ព័ត៌មានជាតិ
សម្ដេចក្រឡាហោម ជំរុញឲ្យអាជ្ញាធររាជធានីពង្រឹងសមត្ថភាពជំនាញ បង្ក្រាបគ្រឿងញៀន និងចាត់វិធានការ
ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានជំរុញឲ្យអាជ្ញាធររាជធានីភ្នំពេញ ត្រូវពង្រឹងសមត្ថភាពជំនាញក្នុងការស្រាវជ្រាវ និងបង្ក្រាប គ្រឿងញៀនខុសច្បាប់ និង ត្រូវបន្តពង្រឹង និងចាត់វិធានការអនុវត្តឲ្យកាន់តែមាន ប្រសិទ្ធភាពថែមទៀត ដើម្បីកាត់បន្ថយគ្រោះថ្នាក់ចរាចរណ៍ សំដៅការពារអាយុជីវិត ទ្រព្យសម្បត្តិ របស់ប្រជាពលរដ្ឋ និងធនធានរបស់សង្គម។
ការជំរុញបែបនេះ របស់សម្ដេចក្រឡាហោម ស ខេង បានធ្វើឡើង នៅក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២របស់រដ្ឋបាលរាជធានីភ្នំពេញនៅសាលារាជធានីភ្នំពេញ នាព្រឹកថ្ងៃទី០៣ ខែ មិនាឆ្នាំ២០២២ នេះ។
សម្ដេចក្រឡាហោម ស ខេង បានមានប្រសាសន៍ថា នៅឆ្នាំ២០២១កន្លងមកនេះ កងកម្លាំងមានសមត្ថកិច្ចបានស្រាវជ្រាវរកឃើញ ទីតាំងធំៗមួយចំនួនដែលឧក្រិដ្ឋជនគ្រឿងញៀនបានប្រើប្រាស់សារធាតុគីមីនាំចូលដើម្បី លួចលាក់កែច្នៃផលិត និងចរាចរ ជួញដូរគ្រឿងញៀនដោយខុសច្បាប់ ដែលបានជះឥទ្ធិពល ជាអវិជ្ជមានមកលើកម្ពុជាយើង។ ផ្អែកលើស្ថានភាពនេះ រដ្ឋបាលរាជធានីភ្នំពេញត្រូវបង្កើន ការយកចិត្តទុកដាក់អនុវត្តនូវកិច្ចការសំខាន់ៗមួយចំនួន ដូចជា៖
កងកម្លាំងមានសមត្ថកិច្ចត្រូវពង្រឹងសមត្ថភាពជំនាញក្នុងការស្រាវជ្រាវ និងបង្ក្រាប – គ្រឿងញៀនខុសច្បាប់ម្យស្របតាមការវិវត្តន៍ប្រែប្រួល និងកាន់តែស្មុគស្មាញនៃបច្ចេកវិទ្យាផលិត និងសកម្មភាពការជួញដូរ ប្រើប្រាស់គ្រឿងញៀនខុសច្បាប់ក្នុងភូមិសាស្ត្ររាជធានីភ្នំពេញ និង ក្នុងសង្គមជាតិទាំងមូល ។ បង្កើនការគ្រប់គ្រងមុខសញ្ញាជួញដូរ និងមុខសញ្ញាប្រើប្រាស់គ្រឿងញៀនខុសច្បាប់ សំដៅគ្រប់គ្រង និងកាត់ផ្តាច់ចរន្តនៃការជួញដូរ ប្រើប្រាស់គ្រឿងញៀនខុសច្បាប់ ជាពិសេស គ្រប់អាជ្ញាធរ កងកម្លាំងមានសមត្ថកិច្ច និងមន្ត្រីគ្រប់ជាន់ថ្នាក់ត្រូវជៀសឲ្យឆ្ងាយពីគ្រឿងញៀន ខុសច្បាប់។
បង្កើនការអប់រំប្រជាពលរដ្ឋគ្រប់ៗរូបឲ្យយល់ដឹង និងលើកកម្ពស់ការទទួលខុស, ត្រូវក្នុងការបង្ការ ទប់ស្កាត់ និងជៀសឲ្យឆ្ងាយពីគ្រឿងញៀនខុសច្បាប់ ទាំងបុគ្គលម្នាក់ៗ ទាំង ក្នុងក្រុមគ្រួសារនីមួយៗ និងនៅតាមសហគមន៍នានាក្នុងមូលដ្ឋាន ព្រមទាំងចូលរួមឲ្យបាន កាន់តែសកម្មជាមួយអាជ្ញាធរ កងកម្លាំងមានសមត្ថកិច្ចក្នុងការប្រយុទ្ធប្រឆាំងនឹងគ្រឿងញៀន ខុសច្បាប់ឲ្យបានជាប់ជាប្រចាំ។ ត្រូវបន្តពង្រឹង និងលើកកម្ពស់កិច្ចសហការជាមួយក្រសួង ស្ថាប័នមានសមត្ថកិច្ច នានាដើម្បីគ្រប់គ្រងការស្តុកទុក ការចែកចាយ និងការប្រើប្រាស់សារធាតុគីមីដែលបាននាំចូល ដើម្បីកុំឲ្យសារធាតុគីមីទាំងនោះធ្លាក់ក្នុងដៃឧក្រិដ្ឋជនគ្រឿងញៀនយកទៅកែច្នៃផលិត និង ចែកចាយ ប្រើប្រាស់គ្រឿងញៀនខុសច្បាប់នៅក្នុងប្រទេសជាតិយើង។
សម្តេចស ខេង បន្តថា ក្នុងអំឡុងពេលបិទខ្ទប់ភូមិសាស្ត្រមួយចំនួន និងការផ្អាកការធ្វើដំណើរដើម្បីទប់ស្កាត់ ការឆ្លងរាលដាលនៃជំងឺកូវីដ-១៩ យើងកត់សម្គាល់ឃើញថា គ្រោះថ្នាក់ចរាចរណ៍មានការ ថយចុះគួរឲ្យកត់សម្គាល់។ ប៉ុន្តែចាប់ពីការបើកឲ្យដំណើរការសេដ្ឋកិច្ចសង្គមទូទាំងប្រទេស ឡើងវិញ ករណីគ្រោះថ្នាក់ចរាចរណ៍មានការកើនឡើង បណ្តាលឲ្យមានមនុស្សស្លាប់ និងរង របួសជារៀងរាល់ថ្ងៃ។ ដោយឡែក សម្រាប់រាជធានីភ្នំពេញ នៅក្នុងខែមករា ឆ្នាំ២០២២នេះ គ្រោះថ្នាក់ចរាចរណ៍បានកើតឡើងចំនួន ៩១លើក មានការកើនឡើងចំនួន ១០លើក (ស្មើ នឹង១២%) បើប្រៀបធៀបជាមួយខែមករា ឆ្នាំ២០២១កន្លងទៅ និងបានបណ្តាលឲ្យមាន អ្នកស្លាប់ចំនួន១៩នាក់ ថយចុះចំនួន១១នាក់ (ស្មើនឹង៣៧%) ចំណែកអ្នករងរបួសមាន ចំនួន ១៤៣នាក់ កើនឡើងចំនួន៣៧នាក់ (ស្មើនឹង៣៥%)។ ហេតុនេះ អាជ្ញាធរ និងកង កម្លាំងមានសមត្ថកិច្ចគ្រប់លំដាប់ថ្នាក់ ត្រូវបន្តពង្រឹង និងចាត់វិធានការអនុវត្តឲ្យកាន់តែមាន ប្រសិទ្ធភាពថែមទៀតដើម្បីកាត់បន្ថយគ្រោះថ្នាក់ចរាចរណ៍ សំដៅការពារអាយុជីវិត ទ្រព្យសម្បត្តិ របស់ប្រជាពលរដ្ឋ និងធនធានរបស់សង្គម ដោយត្រូវពង្រឹងឡើងវិញនូវការអនុវត្តច្បាប់ និងលិខិតបទដ្ឋានគតិយុត្តនានាស្តីពី ចរាចរណ៍ផ្លូវគោកឲ្យបានម៉ឺងម៉ាត់ និងជាប់ជាប្រចាំ ពិសេសត្រូវចាត់វិធានការច្បាប់ឲ្យបាន តឹងរ៉ឹងបំផុតចំពោះអ្នកដែលបំពានច្បាប់។
ត្រូវខិតខំបង្កើនការផ្សព្វផ្សាយអប់រំច្បាប់ស្តីពីចរាចរណ៍ផ្លូវគោកនៅតាមគ្រឹះស្ថាន អប់រំសាធារណៈ និងឯកជន និងនៅតាមវេទិកានានាដែលរដ្ឋបាលរាជធានីភ្នំពេញបានរៀបចំ។ គណៈបញ្ជាការឯកភាពរដ្ឋបាលគ្រប់ថ្នាក់ ត្រូវសហការបង្កើនការរៀបចំសណ្តាប់ធ្នាប់ របៀបរៀបរយសាធារណៈ ដូចជាការចតយានយន្ត ការលក់ដូរ ការរៀបចំពិធីនានាតាម ដងផ្លូវសាធារណៈ និងតាមចិញ្ចើមផ្លូវសាធារណៈតាមទីក្រុង និងទីប្រជុំជននានា ដើម្បីសម្រួល ដល់ការធ្វើចរាចរណ៍ សំដៅបង្ការទប់ស្កាត់ និងកាត់បន្ថយគ្រោះថ្នាក់ចរាចរណ៍។ ត្រូវយកចិត្តទុកដាក់ពិនិត្យ និងរៀបចំឡើងវិញនូវផ្ទាំងប៉ាណូផ្សព្វផ្សាយពាណិជ្ជកម្ម ឲ្យមានសណ្តាប់ធ្នាប់របៀបរៀបរយ និងមានសោភ័ណភាព ដោយត្រូវផ្ដល់អាទិភាពដល់ការលើកផ្លាកសញ្ញាចរាចរណ៍នៅតាមចិញ្ចើមផ្លូវសាធារណៈ សំដៅចូលរួមការលើកកម្ពស់ការគោរព ច្បាប់ស្តីពីចរាចរណ៍ផ្លូវគោក៕
ដោយ ៖ ស្រីរ័ត្ន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ