ព័ត៌មានជាតិ

ក្មេងៗក្នុងមណ្ឌលកុមារកំព្រា៧៤នាក់ទទួលអំណោយពីសមាគមសិស្សនិស្សិតបញ្ញវន្តក្មេងវត្តខេត្តតាកែវ

បានផុស

៣ years មុន

នៅ

ថ្ងៃចន្ទ ១៧ មករា ២០២២

ដោយ

ក្រុមការងារសមាគមសិស្សនិស្សិតបញ្ញវន្តក្មេងវត្តសាខាខេត្តតាកែវ ដឹកនាំដោយលោក លី សាវេត អភិបាលរងខេត្តតាកែវ និងជាប្រធានសមាគម នៅព្រឹកថ្ងៃទី១៧ ខែមករា ឆ្នាំ២០២២ នេះ បានយកអំណោយដ៏ថ្លៃថ្លារបស់លោក ហ៊ុន ម៉ានិត និងលោកស្រី ដែលចូលរួមពីសមាជិកសមាគមទៅប្រគល់ជូនក្មេងៗកុមារកំព្រានៅមណ្ឌលកុមារកំព្រាខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ដែលលោកប្រធានមណ្ឌលបង្ហាញឲ្យដឹងថា បច្ចុប្បន្នកុមារក្នុងមណ្ឌលទាំងអស់មានចំនួន៧៤នាក់ ស្រី៣៤នាក់។ កុមារស្នាក់នៅក្នុងមណ្ឌលមាន៥៦នាក់ ស្រី២៤នាក់។ កុមារសុំទៅបន្តការសិក្សាស្នាក់នៅខាងក្រៅមណ្ឌលមាន១៨នាក់ ស្រី១០។

លោកប្រធានមណ្ឌលបានបញ្ជាក់ថា ក្មេងៗមណ្ឌលកុមារកំព្រាខេត្តតាកែវមានការសិក្សាចាប់ពីថ្នាក់បឋមសិក្សា រហូតដល់ឧត្តមសិក្សា និងជំនាញវិជ្ជាជីវៈផងដែរ។

ថ្លែងក្នុងឳកាសនោះដែរ លោក លី សាវេត ប្រធានសមាគមសិស្សនិស្សិតបញ្ញវន្តក្មេងវត្តមានប្រសាសន៍ថា មណ្ឌលកុមារកំព្រានេះហើយ ជាឪពុកម្តាយទី២របស់ក្មួយៗ ហើយសូមឲ្យក្មួយៗខិតខំប្រឹងប្រែងរៀនសូត្រទើបធ្វើឲ្យជីវិតសម្រាប់អនាគតមានពន្លឺរុងរឿង។ និងសូមកុំឲ្យពួកគាត់ដែលកំព្រារស់នៅក្នុងមណ្ឌលនេះមានការអន់ចិត្តថាខ្លួនគ្មានឪពុកម្តាយនឹងគេឲ្យសោះ គឺត្រូវគិតថា ខ្លួនបានចាប់យកសំណាងថ្មីមួយទៀតបន្ទាប់ពីឳពុកម្តាយបង្កើត។

សូមបញ្ជាក់ថា អំណោយរបស់ក្រុមការងារសមាគមសិស្សនិស្សិតបញ្ញវន្តក្មេងវត្តខេត្តតាកែវយកទៅប្រគាល់ក្មេងៗនោះមាន កាតាបសិក្សារួមជាមួយសម្ភារៈសិក្សាមួយចំនួន សំលៀកបំពាក់ និងថវិកាមួយចំនួនផងដែរ៕

អត្ថបទ៖ វីរៈ