ព័ត៌មានជាតិ
ក្រសួងការបរទេសបំភ្លឺការផ្សាយរបស់ NK News ដែលថា មានចារកម្មកូរ៉េខាងជើងបានបើករបបរកស៊ីនៅកម្ពុជា
អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជានៅថ្ងៃទី២២ ខែកុម្ភៈ ឆ្នាំ២០២២ នេះ បានធ្វើសេចក្តីបំភ្លឺមួយទាក់ទងការផ្សាយរបស់គេហទំព័រ NK News ដែលមានចំណងជើងថា “ចារកម្មកូរ៉េខាងជើងបានបើកដំណើរការសណ្ឋាគារ កាស៊ីណូ និងភ្នាក់ងារទេសចរណ៍នៅកម្ពុជា” ចេញផ្សាយកាលពីថ្ងៃទី១៥ ខែកុម្ភៈ ឆ្នាំ២០២២។
សេចក្តីបំភ្លឺរបស់អ្នកនាំពាក្យក្រសួងការបរទេសមានខ្លឹមសារទាំងស្រុងថា “សូមអរគុណចំពោះអ៊ីម៉ែលរបស់ឯកឧត្តម។ ខ្ញុំបានអានកំណត់ទូតរបស់ស្ថានបេសកកម្មរបស់ឯកឧត្តម និងអត្ថបទរបស់គេហទំព័រ NK News ពាក់ព័ន្ធនឹងករណីលោក គឹម ចុលសុក ដែលចេញផ្សាយកាលពីថ្ងៃទី១៥ ខែកុម្ភៈ យ៉ាងល្អិតល្អន់។ ខ្ញុំមានការខកចិត្តយ៉ាងខ្លាំងដូចលោកដែរ ចំពោះការបែកធ្លាយនូវរបាយការណ៍របស់គណៈកម្មការ (Panel) ដែលនឹងត្រូវបញ្ចប់នៅពេលខាងមុខ ទៅកាន់ក្រុមអ្នកសារព័ត៌មាន ដោយគ្មានការអនុញ្ញាត”។
“របាយការណ៍នៅតែត្រូវបានរក្សាជាការសម្ងាត់។ វានៅជាសេចក្ដីព្រាងនៅឡើយ ដែលបច្ចុប្បន្នស្ថិតនៅក្រោមការត្រួតពិនិត្យដោយរដ្ឋសមាជិក នៃគណៈកម្មាធិការ១៧១៨ មុនពេលដាក់ស្នើជាផ្លូវការទៅកាន់ក្រុមប្រឹក្សាសន្តិសុខនៅចុងសប្តាហ៍ក្រោយ។ ខ្ញុំសូមគូសបញ្ជាក់ជូនថា មិនមាននរណាម្នាក់នៅក្នុងគណៈកម្មការ បាននិយាយជាមួយក្រុមអ្នកសារព័ត៌មាន អំពីខ្លឹមសារនៃរបាយការណ៍ចុងក្រោយរបស់យើងនោះទេ ហើយយើងក៏មិនបានចែករំលែកផ្នែកណាមួយ នៃរបាយការណ៍នេះជាមួយក្រុមអ្នកសារព័ត៌មានដែរ” ។ អ្នកនាំពាក្យបន្ថែម។
បើតាមអ្នកនាំពាក្យក្រសួងការបរទេស “យើងមិនអាចផ្សព្វផ្សាយជាសាធារណៈនូវផ្នែកណាមួយនៃសេចក្ដីព្រាងរបាយការណ៍របស់យើងបានទេ រហូតដល់វាត្រូវបានអនុម័តដោយក្រុមប្រឹក្សាសន្តិសុខអង្គការសហប្រជាជាតិ។ ទោះបីជាយ៉ាងណាក៏ដោយ ខ្ញុំសូមធានាជូនឯកឧត្តមថា ខ្លឹមសារនៃរបាយការណ៍នេះឆ្លុះបញ្ចាំងយ៉ាងច្បាស់លាស់ នូវអ្វីដែលអាជ្ញាធរកម្ពុជាបានប្រាប់ទៅគណៈកម្មការ អំពីលោក គឹម ចុលសុក និងសកម្មភាពរបស់គាត់ ក៏ដូចជាការស៊ើបអង្កេត និងវិធានការនានាដែលកម្ពុជាបានអនុវត្ត ក្នុងន័យច្បាស់លាស់ និងត្រឹមត្រូវ។ ខ្ញុំសោកស្ដាយដែលខ្ញុំមិនអាចធ្វើអត្ថាធិប្បាយ លើការអះអាងណាមួយផ្សេងទៀត ដែលលើកឡើងនៅក្នុងរបាយការណ៍របស់ NK News ឬក៏លើសច្ចៈភាពនៃអ្នកដែលបានរួមចំណែកលើរបាយការណ៍នោះទេ។ ខ្ញុំអាចយល់យ៉ាងច្បាស់ថា ហេតុអ្វីបានជាអាជ្ញាធរកម្ពុជាមានការព្រួយបារម្ភចំពោះការប្រើពាក្យពេចន៍មួយចំនួននៅក្នុងអត្ថបទនេះ។ សូមធានាអះអាងថា គណៈកម្មការបានវាយតម្លៃខ្ពស់ចំពោះកិច្ចសហប្រតិបត្តិការរបស់ខ្លួនជាមួយអាជ្ញាធរកម្ពុជាលើករណីនេះ ហើយនឹងមិនធ្វើអ្វីដែលបង្កគ្រោះថ្នាក់ដល់កិច្ចសហប្រតិបត្តិការបែបនេះ នៅពេលអនាគត ដោយបង្កើតការអះអាង ដែលគ្មានមូលដ្ឋានច្បាស់លាស់ នៅក្នុងរបាយការណ៍របស់ខ្លួននោះទេ”៕
ដោយ ៖ កោះកែវ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»