ព័ត៌មានជាតិ

បោះឆ្នោតជ្រើសរើសប្រធានសភាពាណិជ្ជកម្មថ្មីខេត្តបន្ទាយមានជ័យ

បានផុស

៥ years មុន

នៅ

ថ្ងៃពុធ ២៩ ធ្នូ ២០២១

ដោយ

ខេត្តបន្ទាយមានជ័យ៖ លោកឈៀន ឈីវអៀន បានជាប់ឆ្នោតជាប្រធានសភាពាណិជ្ជកម្មថ្មីខេត្តបន្ទាយមានជ័យ។

ការបោះឆ្នោតបានធ្វើឡើងនៅក្នុងសាលប្រជុំសភាពាណិជ្ជកម្មខេត្តបន្ទាយមានជ័យ ដោយមានការចូលរួមលោក ម៉ោ ថូរ៉ា រដ្ឋលេខាធិការក្រសួងពាណិជ្ជកម្ម លោកអ៊ុំ រាត្រី អភិបាលខេត្តបន្ទាយមានជ័យ លោក ប៊ុក ឡាយជី ប្រធានមន្ទីរពាណិជ្ជកម្មខេត្តបន្ទាយមានជ័យ និងមន្ត្រីពាក់ព័ន្ធជាច្រើនាក់ទៀតនៅល្ងាចថ្ងៃទី២៨ ខែធ្នូ ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការបោះឆ្នោត ប្រធានសភាពាណិជ្ជកម្មខេត្តបន្ទាយមានជ័យថ្មី លោក អ៊ុំ រាត្រី អភិបាលខេត្តបន្ទាយមានជ័យបានមានប្រសាសន៍ថា ដើម្បីឲ្យដំណើរការបោះឆ្នោតសមាជិកជ្រើសតាំងសភាពាណិជ្ជកម្មខេត្តថ្មីអាណត្តិ២លើកទី២ ដំណើរការបោះឆ្នោតបានជោគជ័យដើម្បីផ្តល់ឱកាសឲ្យពាណិជ្ជករ អាជីវករ ឧស្សាហករ បានយល់ដឹងកាន់តែច្បាស់ពីអត្ថប្រយោជន៍នៃការចូលរួមជាសមាជិកជ្រើសតាំងសភាពាណិកម្ម សភាពាណិជ្ជកម្មខេត្តបន្ទាយមានជ័យ បានសហការជាមួយមន្ទីរពាណិជ្ជកម្មខេត្ត ធ្វើការផ្សព្វផ្សាយតាមប្រព័ន្ធផ្សព្វផ្សាយនានា ជូនដំណឹងអាជីវករ ពាណិជ្ជករ ដែលចាប់អារម្មណ៍ផងដែរ។

យោងតាមលិខិតលេខ ៣៨០៧ ព.ណ អវឯ ចុះថ្ងៃទី២២ ខែតុលា ឆ្នាំ២០១៨ របស់ក្រសួងពាណិជ្ជកម្ម ស្ដីពីការរៀបចំបោះឆ្នោតសភាពាណិជ្ជកម្មអាណត្តិ២ លើកទី២នេះ ដើម្បីបន្តនិរន្តរភាព និងជាការជ្រើសរើសប្រធានសភាពាណិជ្ជកម្មខេត្តបន្ទាយមានជ័យថ្មី ស្របពេលដែលប្រធានសភាពាណិជ្ជកម្មខេត្តបន្ទាយមានជ័យចាស់បានទទួលមរណៈភាព។

លោក ម៉ៅ ថូរ៉ា បានមានប្រសាសន៍បញ្ជាក់ឲ្យដឹងបន្តថា ការរៀបចំបោះឆ្នោតជ្រើសរើសប្រធានសភាពាណិជ្ជកម្មខេត្តបន្ទាយមានជ័យថ្មីអាណត្តិទី២ លើកទី២ ស្របតាមការណែនាំរបស់ក្រសួងពាណិជ្ជកម្ម ព្រោះប្រធានសភាពាណិជ្ជកម្មខេត្តបន្ទាយមានជ័យថ្មីគឺជាក្បាលម៉ាស៊ីនយ៉ាងសំខាន់ ក្នុងការជួយដល់ការអភិវឌ្ឍវិស័យពាណិជ្ជកម្មឲ្យកាន់តែមានភាពរីកចម្រើន ពិសេសវាបានជួយស្រូបយកវិស័យឯកជនទាំងក្នុង និងក្រៅស្រុក ក្នុងការពង្រីងវិស័យពាណិជ្ជកម្ម ក៏ដូចជាផ្តល់ឱកាសការងារឲ្យយុវជនមានកាងារធ្វើផងដែរ។

លោកបានបញ្ជាក់ឲ្យដឹងទៀតថា សម្រាប់ការបោះឆ្នោតសភាពាណិជ្ជកម្មខេត្តបន្ទាយមានជ័យ អាណត្តិទី២ លើក២ប្រព្រឹត្តទៅបានយ៉ានរលូន។ អ្នកចូលរួមបោះឆ្នោតបានគោរពតាមលក្ខខណ្ឌ និងគោលការណ៍ ដែលក្រសួងបានកំណត់។

គូរបញ្ជាក់ថា បេក្ខជនដែលបានឈរឈ្មោះសមាជិកសភាពាណិជ្ជកម្មមានចំនួន១៤រូប ក្រោយពីប្រធានថ្មីជាប់ឆ្នោតហើយ អាចជ្រើសរើសអនុប្រធានចំនួន ៤នាក់បន្ថែមទៀត ព្រមទាំងសមាជិកផងដែរយកមកធ្វើការក្នុងសភាពាណិជ្ជកម្ម៕

អត្ថបទ៖ វ៉ាន់ ណាង

Related Topics: