ព័ត៌មានជាតិ
មន្ត្រីជាន់ខ្ពស់សុខាភិបាល ស្នើប្រជាពលរដ្ឋកុំមើលស្រាល អូមីក្រុង ថាជាជំងឺផ្ដាសាយធម្មតា
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ស្នើប្រជាពលរដ្ឋកុំមើលស្រាលជំងឺកូវីដ១៩ ប្រភេទ អូមីក្រុង ថាជាជំងឺផ្ដាសាយធម្មតា។
តាមរយៈសារសំឡេង នៅថ្ងៃទី២៣ ខែកុម្ភៈ ឆ្នាំ២០២២នេះ លោកស្រីវេជ្ជបណ្ឌិត ឱ វណ្ណឌីន មានប្រសាសន៍ថា សូមបងប្អូនកុំមើលស្រាលលទ្ធភាពវាយលុករបស់មេរោគប្រភេទអូមីក្រុង ដែលអូមីក្រុង មិនមែនជាប្រភេទជំងឺផ្ដាសាយធម្មតាដែរ ដែលវាអាចបង្កគ្រោះថ្នាក់ដល់យើងគ្រប់ពេលវេលា ប្រសិនបើធ្វេសប្រហែស។
លោកស្រីវេជ្ជបណ្ឌិត មានប្រសាសន៍បន្តថា៖ “អ្នកដែលគ្មានរោគសញ្ញា អាចវិវត្តទៅជាមានរោគសញ្ញា ឯអ្នកមានរោគសញ្ញាស្រាល អាចវិវត្តទៅមានរោគសញ្ញាមធ្យម ឬរោគសញ្ញាធ្ងន់ធ្ងរបានគ្រប់ពេល ប្រសិនបើបុគ្គលមានវិជ្ជមាន អូមីក្រុង មិនបានតាមដាន និងថែទាំ ព្យាបាលត្រឹមត្រូវ”។
រដ្ឋលេខាក្រសួងសុខាភិបាលរូបនេះ សូមស្នើប្រជាពលរដ្ឋចូលរួមកាត់បន្ថយ និងចៀសវាងការដើរ និងជួបជុំគ្នាក្រៅផ្ទះច្រើនពេក ប្រសិនមិនចាំបាច់ កុំទៅកន្លែងមានមនុស្សម្នាច្រើន ឬកន្លែងដែលបិទជិតគ្មានខ្យល់ចេញចូល ប្រើតែម៉ាស៊ីនត្រជាក់។ សូមបន្តអនុវត្តវិធានការ ៣ការពារ ៣កុំ ឱ្យបានខ្ជាប់ខ្ជួន និងនាំគ្នាទៅចាក់វ៉ាក់សាំងកូវីដ១៩ ឱ្យបានគ្រប់គ្នា ទាំងដូសមូលដ្ឋាន និងដូសជំរុញ។ ស្ថានភាពពេលនេះ ត្រូវរួមគ្នាកាត់បន្ថយល្បឿននៃការឆ្លងជំងឺកូវីដ១៩ ជាអតិប្បរមា។
លោកស្រីវេជ្ជបណ្ឌិត ឱ វណ្ណឌីន បន្តសូមស្នើបុគ្គលដែលការពារបានល្អហើយ មិនត្រូធ្វេសប្រហែស ត្រូវបន្តប្រុងប្រយ័ត្ន ដើម្បីបញ្ចៀសការឆ្លងមេរោគបន្តទៀត។ រីឯអ្នកដែលឆ្លងរួចទៅហើយ ត្រូវចូលរួមការពារកុំឱ្យមានការចម្លងបន្តក្នុងគ្រួសារ និងសង្គម តាមវិធានការខាងលើ។
គួរបញ្ជាក់ថា គិតត្រឹមថ្ងៃទី២២ ខែកុម្ភៈ នេះ កម្ពុជា បានរកឃើញ ករណីអូមីក្រុងក្នុងសហគមន៍សរុបចំនួន ៦ ៩៣២ ករណី ខណៈករណីអូមីក្រុងនាំចូលពីក្រៅប្រទេស មានចំនួន ២០ ៦១៧ ករណី ក្នុងចំណោមករណីឆ្លងកូវីដសរុប មានចំនួន ១២៨ ១៣៣ ករណី ទន្ទឹមពេល អ្នកជាសះស្បើយសរុប មានចំនួន ១២១ ៥៥៣ ករណី និងស្លាប់សរុប មានចំនួន ៣ ០២៣ ករណី៕
អត្ថបទ៖ ច័ន្ទ វីរៈ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore