស្វាវត្តភ្នំជិត២០ក្បាល យកទៅលែងនៅភ្នំតាម៉ៅបន្ទាប់ពីបង្កការរំខានដល់ពលរដ្ឋ
បន្ទាប់ពីមានការស្នើសុំយ៉ាងទទូចដល់អាជ្ញាធរពាក់ព័ន្ធប្រជាពលរដ្ឋមានការត្រេកអយ៉ាងខ្លាំងបន្ទាប់ពីមន្ត្រីជំនាញបានចុះសហការជាមួយអាជ្ញាធរចុះចាប់សត្វស្វាធំៗដែលកាចសាហាវប្រមាណជាងជិត២០ក្បាលយកទៅព្រលែងនៅសួនសត្វភ្នំតាម៉ៅ។
ពាក់ព័ន្ធនឹងការចុះចាប់សត្វស្វាវត្តភ្នំនោះដែរ លោក គាំ សីហា មន្ត្រីរដ្ឋបាលព្រៃឈើភ្នំពេញ បានប្រាប់ថាក្រុមការងារបាននាំគ្នាសហការចាប់បានសត្វស្វាកាចៗចំនួន១៥ក្បាល ពីព្រោះពួកវាបានរំខានដល់ការរស់នៅរបស់ពលរដ្ឋក្នុងតំបន់នោះនិងបង្កជារបួសស្នាមដល់ពលរដ្ឋ និងក្មេងៗទៀតផង។
លោកនាយខណ្ឌរដ្ឋបាលព្រៃឈើភ្នំពេញបានបន្តទៀតថា ហ្វូងស្វាទាំងនោះ នឹងត្រូវយកទៅលែងនៅឧទ្យានសួនសត្វភ្នំតាម៉ៅដើម្បីរស់នៅតាមបែបធម្មជាតិរបស់វាវិញ ។
លោក គាំ សីហា បានបញ្ជាក់ថា មុនយកទៅលែងនៅតំបន់ធម្មជាតិវិញ ស្វាទាំងនោះគឺត្រូវធ្វើចត្តាឡីស័កចំនួន១៤ថ្ងៃសិន ។ សត្វស្វាដែលចាប់បាននេះ គឺត្រូវប្រើវិធីបាញ់ថ្នាំសន្លប់ ស្វាទាំងនោះមានអាយុចាប់ពី៥ ឬ៦ឆ្នាំ ដែលនិយមរស់នៅ និងចល័តនៅក្នុងភូមិសាស្ត្រខណ្ឌដូនពេញ និងរមណីយដ្ឋានវត្តភ្នំ។ «ស្វាតែពេលវាធំ ហើយវារស់នៅក្នុងតំបន់ដែលមិនមានជាតំបន់ធម្មជាតិ នោះវានឹងមានចរិតច្រឡឺម និងកាច។ ដូច្នេះពេលវាទៅរស់នៅក្នុងធម្មជាតិវិញ វានឹងសមស្របទៅតាមធម្មជាតិ»។
លោក គាំ សីហា បានបញ្ជាក់ប្រាប់ទៀតថា ក្រុមការងារនឹងបន្តចុះចាប់ស្វាដែលកាចមួយចំនួនទៀតផងដែរ និងទុកស្វាជាច្រើនក្បាលទៀតដែលមានចរិតស្លូតរស់នៅក្នុងរមណីយដ្ឋានវត្តភ្នំដដែល ដើម្បីទាក់ទាញភ្ញៀវទេសចរ។ «២ឆ្នាំកន្លងទៅនេះ យើងអត់បានចាប់ពួកវា ដោយសារការឆ្លងរាលដាលជំងឺកូវីដ-១៩ ទើបធ្វើឲ្យមានសត្វស្វាកើនឡើង»។នៅរាជធានីភ្នំពេញមានវត្តមានសត្វស្វាប្រមាណពី២០០ ទៅ៣០០ក្បាល។
ជាមួយគ្នានេះ ប្រជាពលរដ្ឋសូមអរគុណ មន្ត្រីរដ្ឋបាលព្រៃឈើភ្នំពេញ និង អាជ្ញាធរ ខណ្ឌដូនពេញ ដែលបានសហការគ្នាចាត់ចែង ចាប់ហ្វូងសត្វស្វាកាចៗទាំងនោះយកទៅលែងនៅឧទ្យានសួនសត្វភ្នំតាម៉ៅនឹងសង្ឃឹមថាអាជ្ញាធរនឹងបន្តចាប់អាធំៗដែលនៅសេសសលបន្តទៀត៕
អត្ថបទ៖ រស្មី
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ