Connect with us

ព័ត៌មានជាតិ

កំពតមានទីតាំងកម្សាន្ត ២៩កន្លែង រង់ចាំទទួលភ្ញៀវទេសចរ​ ថ្ងៃចូលឆ្នាំខ្មែរខាងមុខ

បានផុស

នៅ

ប្រធានមន្ទីរទេសចរណ៍ខេត្តកំពតលោក សយ ស៊ីណុល បានប្រាប់កម្ពុជាថ្មីថា នៅខេត្តកំពតមានទីតាំងកម្សាន្តចំនួន ២៩កន្លែង រង់ចាំទទួលភ្ញៀវទេសចរ មកកម្សាន្តនាឱកាសបុណ្យចូលឆ្នាំខ្មែរ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សយ ស៊ីណុល ថ្លែងបែបនេះថា« យើមានរមនីយដ្ឋានទាំងអស់ ២១កន្លែង សហគមន៍ទេសចរណ៍ចំនួន៤ទីតាំង និងរីសតសម្រាប់បោះតង់ជាច្រើន ដែលសរុបទាំងអស់មានចំនួន ២៩ទីតាំង»។

លោកប្រធានមន្ទីរទេសចរណ៍ គូសបញ្ជាក់ថា គោលដៅដែលភ្ញៀវទេសចរទៅកម្សាន្តច្រើនជាងគេ គឺនៅតំបន់ទឹកឈូ និងរមនីយដ្ឋានបូកគោ។ ក្រៅពីនេះ មានតំបន់ផ្សេងៗទៀតដែលទាក់ទាញភ្ញៀវទេសចរដែរ ដូចជា ទំនប់ម្លិច រមនីយដ្ឋានកំពង់ត្រាច តំបន់កសិទេសចរណ៍ ណាតាយ៉ារីសត សហគមន៍អេកូទេសចរណ៍ត្រពាំងសង្កែ ដូងទេរ និងតំបន់ទេសចរណ៍ផ្សេងៗមួយចំនួនទៀត។

បើតាមលោក សយ ស៊ីណុល ភ្ញៀវទេសចរ ប្រមាណជាង ៣ម៉ឺននាក់ ក្នុងមួយសប្តាហ៍ ទៅកម្សាន្តនៅតាមរមនីយដ្ឋាននានា ក្នុងខេត្តកំពត។

កាលពីឆ្នាំ ២០២០ ទោះស្ថិតក្នុងវិបត្តិកូវីដ ខេត្តកំពតទទួលបានភ្ញៀវទេសចរ ប្រមាណជាង ១លាន ៥សែនាក់ និងបានធ្លាក់ចុះ ៥០ភាគរយ នៅឆ្នាំ ២០២១។ ប្រធានមន្ទីរទេសចរណ៍ខេត្ត រំពឹងថា នៅឆ្នាំ ២០២២នេះ ចំនួនភ្ញៀវទេសចរណ៍នឹងកើនឡើងវិញ ក្រោយពីសង្កេតឃើញថា ឥទ្ធិពលនៃជំងឺកូវីដ-១៩ ពិសេសមេរោគបំប្លែងថ្មី អូមីក្រុង ចុះខ្សោយការឆ្លងរាលដាល។

ខណៈដែលចូលឆ្នាំប្រពៃណីជាតិខ្មែរ កាន់តែឈានជិតមកដល់ លោក សយ ស៊ីណុល បានលើកឡើងថា ក្រុមការងារលោក បាននិងកំពុងធ្វើការងារធំៗពីរ គឺទី១ ពង្រឹងគុណភាពសេវាកម្ម និងទី២ ជំរុញអនុវត្តវិធានការសុវត្ថិភាពទេសចរ។ លោក ក៏បានអំពាវនាវឲ្យប្រជាពលរដ្ឋ ពិសេសភ្ញៀវទេសចរជាតិ និងអន្តរជាតិ កុំភ្លេចទៅកម្សាន្តកន្លែងទេសចរណ៍ដ៏សម្បូរបែបនៅខេត្តកំពត ដែលពេលនេះ នៅតាមរមនីដ្ឋានមួយចំនួន បានរៀបចំ ដើម្បីត្រៀមទទួលរួចរាល់ហើយ៕

អត្ថបទ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម