ព័ត៌មានជាតិ
មានអ្នកមានលុយចាក់ដីលុបមាត់បឹងទំនប់វ៉ារីអគ្គីសនីអូរជុំ យកធ្វើកម្មសិទ្ធិផ្ទាល់ខ្លួន
ខេត្តរតនគិរី៖ បឹងទំនប់វ៉ារីអគ្គីសនីអូរជុំទី១ ស្ថិតនៅក្នុងភូមិថារ៉ងជង ឃុំអូរជុំ ស្រុកអូរជុំ ត្រូវបានអ្នកមានលុយ មានអំណាច ឈូសឆាយលុបយកដីមាត់បឹងធ្វើជាកម្មសិទ្ធផ្ទាល់ខ្លួន អត់មានការរំខានដល់អាជ្ញាធរស្រុក។
ប្រជាពលរដ្ឋរស់នៅក្បែរនោះ សុំមិនបញ្ចេញឈ្មោះ បានលួចខ្សឹបប្រាប់ថា ទីតាំងដីដែលបានឈូសឆាយចាក់លុបនេះ ត្រូវបានអ្នកមានលុយ មានអំណាច យកគ្រឿងចក្រមកឈូសឆាយចាក់លុបរំលោភបំពានយកធ្វើជាកម្មសិទ្ធិឯកជន យ៉ាងអនាធិបតេយ្យ ប្រហែលជាមានការគប់គិតគ្នាជាប្រព័ន្ធ ទើបគ្មានការទប់ស្កាត់ ឬបង្ក្រាប ពីសំណាក់អាជ្ញាធរស្រុក និងមន្ត្រីជំនាញ។
ប្រភពដដែលបានបញ្ជាក់ថា ដីជុំវិញមាត់បឹងទំនប់វ៉ារីអគ្គីសនីអូរជុំទី១ មានហាងឆេងណាស់ ហើយបច្ចុប្បន្នមានបុគ្គលអ្នកមានលុយ មានអំណាច ប្រមូលទិញយកធ្វើជាកម្មសិទ្ធយ៉ាងស្ងៀមស្ងាត់បំផុត។
ប្រភពបញ្ជាក់ទៀតថា បឹងទំនប់វ៉ារីអគ្គីសនីអូរជុំទី១ នេះមានសោភ័ណភាពទេសភាពស្រស់បំព្រង ប្រសិនបើអាជ្ញាធរកែលម្អ ឱ្យបឹងទំនប់នេះក្លាយទៅជាតំបន់រមណីយដ្ឋានទេសចរណ៍ សម្រាប់ទាក់ទាញភ្ញៀវជាតិ និងអន្តរជាតិ មកទស្សនា កម្សាន្ត ប្រាកដជាចំណេញដល់អាជ្ញាធរ និងប្រជាពលរដ្ឋ ចៀសជាងឱ្យធ្លាក់ទៅលើដៃបុគ្គលឯកជនមួយក្តាប់តូច។
ទាក់ទិននឹងការឈូសឆាយដីលុបបឹងនេះ លោក ធូ ឃឿ អភិបាលស្រុកអូរជុំ បានឱ្យអ្នកព័ត៌មានដឹងតាមប្រព័ន្ធទូរសព្ទថា លោកបានដឹងពីសកម្មភាពឈូសឆាយលុបនេះដែរ ប៉ុន្តែចំណុចទីតាំងដែលបានឈូសឆាយលុបនោះគឺជាដីដែលម្ចាស់គេមានប្លង់រឹងត្រឹមត្រូវតាំងពីឆ្នាំ ១៩៩៣ មកម្លេះ។
ប៉ុន្តែមន្រ្តីភូមិបាលស្រុកអូរជុំ បានអះអាងថា ប្លង់ចាស់នោះត្រូវបាននិរាករណ៍ចោលអស់ហើយ ពោលគឺទីតាំងដីដែលបានឈូសឆាយលុបនេះ មិនមានប្លងរឹងនោះទេ ពីព្រោះខាងមន្រ្តីជំនាញមិនបានវាស់វែងចុះបញ្ជីជាលក្ខណៈប្រព័ន្ធនោះទេ ដោយសារទីតាំងដីនេះ ជាដីរបស់រដ្ឋ ហើយក៏ជាដីមានទំនាស់គ្នា៕
អត្ថបទ៖ វុទ្ធឦសាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង