ព័ត៌មានជាតិ
ទេសរដ្ឋមន្ត្រី លី ធុជ ៖ ការខិតខំប្រឹងប្រែង និងការព្យាយាមជាប្រចាំ គឺជាគន្លឹះឈានឆ្ពោះទៅរកភាពជោគជ័យក្នុងជីវិត
លោកទេសរដ្ឋមន្ត្រី លី ធុជ បានណែនាំដល់សិស្សានុសិស្សថា “ការខិតខំប្រឹងប្រែង និងការព្យាយាមជាប្រចាំ គឺជាគន្លឹះឈានឆ្ពោះទៅរកភាពជោគជ័យក្នុងជីវិត”។ នេះជាការលើកឡើងរបស់ លោកទេសរដ្ឋមន្ត្រី លី ធុជ ប្រធានក្រុមការងាររាជរដ្ឋាភិបាលចុះមូលដ្ឋានក្រុងបាវិត នារសៀលថ្ងៃទី១២ ខែកុម្ភៈ ឆ្នាំ២០២២ ក្នុងនាមលោកស្រី កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ក្នុងពិធីសំណេះសំណាលជាមួយសិស្សានុសិស្សអនុវិទ្យាល័យបាទី និងអនុវិទ្យាល័យប្រាសាទ ក្រុងបាវិត សរុបចំនួន ១៩៦នាក់ ដែលពិធីនេះក៏មានការចូលរួមពីក្រុមការងារសង្កាត់បាទី និងសង្កាត់ប្រាសាទ មន្ត្រីរដ្ឋបាលក្រុងបាវិត លោកគ្រូ-អ្នកគ្រូ និងមេភូមិទាំង៧។
ក្នុងឱកាសនោះ លោកទេសរដ្ឋមន្ត្រី បានថ្លែងអំណរគុណយ៉ាងជ្រាលជ្រៅដល់លោកគ្រូ-អ្នកគ្រូ និងបានកើតសរសើរចំពោះលោកគ្រូ-អ្នកគ្រូ ដែលបានចំណាយពេលវេលាដ៏មានតម្លៃឈរជាសសរទ្រូងយ៉ាងរឹងមាំ និងជាឆ្អឹងខ្នងមួយយ៉ាងសំខាន់ក្នុងការចូលរួមបណ្តុះបណ្តាល និងអប់រំដល់សិស្សានុសិស្សដោយមិនខ្លាចនឿយហត់។
ជាមួយគ្នានេះ លោកទេសរដ្ឋមន្ត្រី បានណែនាំឲ្យសិស្សានុសិស្សទាំងអស់ ត្រូវបន្តយកចិត្តទុកដាក់ ខិតខំប្រឹងប្រែងរៀនសូត្រ និងព្យាយាមជាប្រចាំ ដើម្បីឈានឆ្ពោះទៅដល់គោលដៅដែលប្រាថ្នា និងទទួលភាពជោគជ័យក្នុងជីវិត។
លោកបានបញ្ជាក់បន្ថែមទៀតថា “ក្នុងនាមយើងជាសិស្ស ត្រូវមានគោលដៅច្បាស់លាស់ ហើយធ្វើការងារអ្វីមួយត្រូវធ្វើឡើងឲ្យអស់ពីចិត្ត និងមិនត្រូវធ្វើឲ្យរួចផុតតែពីដៃឡើយ។ រយៈពេលក្នុងមួយថ្ងៃគឺខ្លីណាស់ ប៉ុន្តែវាបានផ្តល់នូវសារៈសំខាន់សម្រាប់យើង នៅពេលណាដែលយើងប្រើប្រាស់វាក្នុងការសិក្សារៀនសូត្រ។”
ក្នុងពិធីសំណេះសំណាលនេះ លោកទេសរដ្ឋមន្ត្រី បានប្រគល់ជូននូវកាបូប សម្ភារៈសិក្សា និងថវិកាជូនដល់សិស្សានុសិស្សទាំង ១៩៦នាក់ ដោយក្នុងមួយនាក់ទទួលបានកាបូប សៀវភៅ ប៊ិច ខ្មៅដៃ បន្ទាត់ ប្រអប់ដាក់សម្ភារៈសិក្សា និងថវិកា១ម៉ឺនរៀល ដែលមានចូលរួមឧបត្ថម្ភពី លោក សាឡា អ៊ីសា៕
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ