ព័ត៌មានជាតិ
ភរិយាលោក គួច ចំរើន នាំយកអាហារ និងភេសជ្ជៈ ជូនកុមារកំព្រារក្នុងបុរីកុមារកំព្រា ខេត្តព្រះសីហនុ
លោកស្រី អ៊ូ ធីតាពៅ ភរិយាលោក គួច ចំរើន អភិបាល នៃគណៈអភិបាលខេត្តព្រះសីហនុ កាលពីរសៀលថ្ងៃទី ២៣ ខែមករា បានអញ្ជើញជួបសំណេះសំណាល និងនាំយកនូវអាហារ និងភេសជ្ជៈ មានដូចជា៖ ប៊ីហ្គ័រ និងភ្លៅមាន់ ជូនដល់កុមារកំព្រារ នៅក្នុងបុរីកុមារកំព្រារ ខេត្តព្រះសីហនុ។
នៅក្នុងឱកាសនោះ លោកស្រីភរិយា អភិបាលខេត្តព្រះសីហនុ បានមានប្រសាសន៍ថា ថ្ងៃនេះយើងបានជួបជុំគ្នាជាថ្មីម្តងទៀត និងបាននាំយកអាហារ និងភេសជ្ជៈ យកមកផ្ញើក្មួយៗកុមារកំព្រារ ក្មួយៗត្រូវមានសង្ឃឹម ឧស្សាព្យាយាមរៀនសូត្រ ដើម្បីក្រេបយកចំណេះដឹង ចំណេះធ្វើ ដើម្បីប្រែក្លាយជីវិតរបស់យើង ឲ្យមានអនាគតនៅពេលខាងមុខ ព្រោះក្មួយៗត្រូវបាន យកចិត្តទុកដាក់ពីប្រមុខរាជរដ្ឋាភិបាល អាជ្ញាធរខេត្ត ក្រុង ក្នុងការជួយមើលថែទាំ និងការបណ្តុះបណ្តាលឲ្យក្មួយៗ បានសិក្សារៀនសូត្រ ដូចកុមារដទៃ។ ទន្ទឹមនោះក្មួយៗ ត្រូវស្តាប់តាមការណែនាំរបស់លោកគ្រូ អ្នកគ្រូឲ្យក្លាយខ្លួនជាកូនល្អ សិស្សល្អ រស់នៅប្រកបដោយសុខភាព អនាគតកាន់តែប្រសើរបន្ថែមទៀត។
លោកស្រី ក៏បានអប់រំទូន្មាន និងណែនាំកុមារ ឲ្យចេះធ្វើសមាធិ ព្រោះការធ្វើសមាធិ បង្កើនផ្លូវចិត្ត និងផ្លូវកាយ ព្រោះវានៅជាមួយគ្នា ហើយការកំណត់ដង្ហើម គឺជាការកំណត់ចិត្តរបស់យើង ឲ្យបានស្ងប់សម្រួលចិត្ត សម្រួលដង្ហើមឆ្ពោះទៅកាន់គោលដៅ ដែលកូនៗត្រូវបំពេញប្រកប ដោយផ្លូវធម៌ ព្រមទាំងបានផ្តល់ដំបូន្មានល្អៗ ជាច្រើនដល់កូន ដើម្បីអនាគតរុង រឿងផងដែរ។
ក្នុងឱកាសនោះ លោកស្រីក៏បាន ណែនាំឲ្យអ្នកគ្រូជួយបណ្តុះបណ្តាលអប់រំ អំពីតម្លៃសីលធម៌ សុជីវធម៌ និងការចេះគោរពចាស់ទុំ ការអប់រំចិត្ត ត្រូវស្គាល់ ពីតម្លៃខ្លួនឯងជាមុនសិន ព្រោះការរៀនស្គាល់ខ្លួនឯង គឺជាការឲ្យតម្លៃខ្លួនឯង ប្រកបដោយកាយវាចាចិត្ត និងបើកចិត្ត ឲ្យបានទូលាយប្រើភាពបរិសុទ្ធ ស្គាល់ហេតុ ស្គាល់ផលព្យាយាមធ្វើអំពើល្អ ឲ្យក្លាយខ្លួនជាកូនល្អ សិស្សល្អ ពលរដ្ឋល្អ ពិសេសត្រូវចេះឲ្យតម្លៃខ្លួនឯង៕
អត្ថបទ៖ ស៊ុយ ចាន់ធា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore