មុខប្រាសាទភ្នំបាខែង ធ្វើ​ពិធីក្រុងពាលី បុណ្យដឹងគុណ​មហា​វីរៈ​ដូនតា

សៀមរាប៖ លោក​ជំទាវ សៀង ចាន់ហេង អគ្គនាយិកាក្រុមហ៊ុន ហេង អភិវឌ្ឍន៍ និង​លោក​ហង់ ពៅ អគ្គនាយកអាជ្ញាធរជាតិអប្សរា នារសៀលថ្ងៃទី១២ ខែធ្នូ ឆ្នាំ២០២១នេះ បាន​ធ្វើ​ពិធីក្រុងពាលី ដើម្បីប្រារព្ធពិធីបុណ្យដឹងគុណមហាវីរៈដូនតានៅ បរិវេណខាងមុខប្រាសាទភ្នំបាខែង។

ក្នុងពិធី​ មាន​ការ​បួងសួងតាមទំនៀមទំលាប់បែបសាសនាមានការបូជាទៀនធូបផ្កាភ្ញី ក្នុងគោលបំណងដើម្បីរំលឹកនឹកដល់គុណបុណ្យមហាវីរ:ដូនតា ដែលជាបុព្វបុរសបានបន្សល់នៅ សម្បត្តិបិតិកភ័ណ្ឌពិភពលោកដ៏ល្បីល្បាញ់កន្លងមក។ បន្ទាប់មកក៏មានកម្មវីធីសូត្រមន្តចម្រើនព្រះបរិត្តស្វាធាយធម៍ នឹងសម្តែងធម៌ទៀតផង។

ចាប់ពីថ្ងៃទី១៣ ខែធ្នូ ឆ្នាំ២០២១នេះទៅ គឺមានកម្មវិធីជាច្រើននៅ ម៉ោង០៧:៣០-៩:៣០នាទីព្រឹក ពិធីបួងសួងលើប្រាសាទភ្នំបាខែង ពីម៉ោង៩:៣០-១៨:០០នាទីល្ងាច មានការសម្ដែងសិល្បៈ ឬល្បែងប្រជាប្រិយតាមទំនៀមទំលាប់ ពិធីអញ្ជើញស្នងបារមីសម្ដែងរឹទ្ធិ ដែលអញ្ជើញមកពីខេត្ត-ក្រុងនានា នៅ ម៉ោង១៨:០០-២២:០០នាទី គឺកម្មវិធីសមាធិ។

នៅ ថ្ងៃទី១៤ ខែធ្នូ ឆ្នាំ២០២១ គឺមានពិធីបួងសួងនៅ មុខអង្គរវត្តសម្រាប់ព្រឹត្តិការណ៍រំលឹកគុណអង្គរ នៅ ម៉ោង៦:០០នាទីព្រឹក ការអញ្ជើញមកដល់របស់ភ្ញៀវកិត្តិយសជាតិ-អន្តរជាតិ នៅម៉ោង៦:៣០ព្រឹក ចាប់ផ្តើមពិធីបួងសួងនៅ មុខប្រាសាទអង្គរវត្ត រហូតដល់ម៉ោង៧:៣០នាទីព្រឹក មតិស្វាគមន៍របស់ លោកជំទាវបណ្ឌិតសភាចារ្យ រដ្ឋមន្តី ក្រសួងវប្បធម៌ និងវិចិត្រសិល្បៈ នៅម៉ោង៧:៤០នាទី សុន្ទរកថា លោកជំទាវកិត្តិសង្គហបណ្ឌិត ម៉ន សំអន ឧបនាយករដ្ឋមន្ត្រី រដ្ឋមន្ត្រី ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងប្រកាសបើកព្រឹត្តិការណ៍រំលឹកគុណអង្គរ នៅម៉ោង​៧:៥០នាទី និមន្តព្រះសង្ឃចម្រើនព្រះបរិត្ត សូត្រដារពិស្តា៧ គម្ពី និងរាប់បាតព្រះសង្ឃ ម៉ោង១២:០០-១៧:០០នាទី ពិព័ណ៌សមិទ្ធផលសំខាន់ៗរបស់អាជ្ញាធរជាតិអប្សរា ការទស្សនាសារមន្ទីរ ការចុះទស្សនាការដ្ឋាននានាក្នុងរមណីយដ្ឋានអង្គរ និង សកម្មភាពផ្សេងៗ ពិព័ណ៌សៀវភៅដូចជាប្រវត្តិសាស្ត្រខ្មែរនិងបរទេស បទបង្ហាញ នានាដោយបុរាណវិទូអាជ្ញាធរជាតិអប្សរា និងក្រសួង/ស្ថាប័នវប្បធម៌។

នៅម៉ោង១៨:០០-២២:០០នាទីល្ងាច ល្ខោនស្បែកធំ សម្តែងដោយក្រុមសិល្បៈវត្តរាជបូណ៌។

សម្រាប់កម្មវិធីនៅថ្ងៃទី១៥ ខែធ្នូ ឆ្នាំ២០២១នេះ នៅម៉ោង៨:០០-១៧:០០នាទីល្ងាច ពិព័ណ៌សមិទ្ធផលសំខាន់ៗរបស់អាជ្ញាធរជាតិអប្សរា ការ ទស្សនាសារមន្ទីរ ការចុះទស្សនាការដ្ឋាននានាក្នុងរមណីយដ្ឋានអង្គរ និង សកម្មភាពផ្សេងៗ ពិព័ណ៌សៀវភៅដូចជាប្រវត្តិសាស្ត្រខ្មែរនិងបរទេស បទបង្ហាញ នានាដោយបុរាណវិទូអាជ្ញាធរជាតិអប្សរា និងក្រសួង/ស្ថាប័នវប្បធម៌។ ម៉ោង១៨:០០-២២:០០ ល្ខោនស្បែកធំ សម្តែងដោយក្រុមសិល្បៈវត្តរាជបូណ៍។

នៅ ថ្ងៃទី១៦ ខែធ្នូ ឆ្នាំ២០២១ ចាប់ពីម៉ោង៨:០០-១៧:០០នាទីល្ងាច គឺពិព័ណ៌សមិទ្ធផលសំខាន់ៗរបស់អាជ្ញាធរជាតិអប្សរា ការ ទស្សនាសារមនី្ទរ ការចុះទស្សនាការដ្ឋាននានាក្នុងរមណីយដ្ឋានអង្គរ និងសកម្ម ភាពផ្សេងៗ ពិព័ណសៀវភៅដូចជាប្រវត្តិសាស្ត្រខ្មែរនិងបរទេស បទបង្ហាញនានា ដោយបុរាណវិទូអាជ្ញាធរជាតិអប្សរា និងក្រសួង/ស្ថាប័នវប្បធម៌។ លុះដល់ម៉ោង១៨:០០-២២:០០នាទីយប់ ល្ខោនស្បែកធំ សម្តែងដោយក្រុមសិល្បៈវត្តរាជបូណ៌៕

អត្ថបទ៖ គឿនវេត