ព័ត៌មានជាតិ
ទីលានទុកដាក់សម្រាម ទំហំ ១៥ ហិកតា តម្លៃ ១,៦ លានដុល្លារ សាងសង់បាន ៩៨%
ទីលានទុកដាក់សម្រាមទំហំជាង ១៥ ហិកតាដែលមានតម្លៃជាង ១,៦ លានដុល្លារ ស្ថិតក្នុងភូមិទួលម្កាក់ សង្កាត់រលាប ក្រុងពោធិ៍សាត់ ខេត្តពោធិ៍សាត់ សាងសង់សម្រេចបានជាង ៩៨% ហើយគ្រោងនឹងបញ្ចប់ការសាងសង់នាពេលឆាប់ៗខាងមុខនេះ។
ថ្លែងក្នុងឱកាសអមដំណើរ លោក ជាវ តាយ អភិបាល ខេត្តពោធិ៍សាត់ ចុះពិនិត្យការដ្ឋានទីលានទុកដាក់សំរាមនារសៀលថ្ងៃទី ២៨ ខែធ្នូនេះ លោក ចាប នាង អភិបាលក្រុងពោធិ៍សាត់ បានមានប្រសាសន៍ថា ទីលានទុកដាក់សម្រាមនេះ ត្រូវបានរាជរដ្ឋាភិបាល អនុញ្ញាតឱ្យសាងសង់តាមរយៈក្រសួងសាធារណការ និងដឹកជញ្ជូន ក្រោមថវិកាកម្ចីសម្បទាន របស់ធនាគារអភិវឌ្ឍន៍អាស៊ី (ADB) ប្រមាណ ១,៦ លាន ដុល្លារសហរដ្ឋអាមេរិក ដែលទទួលការសាងសង់ដោយក្រុមហ៊ុន អ៊ឹង ស៊ឹមស៊ា ខនស្ត្រាក់សិន លើផ្ទៃដីប្រមាណជាង ១៥ ហិកតា ចាប់អនុវត្តតាំងពីខែមេសា ឆ្នាំ ២០២០ កន្លងទៅ រហូតមកទល់បច្ចុប្បន្ន សម្រេចការងារបានប្រមាណ ៩៨,០៥ %ហើយ (ការងារដើម + ការងារបន្ថែមលើកទីមួយ + ការងារបន្ថែមលើកទីពីរ)។
លោកអភិបាលក្រុងពោធិ៍សាត់បានបន្តថា សកម្មភាពសាងសង់សំខាន់ៗ ដែលសម្រេចបានរួមមាន៖ ផ្លូវចូលទីលាន ១០០%, ផ្លូវខាងក្នុងទីលាន ១០០%, របងថ្មីព័ទ្ធជុំវិញការដ្ឋាន ១០០%, រណ្តៅទុកដាក់សំរាមទីមួយ និងទីពីរ ១០០%, អគាររដ្ឋបាល ១០០%, ឃ្លាំងសម្រាប់ហាល ឬស្តុកកករខាប់ (ភក់) ៧០%, ប្រព័ន្ធប្រមូលចូលអាងចម្រោះទឹករងៃ ១០០%, អាងចម្រោះទឹករងៃ ២ កន្លែង ១០០%, ដាំដើមឈើ និងការផ្គត់ផ្គង់ថាមពល ដាក់បង្គោលភ្លើង ១០០%, ស្រះបំប្លែងក្លិនទឹកជាដំណាក់ៗ ដោយដាំរុក្ខជាតិជំនួយមុនបង្ហូរចូលទៅចំរោះក្នុងដី ៨១% និងអាងចម្រោះទឹកដែលហូរពីស្រះបំប្លែងដោយរុក្ខជាតិ និងពន្លឺថ្ងៃ (SOAKAWAY) ១០០%, ច្រកទ្វារចេញចូល និងផ្លាកការដ្ឋាន ៥០%, កន្លែងថ្លឹងរថយន្តដឹកសំរាមមុនចាក់ចូលរណ្តៅ ៤៤.៥២% និងអគារស្នាក់នៅ របស់កម្មករប្រមូលសំរាម និងទុកដាក់របស់រឹងបណ្តោះអាសន្ន ៥.៨១%។
លោក ជាវ តាយ អភិបាលនៃគណៈអភិបាលខេត្តពោធិ៍សាត់ បានមានប្រសាសន៍ថា បញ្ហាអនាម័យបរិស្ថាន ក៏ដូចជាទីលានកន្លែងទុកដាក់ និងចាក់សំរាម គឺជាជំងឺសង្គមដ៏សំខាន់ ដែលរាជរដ្ឋាភិបាល តែងតែជំរុញ ដល់អាជ្ញាធរថ្នាក់ក្រោមជាតិ ឱ្យមានការយកចិត្តទុកដាក់ខ្ពស់ ក្នុងការរួមចំណែកធ្វើឱ្យបរិស្ថានទីក្រុង និងទីប្រជុំជន បានកាន់តែល្អប្រសើរ។ ដោយឡែកសម្រាប់ទីក្រុងពោធិ៍សាត់បច្ចុប្បន្ន បញ្ហាសំរាមបានកើនឡើងពីមួយថ្ងៃទៅមួយថ្ងៃ ទាមទារឱ្យរដ្ឋបាលខេត្ត ត្រូវតែយកចិត្តទុកដាក់ ពីទីកន្លែងសម្រាប់ទុកដាក់សំរាម ទៅថ្ងៃអនាគត។
លោក ជាវ តាយ បានណែនាំឱ្យជំនាញពាក់ព័ន្ធ អាជ្ញាធរមូលដ្ឋាន ធ្វើយ៉ាងណាសហការជាមួយក្រុមហ៊ុនម៉ៅការឱ្យបានល្អ ដើម្បីឱ្យដំណើរការនៃការកសាងគម្រោង ទីលានគ្រប់គ្រងសំណល់រឹងនេះ បានលឿន និងឆាប់រហ័ស ដើម្បីឆ្លើយតបទៅនឹងតម្រូវការចាំបាច់ របស់រដ្ឋបាលខេត្ត ក្នុងការលើកកម្ពស់អនាម័យ បរិស្ថាន ក្នុងក្រុងពោធិ៍សាត់ ឱ្យបានកាន់តែល្អប្រសើរឡើងថែមទៀត៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ