Connect with us

ព័ត៌មានជាតិ

ក្រសួងចេញបែបបទនីតិវិធី ការចុះបញ្ជីចាក់វ៉ាក់សាំងកូវីដ-១៩ សម្រាប់វិស័យឯកជន

បានផុស

នៅ

ក្រសួងសុខាភិបាលបានចេញសេចក្ដីណែនាំ ស្ដីអំពីបែបបទនិតិវិធីនៃការចុះបញ្ជីចាក់វ៉ាក់សាំងកូវីដ-១៩ សម្រាប់វិស័យឯកជន ដើម្បីឱ្យការចាក់វ៉ាក់សាំង និងការចេញកាតវ៉ាក់សាំងស្របទៅ តាមស្តង់ដារតែមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជួនដំណឹងរបស់ក្រសួងសុខាភិបាល ចុះថ្ងៃទី ១៦ ខែធ្នូនេះបានឱ្យដឹងថា ការចេញបែបបទនិតិវិធីនៃការចុះបញ្ជីចាក់វ៉ាក់សាំងកូវីដ-១៩ សម្រាប់វិស័យឯកជននេះ ក្នុងគោលបំណងដើម្បីធានាឱ្យការកត់ត្រាទិន្នន័យអំពីការចាក់វ៉ាក់សាំងកូវីដ-១៩ និងការចេញកាតការចាក់វ៉ាក់សាំងកូរវីដ-១៩ ដោយមូលដ្ឋានសេវាសុខាភិបាលឯកជន ធ្វើឡើងក្នុងស្តង់ដារតែមួយ ចៀសវាងការលេចចេញនូវការកត់ត្រា និងការចេញកាតការចាក់វ៉ាក់សាំងច្រើនប្រភេទ ដែលអាចធ្វើឱ្យមានការពិបាកក្នុងការទទួលស្គាល់នូវកាតចាក់វ៉ាក់សាំងកូវីដ-១៩ ទាំងក្របណ្ឌជាតិ និងអន្តរជាតិ។

គណៈកម្មការចំពោះកិច្ចចាត់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក-១៩) បានណែនាំដល់ម្ចាស់មូលដ្ឋានសេវាសុខាភិបាលឯកជនដែលបាន ទទួលការអនុញ្ញតក្នុងការផ្តល់សេវាចាក់វ៉ាក់សាំងកូវីដ-១៩ ត្រូវប្រើប្រាស់ប្រព័ន្ធគ្រប់គ្រងចុះឈ្មោះចាក់វ៉ាក់សាំងកូវីដ-១៩ ដែលជាប្រព័ន្ធផ្ទុកទិន្នន័យជាតិតែមួយ ដែលបច្ចុប្បន្នកំពុងប្រើប្រាស់ និងគ្រប់គ្រងដោយ (គវក១៩) ដើម្បីងាយស្រួលក្នុងការគ្រប់គ្រងទិន្នន័យ និងផ្ទៀងផ្ទាត់តំណភ្ជាប់ទៅ កាត និងវិញ្ញាបនបត្រចាក់វ៉ាក់សាំងកូដ-១៩។

បន្ថែមលើនេះ មូលដ្ឋានសវាសុខាភិបាលឯកជន ក៏ត្រូវប្រើប្រាស់កាត់ចាក់វ៉ាក់សាំងកូវីដ-១៩ ដែលរៀបចំ និងបោះពុម្ពដោយក្រសួងសុខាភិបាល ត្រូវផ្ទៀងផ្ទាត់ និងកត់ត្រាព័ត៌មានអ្នកមកចាក់វ៉ាក់សាំងកូវីដ-១៩ ឱ្យបានច្បាស់លាស់ និងត្រឹមត្រូវ ក្នុងប្រព័ន្ធទិន្នន័យចាក់វ៉ាក់សាំងកូរវីដ-១៩ ក៏ដូចជាលើកាតចាក់វ៉ាក់ សាំងកូវីដ-១៩។

គ.វ.ក-១៩ សូមធ្វើការណែនាំថា ការបញ្ចូលទិន្នន័យក្នុងប្រព័ន្ធគ្រប់គ្រងការចាក់វាក់សាំងកូវីដ-១៩ មូលដ្ឋានសេវាសុខាភិបាលឯកជនដែលបានទទួលការអនុញ្ញាតក្នុងការផ្តល់វ៉ាក់សាំងកូវីដ-១៩ ត្រូវចាត់តាំងអ្នកទទួលខុសត្រូវផ្លូវការសម្រាប់ការងារបញ្ចូលទិន្នន័យក្នុងប្រព័ន្ធគ្រប់គ្រងការចាក់វ៉ាក់សាំងកូវីដ-១៩ និងត្រូវស្នើសុំមក គ.វ.ក-១៩ ដើម្បីទទួលបានគណនីប្រើប្រាស់ (User Account) និងលេខសំងាត់ (Account Number) សម្រាប់ចូលប្រើប្រាស់ ប្រព័ន្ធគ្រប់គ្រងការចាក់វ៉ាក់សាំងកូវីដ-១៩ ហើយគណនីប្រើប្រាស់ (User Accourt) និងលេខសំងាត់ (Account Number) នេះ ពុំចែកចាយដល់អ្នកផ្សេងបានឡើយ។

ក្នុងករណីមានតម្រូវការកែតម្រូវទិន្នន័យដែលបានបញ្ចូលខុស សេវាឯកជន ត្រូវអនុវត្តសម្រាប់កំណែតម្រូវទិន្នន័យតាមរយៈអនឡាញដែលមានស្រាប់ ហើយកំពុងផ្តល់ប្រើប្រាស់នាពេលបច្ចុប្បន្ន។ នៅ ពេលសេវាឯកជនដំណើរការផ្តល់សេវាចាក់វ៉ាក់សាំងកូវីដ-១៩ សេវាឯកជនត្រូវធ្វើរបាយការណ៍មក គ.វ.ក-១៩ រៀងរាល់ម៉ោង ១៨:០០ នៃថ្ងៃនីមួយៗជាទៀងទាត់ ទោះពុំមានអ្នកមកចាក់សាំងកូវីដ-១៩ ឬថ្ងៃឈប់សម្រាកក៏ដោយ។

ចំពោះឯកសារសម្រាប់ការចុះបញ្ជីចាក់វាក់សាំងកូវីដ-១៩ មានដូចជាអត្តសញ្ញាណប័ណ្ណសញ្ជាតិខ្មែរ នៅ មានសុពលភាព ឬលិខិតឆ្លងដែន នៅ មានសុពលភាព ឬសំបុត្រកំណើត ឬសំបុត្រញ្ជាក់កំណើត ឬ សៀវភៅ គ្រួសារ ឬសៀវភៅស្នាក់នៅ ឬលិខិតបញ្ចាក់ពីអាជ្ញាធរមូលដ្ឋានដែលខ្លួនកំពុងស្នាក់នៅ ។

ចំពោះប្រជាជនដែលពុំមានលេខទូរស័ព្ទ អាចប្រើលេខទូរស័ព្ទរបស់ក្រុមគ្រួសារ សាច់ញាតិខ្លួនគាត់បានដោយលេខ ទូរស័ព្ទមួយខ្សែអាចចុះឈ្មោះបានលើសពីម្នាក់។

គ.វ.ក-១៩ នឹងរៀបចំវគ្គបណ្តុះបណ្តាលដល់អ្នកទទួលខុសត្រូវផ្លូវការសម្រាប់ការងារបញ្ចូលទិន្នន័យក្នុងប្រព័ន្ធគ្រប់គ្រង ការចាក់វ៉ាក់សាំងកូវីដ-១៩ របស់មូលដ្ឋានសេវាសុខាភិបាលឯកជនដែលបានទទួលការអនុញ្ញាតក្នុងការផ្តល់វ៉ាក់សាំងកូវីដ-១៩ បន្ទាប់មកនឹងផ្តល់គណនីប្រើប្រាស់ និងលេខសំងាត់ សម្រាប់ចូលប្រើប្រាស់ប្រព័ន្ធគ្រប់គ្រង ការចាក់វ៉ាក់សាំងកូវីដ-១៩ ហើយគណនីប្រើប្រាស់ និងលេខសំងាត់នេះ ពុំអាចចែកចាយ ដល់អ្នកផ្សេងបានឡើយ។

គ.វ.ក-១៩ បានព្រមានថា អ្នកក្លែងបន្លំប័ណ្ណ ឬវិញ្ញាបនបត្រចាក់វ៉ាក់សាំងកូវីដ-១៩ ឬក្លែងបន្លំព័ត៌មានអ្នកចាក់វ៉ាក់សាំងកូវីដ-១៩ នឹងត្រូវទទួលទោសតាមច្បាប់ ជាធរមាន៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៥ នាទី មុន

សម្ដេចតេជោ ហ៊ុន សែន ទទូចឱ្យពលរដ្ឋ​ចាក់វ៉ាក់សាំងគ្រប់ដូស​តាមលក្ខខណ្ឌ​សុខាភិបាល

ព័ត៌មានជាតិ១៩ នាទី មុន

សម្តេច​តេជោ ហ៊ុន សែន​ ហាមកីឡាករចេញប្រកួត ប្រើប្រាស់សារធាតុ ដែល​​មានការហាមឃាត់​​

ព័ត៌មានជាតិ២១ នាទី មុន

សម្ដេចតេជោ ហ៊ុន សែន ៖ កម្ពុជាគ្មានការចាំបាច់ត្រូវបិទប្រទេសទេ ទោះបីកូវីដ-១៩ត្រូវបានរកឃើញប៉ុន្មានថ្ងៃនេះ

សន្តិសុខសង្គម២៩ នាទី មុន

សមត្ថកិច្ចចាប់ខ្លួនខ្មាន់កាំភ្លើងបានហើយ ករណីបាញ់សម្លាប់ក្នុងភូមិគ្រិះឧកញ៉ា លឹម ប៊ុនសួរ(មានវីដេអូ)

ព័ត៌មានអន្ដរជាតិ៣១ នាទី មុន

អ៊ុយក្រែន ប្រកាសផែនការ ៣ ដំណាក់កាលស្ដារប្រទេសឡើងវិញ

Sokha Hotels

ព័ត៌មានពេញនិយម