ព័ត៌មានជាតិ
ក្រុមតារាល្បីៗរបស់ថៃសន្យាថា នឹងជួយផ្សព្វផ្សាយពីសក្តានុពលទេសចរណ៍នៅក្នុងប្រទេសកម្ពុជា
ក្រុមតារាភាពយន្ត តារាចម្រៀង តារាបង្ហាញម៉ូត បវរកញ្ញា និងតារាបាល់ទាត់ល្បីរបស់ប្រទេសថៃ បានសន្យាថា នឹងជួយផ្សព្វផ្សាយពីសក្តានុពលទេសចរណ៍កម្ពុជាឲ្យបានទូលំទូលាយទៅកាន់ប្រជាជនថៃ ក៏ដូចជាពិភពលោក ដើម្បីរួមចំណែកទាក់ទាញភ្ញៀវទេសចរមកទស្សនាកម្ពុជាកាន់តែច្រើនថែមទៀត។ ការសន្យាទាំងនេះ ត្រូវបានធ្វើទ្បើងក្នុងពេលដែលពួកគេបានជួបដោយផ្ទាល់ជាមួយលោកបណ្ឌិតសុខ សុក្រឹត្យា ទីប្រឹក្សាផ្ទាល់សម្តេចតេជោ ហ៊ុន សែន និងជារដ្ឋលេខាធិការក្រសួងទេសចរណ៍កាលពីពេលថ្មីៗនេះ។
ក្នុងដំណើរបំពេញទស្សនកិច្ចផ្សព្វផ្សាយពីវិសយ័ទេសចរណ៍របស់កម្ពុជានៅក្នុងប្រទេសថៃ លោកបណ្ឌិត សុខ សុក្រឹត្យា បានជួបជាមួយតារាជើងចាស់ល្បីៗរបស់ប្រទេសថៃ រួមមាន អ្នកស្រី Pantipha Sakulchai, កញ្ញា Kwan Usamanee, កញ្ញា Anyarin Terathananpat, តារាចម្រៀង តារាបង្ហាញម៉ូត និងជាបវរកញ្ញាពិភពលោក កញ្ញា Paweensuda Drouin និងកីឡាករបាល់ទាត់ដ៏ល្បីលោក Kawin Thamsatchanan លោក Chanathip Songkrasin កីឡាករជិះសេះ កញ្ញា Sailub Lertratanachai ដែលត្រៀមទៅប្រកួត Asean Game 2023 នៅកម្ពុជា។ ជំនួបនេះ គឺដើម្បីបង្ហាញឲ្យពួកគេបានស្វែងយល់ដឹងអំពីសក្តានុពលនៃវិស័យទេសចរណ៍នៅកម្ពុជា ក៏ដូចជា ស្ថានភាពកូវីដ១៩ និងការបើកប្រទេសទ្បើងវិញលើគ្រប់វិស័យ សំខាន់ការបើកទទួលភ្ញៀវទេសចរវ៉ាក់សាំងប្រកបដោយសុវត្ថិភាព។
បើតាមលោកបណ្ឌិត សុខ សុក្រឹត្យា គឺក្រុមតារាល្បីៗរបស់ប្រទេថៃទាំងនេះ បានបង្ហាញនូវក្តីរំភើប និងកោតសរសើរស្ញប់ស្ញែងអំពីសក្តានុពលនៃវិស័យទេសចរណ៍ដែលមិនចេះរីងស្ងួតនៅប្រទេសកម្ពុជា ហើយពួកគេម្នាក់ៗសុទ្ធតែបានសន្យាចំពោះមុខលោកបណ្ឌិតថា នឹងជួយផ្សព្វផ្សាយនូវសក្តានុពលនៃវិស័យទេសចរណ៍នៅកម្ពុជាឲ្យបានទូលំទូលាយបន្ថែមទៀត។ ចំណែក លោកបណ្ឌិត សុខ សុក្រឹត្យាវិញ បានលើកទ្បើងឲ្យពួកគេបានដឹងអំពីការបើកប្រទេសទទួលភ្ញៀវទេសចរវ៉ាក់សាំងទ្បើងវិញតាំងពីថ្ងៃទី១៥ ខែវិច្ឆិកា ដោយអ្នកចាក់វ៉ាក់សាំងចាប់ពី២ដូសទ្បើងទៅ គឺមិនចាំបាច់ធ្វើចត្តាទ្បីសក័នោះទ្បើយ។ លោកក៏បានប្រាប់ពួកគាត់ឲ្យបានដឹងអំពីការរីកចម្រើនរបស់ប្រទេសកម្ពុជាក្រោមការដឹកនាំប្រកបដោយភាពឈ្លាសវៃ និងគតិបណ្ឌិតរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃកម្ពុជាផងដែរ។
លោកបណ្ឌិត សុខ សុក្រឹត្យា បានអះអាងថា ទោះបីក្នុងអំទ្បុងពេលកូវីដ១៩ក៏ដោយ ក៏រាជរដ្ឋាភិបាលកម្ពុជាបានបញ្ចេញថវិការាប់រយលានដុល្លារ ដើម្បីកសាងហេដ្ឋារចនាសម្ពន្ធ័សំខាន់ៗ ដូចជា ផ្លូវថ្នល់ ព្រលានយន្តហោះ ជាពិសេស គឺហេដ្ឋារចនាសម្ពន្ធ័ក្នុងតំបន់ទេសចរណ៍សំខាន់ៗ មានខេត្តព្រះសីហនុ និងខេត្តសៀមរាបដើម្បីត្រៀមទទួលភ្ញៀវទេសចរទ្បើងវិញ។ រីឯ មកដល់ពេលនេះ កម្ពុជាបានសម្រេចការចាក់វ៉ាក់សាំងជូនប្រជាពលរដ្ឋបានជាង៨១.៩៩% ហើយក៏កំពុងដំណើរការចាក់ដូសជម្រុញថែមទៀត។ ទាំងអស់នេះ គឺជាជោគជយ័របស់កម្ពុជាក្រោមការដឹកនាំរបស់សម្តេចតេជោហ៊ុន សែន ហើយផ្តើមពីនោះមក ក៏បានលើកកម្ពស់កិត្យានុភាពកម្ពុជាឲ្យល្បីល្បាញលើពិភពលោក និងបានជម្រុញឲ្យកម្ពុជា ក្លាយជាគោលដៅទេសចរណ៍ប្រកបដោយសុវត្ថិភាព។
សូមបញ្ជាក់ថា ក្រុមតារាល្បីៗរបស់ថៃដែលសន្យាជួយផ្សព្វផ្សាយពីសក្កានុពលទេសចរណ៍នៅក្នុងប្រទេសកម្ពុជា គឺពួកគេខ្លះធ្លាប់បានមកទស្សនាប្រទេសកម្ពុជា ខណៈខ្លះទៀតមិនទាន់បានមកនៅទ្បើយទេ។ តែទោះយ៉ាងណាក៏ដោយ ក៏ពួកគេបានសន្យាថា នឹងជួយផ្សព្វផ្សាយអំពីវិស័យទេសចរណ៍នៅកម្ពុជាឲ្យបានកាន់តែទូលំទូលាយ ហើយនឹងជម្រុញឲ្យសមាជិកក្លឹបរបស់ពួកគេ មកទស្សនាប្រទេសកម្ពុជាឲ្យបានគ្រប់ៗគ្នាផងដែរ៕
អត្ថបទ ៖ វណ្ណ សុគន្ធា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»