ព័ត៌មានជាតិ
តើការលួចសាងសង់ចម្លងប្រាសាទខ្មែរនៅវត្តមួយរបស់ថៃ មកដល់ពេលនេះ ដោះស្រាយដល់ណាហើយ?
នៅពេលនេះ បញ្ហាលួចចម្លងសាងសង់ប្រាសាទអង្គររបស់ខ្មែរនៅក្នុងវត្តមួយនៃខេត្តបុរីរម្យរបស់ថៃ មិនទាន់ត្រូវបានដោះស្រាយបញ្ចប់នៅឡើយទេ។ នេះបើតាមលោក ឡុង ប៉ុណ្ណាស៊ីរីវត្ថ អ្នកនាំពាក្យក្រសួងវប្បធម៌ និងវិចិត្រសិល្បៈ ដែលបានគូសបញ្ជាក់ប្រាប់សារព័ត៌មានកម្ពុជាថ្មី។ លោក ឡុង ប៉ុណ្ណាស៊ីរីវត្ថ បានអះអាងថា នៅពេលនេះ អាជ្ញាធរកម្ពុជាកំពុងដោះស្រាយបញ្ហានេះជាមួយភាគីថៃ ដោយមានទាំងការសម្របសម្រួលផ្នែកការទូត និងបច្ចេកទេស។
នៅក្នុងកិច្ចពិសេសជាមួយកម្ពុជាថ្មី លោក ឡុង ប៉ុណ្ណាស៊ីរីវត្ថ បានគូសបញ្ជាក់បែបនេះថា៖ «ការងារហ្នឹង យើងនៅតែបន្តធ្វើ ធ្វើក្នុងលក្ខណៈបច្ចេកទេសផង និងក្នុងលក្ខណៈការទូត ហើយជាលទ្ធផលនោះ ចាំនៅពេលទៅមុខ នឹងមានការផ្តល់ជូនជាសាធារណៈ តើជាលទ្ធផលបែបណា ព្រោះយន្តការនៃការដោះស្រាយ យើងមានយន្តការច្រើនក្នុងនាមរាជរដ្ឋាភិបាលតាមរយៈការដោះស្រាយតាមការទូតនៃប្រទេសជិតខាងភូមិផងរបងតែមួយរបស់យើង»។
ការគូសបញ្ជាក់របស់មន្រ្តីជាន់ខ្ពស់នៃក្រសួងវប្បធម៌ និងវិចិត្រសិល្បៈនៅពេលនេះ ធ្វើឡើងស្របពេលមហាជនកម្ពុជាកំពុងតែទន្ទឹងរង់ចាំនូវការដោះស្រាយរបស់អាជ្ញាធរកម្ពុជារឿងការលួចចម្លងសាងសងប្រាសាទអង្គររបស់កម្ពុជានៅក្នុងវត្តមួយនៅក្នុងប្រទេសថៃ។ មហាជនកម្ពុជា បានថ្កោលទោសយ៉ាងខ្លាំងចំពោះការលូចចម្លងប្រាសាទរបស់ខ្មែររបស់វត្តមួយនៅប្រទេសថៃនេះ។ ជាមួយគ្នានេះ មហាជនកម្ពុជា ក៏បានរិះគន់ខ្លាំងផងដែរទៅលើក្រសួងវប្បធម៌ និងវិចិត្រសិល្បៈថា បានធ្វើការងារយឺតយ៉ាវក្នុងបញ្ហានេះ។
សូមបញ្ជាក់ថា បញ្ហានៃការសាងសង់ប្រាសាទថ្មរបស់ថៃដែលអាចថា ជាការចម្លងតាមប្រាសាទអង្គរវត្តរបស់កម្ពុជា ត្រូវបានបែកធ្លាយ និងផ្ទុះឡើងខ្លាំងនៅក្នុងស្រទាប់យុវវ័យកម្ពុជាក្នុងពាក់កណ្តាលឆ្នាំ២០២១។ មហាជនកម្ពុជា បានចែករំលែករូបភាពការលួចចម្លងសាងសង់នេះជាបន្តបន្ទាប់នៅលើបណ្តាញសង្គមហ្វ៊េសប៊ុកអមដោយការរិះគន់គ្រប់បែបយ៉ាង។ ពួកគេ ក៏បានស្នើឲ្យអាជ្ញាធរកម្ពុជាទប់ស្កាត់ការលួចចម្លងសាងសង់នេះជាបន្ទាន់ ដើម្បីការពារប្រាសាទទាំងនោះថា ជារបស់ខ្មែរពិតៗ៕
អត្ថបទ ៖ វណ្ណ សុគន្ធា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore