ព័ត៌មានជាតិ
មន្ត្រីធនធានទឹក អំពាវនាវឱ្យប្រជាពលរដ្ឋប្រុងប្រយ័ត្នបាតុភូតផ្គរ រន្ទះ និងខ្យល់កន្ត្រាក់
មន្ត្រីជាន់ខ្ពស់ក្រសួងធនធានទឹក និងឧតុនិយម នៅថ្ងៃទី ២៣ ខែមីនា ឆ្នាំ ២០២២ នេះ បានថ្លែងអំពាវនាវដល់ប្រជាពលរដ្ឋឱ្យបង្កើនការប្រុងប្រយ័ត្នចំពោះបាតុភូត ផ្គរ រន្ទះ និងខ្យល់កន្ត្រាក់ ក្នុងពេលដែលកម្ពុជាបន្តធ្លាក់ភ្លៀងរហូតដល់ដំណាច់ខែនេះ។
លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងឧតុនិយម បានថ្លែងប្រាប់ឱ្យដឹងថា ស្ថានភាពភ្លៀងធ្លាក់នារយៈពេលប៉ុន្មានថ្ងៃនេះ គឺដោយសារតែកម្ពុជាទទួលឥទ្ធិពលមួយចំនួន ពីសមុទ្រចិនខាងត្បូង និងមហាសមុទ្រឥណ្ឌា គួបផ្សំជាមួយបាតុភូតមួយចំនួនដែលកើតឡើងនៅក្រុងស្រុក ដូច្នេះភ្លៀងនឹងនៅតែបន្តធ្លាក់រ៉ាយប៉ាយថែមទៀតនៅថ្ងៃនេះ។
លោក ចាន់ យុត្ថាឱ្យដឹងថា ចាប់ពីថ្ងៃទី ២៥ ដល់ ២៦ ស្ថានភាពធូរស្រាលបន្ដិច ប៉ុន្តែដល់ថ្ងៃទី ២៧ទៅ របាយទឹកភ្លៀងនឹងចាប់ផ្ដើមកើនឡើងវិញ ហើយអ្វីដែលត្រូវយកចិត្តទុកដាក់នោះគឺបាតុភូតផ្គររន្ទះ និងខ្យល់កន្ត្រាក់ សូមបងប្អូនបង្កើនការយកចិត្តទុកដាក់ចំពោះបញ្ហានេះ។
ក្រសួងធនធានទឹក និងឧតុនិយមបានប្រកាសថា កម្ពុជានឹងមានភ្លៀងធ្លាក់ពីតិចទៅច្រើនចាប់ពីថ្ងៃទី ២៣ ដល់ថ្ងៃទី ២៩ ដំណាច់ខែមីនា ដោយសារឥទ្ធិពលជ្រលងសម្ពាធទាបឥណ្ឌា និងខ្យល់បក់មកពីទិសអាគ្នេយ៍ ដែលនាំមកនូវសំណើមពីសមុទ្រចិនខាងត្បូង។ បាតុភូតនេះ មានភ្លៀងលាយឡំផ្គរ រន្ទះ និងខ្យល់កន្ត្រាក់កើតឡើងនៅតាមតំបន់ទំនាបកណ្ដាល តំបន់ជួរភ្នំ និងមាត់សមុទ្រ ហើយនៅថ្ងៃទី ២៨ និង២៩ សន្ទុះភ្លៀងនឹងកាន់តែកើនឡើង៕
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore