សន្តិសុខសង្គម
ផ្ដន្ទាទោសអតីតថៅកែខ្សាច់ព្រែកសំរោង ដាក់ពន្ធនាគារ១៨ខែ
ចៅក្រមជំនុំជំរះសាលាដំបូងរាជធានីភ្នំពេញ លោកស្រី យី សុខវួច និងលោក ឆាយ ហុង ជាតំណាងអយ្យការ នៅព្រឹកថ្ងៃទី ២៧ធ្នូ ឆ្នាំ២០២១នេះ បានបើកសវនាការ លើសំណុំរឿងអតីតថៅកែបូមខ្សាច់ ស្ពានព្រែកសំរោង ដែលបានជាប់ពន្ធនាគារជិតមួយឆ្នាំមកហើយ។
សវនាការលើកនេះបានប្រកាសសាលក្រមភ្លាមៗ ក្រោយពេលជំនុំជម្រះចប់។ យោងតាមសេចក្ដីសម្រេចរបស់តុលាការ បានផ្ដន្ទាទោសឈ្មោះ ឡុង ហ្វីលីប ភេទប្រុស អាយុ ៤២ឆ្នាំ មានទីលំនៅផ្លូវលេខ ១១ ក្នុងភូមិបោះអង្កាញ់ សង្កាត់ព្រែកថ្មី ខណ្ឌច្បារអំពៅ ដាក់ពន្ធនាគារកំណត់ ១៨ ខែ តែទោសនេះត្រូវព្យួរទាំងអស់ ក្រោមការចោទប្រកាន់ពីបទ មិនបំពេញកតព្វកិច្ចចំពោះឧបករណ៍អាចជួញដូរបាន។
ជនជាប់ចោទត្រូវបានសមត្ថកិច្ចអាវុធហត្ថចាប់បញ្ជូនទៅកាន់សាលាដំបូងរាជធានីភ្នំពេញ កាលពីថ្ងៃ ២៦ ខែមករា ឆ្នាំ២០២១ ក្រោយពីគេចវេះ មិនចូលខ្លួនតាមការកោះហៅរបស់សមត្ថកិច្ច និងដីកាបញ្ជាឱ្យចូលខ្លួនរបស់ព្រះរាជអាជ្ញាអមតុលាការ ដែលបានចោទប្រកាន់ពីបទ មិនបំពេញកាតព្វកិច្ច ចំពោះឧបករណ៍ដែលអាចជួញដូរបាន បទរំលោភលើទំនុកចិត្ត និងបទក្លែងឯកសារសាធារណៈ ហើយគេចវេះមិនចូលខ្លួនតាមការកោះហៅរបស់សមត្ថកិច្ច និងដីកាបញ្ជាឱ្យចូលខ្លួនរបស់ព្រះរាជអាជ្ញាអមតុលាការ។
នៅក្នុងសវនាការជនសង្ស័យ បានសារភាពថា ខ្លួនបានបើកក្រុមហ៊ុន MPL ធ្វើអាជីវកម្មបូមខ្សាច់ នៅចំណុចគល់ស្ពានព្រែកសំរោង ស្ថិតក្នុងសង្កាត់ព្រែកថ្មី ខណ្ឌច្បារអំពៅ ហើយនៅក្នុងឆ្នាំ២០១៧ ខ្លួនបានខ្ចីប្រាក់ពីប្អូនធម៌ ឈ្មោះ សាយ សេងថៃ ចំនួន២ម៉ឺនដុល្លារ ដើម្បីយកទៅបង់ពន្ធរថយន្តចំនួន ១២គ្រឿង (មានរថយន្តបាឡែន រថយន្តព្រូស និងរថយន្តលុចស៊ីស) ដែលបានបញ្ជាទិញពីក្រុងឌូបៃ នាំចូលមកប្រទេសកម្ពុជា។
ប៉ុន្តែប្រាក់នេះបង់មិនគ្រប់ ទើបខ្លួនសុំខ្ចីបន្ថែម ចំនួន៣ម៉ឺនដុល្លារទៀត ដោយពេលខ្ចីម្ដងៗ ខ្លួនបានចេញសែកតម្កល់ និងដាក់ប្លង់ដី ដើម្បីធានាលើបំណុលនេះ។ រីឯប្រាក់ដែលត្រូវបង់ពន្ធរថយន្តទាំង១២គ្រឿងនោះ ចំនួន៤៨ ០០០ដុល្លារ។ បន្ទាប់មកខ្លួនបានលក់រថយន្តទាំងនោះទៅឱ្យក្រុមហ៊ុនមួយចំនួន ប៉ុន្តែក្រុមហ៊ុនទាំងនោះស្ទះលុយបង្វិលប្រាក់សងមកខ្លួន មិនទាន់ពេលវេលា ទើបខ្លួននៅជំពាក់ប្អូនធម៌ ឈ្មោះ សាយ សេងថៃ ដល់សព្វថ្ងៃ ទល់និងថ្ងៃសមត្ថកិច្ចចាប់ខ្លួនបញ្ជូនមកតុលាការ៕
អត្ថបទ៖ មករា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល