ព័ត៌មានជាតិ

ពលរដ្ឋ ៥២៥ គ្រួសារ នៅខេត្តបាត់ដំបង បានប្រគល់ដីព្រៃលិចទឹកតំបន់ ៣ ជូនអាជ្ញាធរស្រុកវិញ

បានផុស

៤ years មុន

នៅ

ថ្ងៃចន្ទ ១៣ ធ្នូ ២០២១

ដោយ

គិតត្រឹមថ្ងៃទី ០៨ ខែធ្នូ មន្ត្រីរដ្ឋបាលស្រុកសហការជាមួយក្រុមការងារជំនាញបានចុះកំណត់អត្តសញ្ញាណជនដែលទន្ទ្រានកាន់កាប់ដីព្រៃលិចទឹកតំបន់ ៣ នៅក្នុងភូមិសាស្ត្រឃុំព្រែកនរិន្ទស្រុកឯកភ្នំខេត្តបាត់ដំបងជាលទ្ធផលប្រជាពលរដ្ឋមកដាក់ពាក្យសារភាព និងប្រគល់ដីជូនរដ្ឋវិញ មានចំនួន ៨៦ គ្រួសារស្មើក្បាលដីសរុបចំនួន ៩៧ ក្បាលដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ិល សុផល អភិបាលស្រុកឯកភ្នំ នៅថ្ងៃទី ១២ ខែធ្នូ ឆ្នាំ ២០២១ នេះ បានឲ្យដឹងថា មកដល់ចុងសប្តាហ៍កន្លងមកនេះ ប្រជាពលរដ្ឋចំនួន ៤ ភូមិ ដែលមានជាប់ពាក់ព័ន្ធប្រើប្រាស់ និងអាស្រ័យផលលើផ្ទៃដីព្រៃលិចទឹកតំបន់ ៣ កើនដល់ចំនួន ៥២៨ គ្រួសារ ហើយដែលពួកគាត់បានស្ម័គ្រចិត្ត និងចូលសារភាពប្រគល់ដីតំបន់ហាមឃាត់ខាងលើជូនមកដល់រដ្ឋវិញ តាមរយៈរដ្ឋបាលស្រុក។

ដែនព្រៃលិចទឹកបឹងទន្លេសាបតំបន់ ៣ ក្នុងភូមិសាស្ត្រខេត្តបាត់ដំបង មានផ្ទៃដីសរុបចំនួន ២០៦ ៩៥៣ ហិកតាក្នុងចំណោមនេះ ផ្ទៃដីដែលជនខិលខូចចូលទន្ទ្រានជាកម្មសិទ្ធខុសច្បាប់មានចំនួន ២៩ ទីតាំង ស្មើនឹងផ្ទៃដីប្រមាណជា ១២ ២២១ ហិកតាក្នុងនោះប្រជាពលរដ្ឋ ដែលប៉ះពាល់ចូលទន្ទ្រានកាន់កាប់មានចំនួន ២៥១៤ គ្រួសារត្រង់ភូមិសាស្ត្រឃុំចំនួន ១៧ របស់ស្រុក ៤ មានស្រុកមោងឫស្សីស្រុកថ្មគោលស្រុកឯកភ្នំនិងស្រុកសង្កែ៕

អត្ថបទ៖ សៅ សារិទ្ធ

Related Topics:ខេត្តបាត់ដំបង ដីព្រៃលិចទឹក

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា