Connect with us

ព័ត៌មានជាតិ

ខេត្ត​ពោធិ៍សាត់​ពិនិត្យ​លទ្ធភាព​ប្រមូល​ផ្តុំ​គ្រូពេទ្យ ចាក់​វ៉ាក់សាំង​ដល់​​ភូមិ​ឃុំ

បានផុស

នៅ

ដើម្បី​​ជំរុញ​ល្បឿន​ចាក់​វ៉ាក់សាំង​ដូស​ទី ៣ ឬ​ដូស​ជំរុញ អាជ្ញាធរ​ខេត្ត​ពោធិ៍សាត់​កំពុង​ពិនិត្យ​លទ្ធភាព​ប្រមូល​ផ្តុំ​ក្រុម​គ្រូពេទ្យ​បើក​យុទ្ធនាការ​ចាក់​វ៉ាក់សាំង​ដល់​ពលរដ្ឋ​ដល់​មូលដ្ឋាន​ភូមិ​ឃុំ​តែ​ម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវ ឱ វណ្ណឌីន រដ្ឋលេខាធិការ​ក្រសួង​សុខាភិបាល និង​ជា​ប្រធាន​គណៈកម្មការ​ចំពោះ​កិច្ច​ និងលោក ជាវ តាយអភិបាលខេត្តពោធិ៍សាត់ បាន​ផ្ដល់បទសម្ភាសន៍ក្រោយ​បញ្ចប់​ការ​ពិភាក្សា​រឿង​ជំរុញ​ការ​ចាក់​វ៉ាក់សាំង​ដូសជំរុញជូនប្រជាពលរដ្ឋ។

លោក​ ជាវ តាយ អភិបាល​ខេត្ត​ពោធិ៍សាត់​​បាន​ឲ្យ​ដឹង​ដែរ​ថា ក្រោយ​ពេល​ទទួល​បាន​ការ​ណែនាំ​ពី​ប្រមុខ​រដ្ឋាភិបាល រដ្ឋបាល​ខេត្ត​បាន​រៀបចំ​ដាក់​កម្មវិធី​ជាក់​លាក់​ការ​ចាក់​ដូស​ជំរុញ ឬ​ដូស​ទី ៣ ដើម្បី​ជំរុញ​ការ​រៀបចំ​ឲ្យ​មាន​ប្រសិទ្ធភាព​និង​ទាន់​ពេល​វេលា។

លោកបន្ត​ថា រដ្ឋបាល​បាន​​រៀបចំ​ក្រុមគ្រូពេទ្យ​​សម្រាប់​ចាក់​ទៅ​ដល់​ទីតាំង​ អាច​ដល់​គ្រប់​ភូមិ​សម្រាប់​បើក​យុទ្ធនាការ​ដូស​ទី ៣ ឬ​ដូស​ជំរុញ។

ខណៈមេរោគបំប្លែងខ្លួនថ្មីប្រភេទអូមីក្រុងបង្ក​ក្តីព្រួយ​បារម្ភ លោក​ជំទាវ ឱ វណ្ណឌីន រដ្ឋលេខាធិការ​ក្រសួង​សុខាភិបាល និង​ជា​ប្រធាន​គណៈកម្មការ​ចំពោះ​កិច្ច​ចាក់វ៉ាក់សាំង​បាន​បញ្ជាក់​ថា ដើម្បី​បង្កើន​ល្បឿន​នៃ​ការ​ចាក់​វ៉ាក់សាំង ត្រូវ​តែ​ជំរុញ​កៀរគរ​​ការ​ចុះ​ចាក់​វ៉ាក់សាំង​ដល់​ពលរដ្ឋ​​ដោយ​ផ្ទាល់​តាម​ទីតាំង​ស្រប​តាម​លទ្ធភាព។ អាជ្ញាធរ​មូលដ្ឋាន​ត្រូវ​តែ​ផ្សព្វផ្សាយ​តាម​រយៈ​វីដេអូ​ឃ្លីប និង​សារ​អប់រំ​ដើម្បី​ផ្តល់​ព័ត៌មាន​ឲ្យ​ពលរដ្ឋ​មក​ទទួល​បានការ​ចាក់​វ៉ាក់សាំង​ដូស​ទី ៣ ឬ​ដូស​ជំរុញ ដើម្បី​កាត់​បន្ថយ​ការ​ឆ្លង​រាលដាល​និង​អត្រា​គ្រោះ​ថ្នាក់ដល់​អាយុជីវិត។

យោងតាមសារាចររបស់ រាជរដ្ឋាភិបាល នាថ្ងៃទី១១ ខែមករា ឆ្នាំ២០២២ បានជំរុញ​ឲ្យ​គណៈអភិបាលរាជធានី-ខេត្ត ទាំងអស់សហការជាមួយគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បង្កើនល្បឿនការចាក់វ៉ាក់សាំងកូវីដ១៩ ទាំងដូសមូលដ្ឋាន ទាំងដូសជំរុញឲ្យ​បាន​ឆាប់រហ័ស ដើម្បីធានាឲ្យបាននូវភាពស៊ាំសហគមន៍ រឹងមាំពិតប្រាកដមួយ សំដៅទប់ស្កាត់និងកាត់បន្ថយគ្រោះថ្នាក់បណ្ដាល មកពីការឆ្លងរាលដាលនៃមេរោគបំប្លែងខ្លួនថ្មី ប្រភេទអូមីក្រុង។

ជាមួយគ្នានេះ គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ត្រូវបន្តពង្រឹងយន្តការ តាមដាន និងត្រួតពិនិត្យរបស់ខ្លួនលើវឌ្ឍនភាព នៃការអនុវត្តការងារចាក់វ៉ាក់សាំងកូវីដ-១៩ ប្រចាំថ្ងៃ ទាំងសម្រាប់ក្របខណ្ឌរាជធានី-ខេត្ត នីមួយៗដាច់ដោយឡែកពីគ្នា ទាំងសម្រាប់ក្របខណ្ឌទូទាំងប្រទេស ព្រមទាំងត្រូវពង្រឹងយន្តការឆ្លើយតបឲ្យបានទាន់ពេលវេលា។ ជាពិសេសការសម្របសម្រួលក្រុមគ្រូពេទ្យចាក់វ៉ាក់សាំងឲ្យត្រូវទៅនឹងស្ថានភាព ជាក់ស្ដែងនៅក្នុងមូលដ្ឋាននីមួយៗ និងការធានាផ្គត់ផ្គង់ឲ្យបានទាន់ពេលវេលា និងមិនត្រូវខ្វះវ៉ាក់សាំងជូនដល់បណ្តារាជធានី​-ខេត្ត៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៧ នាទី មុន

ដើម្បី​លើកកម្ពស់​វិស័យ​សុខាភិបាល ម​នី្ទ​រ​ពេទ្យ​កាល់ម៉ែត ចុះ​MOU ជាមួយ​ម​នី្ទ​រ​ពេទ្យ​SINGHEALTH (​ប្រទេស​សិង្ហ​បុរី​)

សន្តិសុខសង្គម៥៣ នាទី មុន

លោក​ផ្កាយ​២ នាយក​មណ្ឌល​ហ្វឹកហ្វឺន​ភូមិសាស្ត្រ​យោធា បាញ់សម្លាប់​ខ្លួន​ដោយសារ​ជំងឺ

KPT+១ ម៉ោង មុន

មិនស្រួលទេ! ដើម្បីក្លាយជាបុរសពេញលក្ខណៈ កុលសម្ព័ន្ធនៅព្រៃ Amazon ត្រូវឆ្លងកាត់ភាពឈឺចាប់ ឲ្យស្រមោចខាំ

ជីវិតកម្សាន្ដ២ ម៉ោង មុន

មុនល្បីល្បាញ និងមានប្រាក់វាល់លានដូចសព្វថ្ងៃ អតីតតួ ចាន់ចាវ ឆ្លងកាត់ជីវិតជូរចត់ណាស់

ព័ត៌មានជាតិ៣ ម៉ោង មុន

ឧ​ត្ត​ម​មន្ត្រី ADSOM និង ADSOM-Plus បើក​កិច្ចពិភាក្សា​ត្រៀម​សម្រាប់​កិច្ចប្រជុំ​ថ្នាក់​រដ្ឋមន្ត្រី​ការពារជាតិ នៅ​ខែមិថុនា និង​វិច្ឆិកា ខាងមុខ

Sokha Hotels

ព័ត៌មានពេញនិយម