ព័ត៌មានជាតិ

ពលកររាប់រយនាក់ នាំគ្នាសម្រុកចូលស្រុកខ្មែរ តាមច្រករបៀងដើម្បីចូលរួមបុណ្យចូលឆ្នាំថ្មីខាងមុខ

បានផុស

៤ years មុន

នៅ

ថ្ងៃចន្ទ ២១ មីនា ២០២២

ដោយ

បន្ទាយមានជ័យ ៖ ក្នុងភូមិសាស្ត្រប៉ុស្តិ៍សង្កែ ក្នុងចំណុចកំពង់បងសល់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ក្នុង១ថ្ងៃៗមានពលករ រាប់រយនាក់ មានប្រុស ស្រី ក្មេង នាំគ្នាសម្រុកចេញពីស្រុកថៃចូលមកស្រុកខ្មែរ តាមច្រករបៀងនេះ ដើម្បីមកចូលរួមបុណ្យចូលឆ្នាំខ្មែរខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សួង សៅ មេបញ្ជាការ វរៈសេនាតូចនគរបាលការពារព្រំដែនគោកលេខ៨១៥បានប្រាប់អ្នកយកព័ត៌មាន នៅព្រឹក ថ្ងៃទី ២១ ខែ មីនា ឆ្នាំ ២០២២នេះថា ដោយមានការចង្អុលបង្ហាញពីលោកឧត្តមសេនីយ៍ទោ សិទ្ធិ ឡោះ ស្នងការ នគរបាល ខេត្តបន្ទាយមានជ័យ លោកបានឲ្យចុះ សហការជាមួយ កម្លាំងប៉ុស្តិ៍ស្ពានម៉ាឡៃ កម្លាំងយោធាត្រួតពិនិត្យពលកររាប់រយនាក់ មានប្រុស ស្រី ក្មេង នាំគ្នាសម្រុកចេញពីស្រុកថៃចូលមកស្រុកខ្មែរ តាមច្រករបៀងដើម្បីមកចូលរួមបុណ្យចូលឆ្នាំខ្មែរខាងមុខសមត្ថកិច្ចបានធ្វើការឃាត់ខ្លួនបានពលករបានចំនួន ១៩៧នាក់ ស្រី៩៥នាក់ កុមារ៣នាក់ វិលត្រឡប់ ពីប្រទេសថៃ តាមភូមិសាស្ត្រ ប៉ុស្តិ៍ចំបក់នេះ។

លោកវរសេនីយ៍ឯក សួង សៅ បានបញ្ជាក់ឲ្យដឹងបន្តទៀតថាពលករទាំង១៩៧នាក់មកពីខេត្តចំនួន ១០ ទី១.បន្ទាយមានជ័យ៣៤នាក់ ទី២.បាត់ដំបង ២១នាក់ ទី៣.សៀមរាប ៩១នាក់ ទី៤.ប៉ៃលិន ១នាក់ ទី៥.ព្រៃវែង ២នាក់ ទី៦.ត្បូងឃ្មុំ ១១នាក់ ទី៧.កណ្ដាល ២នាក់ ទី៨.ឧត្ដមានជ័យ ០៤នាក់ ទី៩.តាកែវ ១នាក់ ទី១០.កំពង់ធំ ៣០នាក់។

លោកវរសេនីយ៍ឯក សួង សៅ បានបញ្ជាក់ឲ្យដឹងបន្តទៀតថា ពលករទាំង១៩៧នាក់បានប្រគល់ទៅឲ្យក្រុមគ្រូពេទ្យមន្ទីរពេទ្យបង្អែកម៉ាឡៃសន្តិភាពពិនិត្យ និងធ្វើតេស្តរកមេរោគកូវីដ-១៩ ក្រោយពីធ្វើតេស្តរហ័សរួចទាំង១៩៧នាក់នេះអវិជ្ជមានទាំងអស់។

ក្នុងនោះបានធ្វើការណែនាំដល់ពលករទាំង១៩៧នាក់នោះស្ដីពីការឆ្លងរាលដាលរបស់ Virus Covid-19 រួចធ្វើកិច្ចសន្យាកុំឱ្យវិលទៅប្រទេសថៃទៅរកការងារធ្វើដោយខុសច្បាប់បន្តទៀតនិងឲ្យវិញត្រឡប់ទៅភូមិកំណើតវិញរៀងខ្លួន។

កម្លាំងប៉ុស្ដិ៍ចំបក់ នាយប៉ុស្តិ៍នគរបាលការពារព្រំដែនគោកបុស្តិ៍ចំបក់នៃវរសេនាតូចលេខ៨១៥ បានសហការជាមួយកម្លាំង ផ្នែកសឹក រង ស្រុក ម៉ាឡៃ និងកម្លាំងប៉ុស្ដិ៍រដ្ឋបាលឃុំបឹងបេងធ្វើការត្រួតពិនិត្យ ប្រជាពលរដ្ឋថៃ រថយន្តថៃដឹកដែលបានទំនិញឆ្លងកាត់ចេញចូលនៅច្រកទ្វារតំបន់ម៉ាឡៃដើម្បីវិធីបង្កាការពារ ការរាលដាលនៃជំងឺ Covid-19 នៅច្រកទ្វារតំបន់ម៉ាឡៃ ស្រុកម៉ាឡៃ ផងដែរ៕

ដោយ ៖ វ៉ាន់ ណាង