​ខេត្ត​កំពង់ឆ្នាំង​កំពុង​ជួសជុល​បរិវេណ​សួនច្បារ​មុខទីស្នាក់ការ​គណបក្សប្រជាជន​កម្ពុជា

បរិវេណសួនច្បារនៅមុខស្នាក់ការគណបក្សប្រជាជនកម្ពុជា ខេត្តកំពង់ឆ្នាំង ត្រូវបានសម្រុក ជួសជុលយ៉ាងសកម្មដើម្បីកែលម្អសោភ័ណភាពឡើងវិញ ត្រៀមទទួលថ្នាក់ដឹកនាំដែលត្រូវមកចុះធ្វើការក្នុងពេលខាងមុខនេះ។

មន្ត្រីប្រាប់ថា ការជួសជុលកែលម្អនេះ គឺត្រូវជួសជុលឲ្យទាន់មុនថ្ងៃ ប្រកាសប្រធានយុវជនគណបក្សប្រជាជនកម្ពុជាខេត្តកំពង់ឆ្នាំងក្នុងពេលខាងមុខនេះ។

មន្ត្រីមន្ទីរសាធារណការ ខេត្តកំពង់ឆ្នាំងកំពុងធ្វើសកម្មភាពជួសជុលកែលម្អបរិវេណសួនច្បារមុខទីស្នាក់ការគណបក្ស បានឲ្យដឹងថា ការជួសជុលកែលម្អបរិវេណសួនច្បារទីស្នាក់ ការគណបក្សប្រជាជនកម្ពុជានេះ គឺក្រុមហ៊ុនដែលបានចូលរួមជួសជុលរួមមាន មន្ទីរសាធារណការខេត្ត និងក្រុមហ៊ុនឯកជន១ផងដែរ ដែលបានទទួលការងារជួសជុលផ្សេងៗគ្នា ក្នុងនោះមាន ការចាក់ដីបំពេញនិងដាំស្មៅ ដាំដើមឈើ ចាក់កៅស៊ូ ាAC ក្រាលការ៉ូឡា ជួសជុលដំបូល អាគារលាបថ្នាំ និងកែលំអរប្រព័ន្ធអំពូ លភ្លើងជាដើម។

ការងារសាង សង់នេះមានរយៈពេលមួយសប្តាហ៍មកហើយ គឺធ្វើយ៉ាងណាឱ្យបានមុនប្រកាស ប្រធានយុវជនគណបក្សប្រជាជនកម្ពុជាខេត្តកំពង់ឆ្នាំងនៅថ្ងៃទី ១៥ ខែមករា ឆ្នាំ២០២២ ក្នុងពេលខាងមុខនេះ៕

អត្ថបទ៖ ឈៀងថារិទ្ធ