ព័ត៌មានជាតិ
វ៉ាក់សាំងអាស្ត្រាហ្សេនីកា ជាង ១ លាន ៥ ម៉ឺនដូសទៀត បានមកដល់កម្ពុជា
វ៉ាក់សាំងបង្ការជំងឺកូវីដ-១៩ ប្រភេទអាស្ត្រាហ្សេនីកា ជាជំនួយឥតសំណងរបស់សាធារណរដ្ឋអ៊ីតាលី បានដឹកមកដល់កម្ពុជា នៅព្រឹកថ្ងៃទី២៤ ខែមេសា ឆ្នាំ២០២២ ដោយមានការអញ្ជើញទៅទទួលដោយផ្ទាល់ពីលោកស្រីវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងលោកឯកអគ្គរដ្ឋទួតអូស្ត្រាលី ប្រចាំនៅទីក្រុងបាងកកប្រទេសថៃ នៅព្រលានយន្តហោះអន្តរជាតិភ្នំពេញ។
ថ្លែងប្រាប់អ្នកសារព័ត៌មានពេលវ៉ាក់សាំងមកដល់ លោកវេជ្ជបណ្ឌិត យក់ សម្បត្តិ បានមានប្រសាសន៍ថា វ៉ាក់សាំងប្រភេទអាស្ត្រាហ្សេនីកា ជាជំនួយឥតសំណងរបស់សាធារណរដ្ឋអ៊ីតាលី ដែលផ្តល់ជូនរាជរដ្ឋាភិបាលកម្ពុជានាពេលនេះមានចំនួន ១ ០៥៦ ០០០ ដូសហើយនៅថ្ងៃស្អែកនឹងធ្វើពិធីទទួលជាផ្លូវការក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីកម្ពុជា។
លោកស្រីបានបន្តថា វ៉ាក់សាំងទាំងនេះនឹងយកទៅប្រើប្រាស់សម្រាប់ចាក់ដូសជំរុញដូសទី៣ និងដូសទី៤ ជូនប្រជាពលរដ្ឋដើម្បីបង្កើតភាពស៊ាំនៅក្នុងសហគនមន៍ឱ្យកាន់តែមានភាពរឹងមាំ ទប់ស្កាត់ការឆ្លងរាតត្បាតជំងឺកូវីដ-១៩។
លោកឯកអគ្គរដ្ឋទូតអ៊ីតាលី បានសំដែងចូលរួមអបអរសាទរចំពោះរាជរដ្ឋាភិបាលកម្ពុជាដែលបានគ្រប់គ្រង និងរៀបចំផែនការបានល្អប្រសើរក្នុងការផ្តល់វ៉ាក់សាំងដល់ប្រជាពលរដ្ឋមានអត្រាខ្ពស់ ពោលគឺខ្ពស់ជាងប្រទេសអីតាលីទៅទៀត។
លោកបានបន្តថា ប៉ុន្តែទោះបីជាកម្ពុជាបានផ្តល់វ៉ាក់សាំងខ្ពស់ក៏ដោយ ក៏ប្រទេសនេះត្រូវការវ៉ាក់សាំងបន្ថែមទៀតសម្រាប់ចាក់ដូសជំរុញដល់ប្រជាពលរដ្ឋ ដើម្បីឱ្យពួកគាត់មានភាពស៊ាំកាន់តែរឹងមាំទប់ទល់នឹងជំងឺកូវីដ-១៩។
គិតត្រឹមថ្ងៃទី ២៣ ខែមេសា ឆ្នាំ២០២២ កម្ពុជាបានចាក់វ៉ាក់សាំងដូសទី១ បានចំនួន ១៤ ៨៨៧ ០១៩ នាក់ ដូសទី២ បានចំនួន ១៤ ១៤៧ ៥៤១ នាក់ ដូសទី៣ បានចំនួន ៨ ២២៨ ៦៣៣ នាក់ និងដូសទី៤ បានចំនួន ១ ៣៦៦ ១០៧ នាក់។ ជារួមនៅកម្ពុជាមានចំនួន ៩៣,០៤ % ធៀបនឹងចំនួនប្រជាជនសរុប ១៦ លាននាក់៕
អត្ថបទ៖ សំអឿន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore