ព័ត៌មានជាតិ
WHO ប្រចាំកម្ពុជា ស្នើឱ្យស្ងប់អារម្មណ៍ បែរមកបន្តបង្ការ អូមីក្រុង តាម ៥ ចំណុច នេះវិញ
លោកស្រី លី អៃឡាន តំណាងអង្គការសុខភាពពិភពលោកប្រចាំនៅកម្ពុជា នៅ ថ្ងៃទី ៩ ខែធ្នូ ឆ្នាំ ២០២១ នេះមានប្រសាសន៍ថា លោកស្រីដឹងថា ប្រជាជនកម្ពុជាអាចមានអារម្មណ៍ព្រួយបារម្ភខ្លាំងចំពោះមេរោគបំប្លែងថ្មី អូមីក្រុង ប៉ុន្តែលោកស្រីយល់ថា យើងមិនបាច់ភ័យព្រួយច្រើនទេ គឺត្រូវមានអារម្មណ៍នឹងនរ ហើយរង់ចាំព័ត៌មានបន្ថែមទៀតតាមរយៈការស្រាវជ្រាវរបស់អ្នកវិទ្យាសាស្ត្រ និងយើងត្រូវតែត្រៀមខ្លួនអនុវត្តវិធានការបង្ការខ្លួនពីការឆ្លងមេរោគនោះវិញ។
តំណាងអង្គការសុខភាពពិភពលោកប្រចាំនៅ កម្ពុជា បានមានប្រសាសន៍បន្តថា មកដល់ពេលនេះយើងមិនទាន់មានសញ្ញាណ ឬភស្តុតាងបង្ហាញនូវភាពធ្ងន់ធ្ងរដែលបណ្ដាលពីមេរោគអូមីក្រុងនេះនៅឡើយទេ។ ដូចច្នេះអ្វីដែលយើងគួរធ្វើ គឺមិនគួរមានការភ្ញាក់ផ្អើលខ្លាំងពេកទេ ទន្ទឹមពេលយើងមានវិធីសាស្ត្របង្ការដោយមានប្រសិទ្ធភាព។
លោកស្រី លី អៃឡាន មានប្រសាសន៍លើកនូវវិធីសាស្ត្រចំនួន៥ ដើម្បីបង្ការមេរោគ អូមីក្រុង ក៏ដូចជាមេរោគកូវីដដទៃទៀតគឺ ទី១ ការទទួលចាក់វ៉ាក់សាំងបង្ការកូវីដ-១៩ ទី២ វិធានការការពារសុខភាពសាធារណៈ ទី៣ ពង្រឹងសមត្ថភាពផ្នែកព្យាបាល នឹងថែទាំសុខភាព ទី៤ ពង្រឹងប្រព័ន្ធសម្រាប់រកឃើញមេរោគឱ្យទាន់ពេល និងឆ្លើយតបឆាប់រហ័ស និងទី៥ វិធានការទប់ស្កាត់ហានិភ័យតាមព្រំដែនអន្តរជាតិ។
គួរបញ្ជាក់ថា ក្នុងពេលថ្មីៗនេះ មានការលេចចេញនូវវីរុសកូវីដ-១៩បំប្លែងថ្មី B.1.1.529 ដែលអង្គការសុខភាពពិភពលោក បានរាយការណ៍ពីការរកឃើញវីរុសបម្លែងថ្មីនេះ នៅ បណ្តាប្រទេសមួយ ចំនួនលើសាកលលោក។ នាថ្ងៃទី២៦ ខែវិច្ឆិកា ឆ្នាំ២០២១ កិច្ចប្រជុំរបស់ក្រុមប្រឹក្សាបច្ចេកទេសរបស់អង្គការសុខភាពពិភពលោក ស្ដីពីការវិវឌ្ឍន៍នៃមេរោគ SARS-CoV2 (TAG-VE) បានវាយតម្លវ៉ារ្យ៉ង់ SARS -CoV-2 ថ្មី B1.1.529 និងបានកំណត់ឈ្មោះវីរុសនេះហៅថា អូមីក្រុង (Omicron)។ មកដល់ពេលនេះ មាន ៥៧ ប្រទេសហើយ ដែលបានរកឃើញមានការឆ្លងជំងឺប្រភេទនេះ ចំណែកនៅកម្ពុជា មិនទាន់រកឃើញមានការឆ្លងមេរោគនេះទេ៕
អត្ថបទ៖ ច័ន្ទ វីរៈ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២២ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ