ព័ត៌មានជាតិ
ទេសរដ្ឋមន្រ្តី លី ធុជ បាននាំអតីតមេបញ្ជាការកងកម្លាំងសម័យ UNTAC ចុះពិនិត្យសកម្មភាពបោសសម្អាតមីននៅខេត្តបាត់ដំបង
នៅថ្ងៃទី០១ ខែឧសភា ឆ្នាំ២០២២ លោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បាននាំ ឧត្តមសេនីយ៍ឯក John Sanderson អតីតមេបញ្ជាការកងកម្លាំងសម័យ UNTAC ចុះពិនិត្យសកម្មភាពបោសសម្អាតមីន ក្រោមគម្រោងបោសសម្អាតមីនដើម្បីលទ្ធផល ដែលប្រតិបត្តិការបោសសម្អាតដោយ CMAC និងជួបសំណេះសំណាលជាមួយប្រជាពលរដ្ឋរងគ្រោះដោយសារមីន ស្ថិតក្នុងភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង។
![](https://www.kampucheathmey.com/wp-content/uploads/2022/05/photo_2022-05-01_15-51-57-1024x682.jpg)
ដំណើរទស្សនកិច្ចនេះ មានការចូលរួមពី លោក សុខ លូ អភិបាលខេត្តបាត់ដំបង និងលោក ហេង រតនា អគ្គនាយក CMAC។
លោកឧត្តមសេនីយ៍ John Sanderson បានវាយតម្លៃខ្ពស់ចំពោះសកម្មភាពបោសសម្អាតមីនរយៈពេល ៣០ របស់កម្ពុជា និងការកសាងសមត្ថភាពក្នុងវិស័យមីន ជាពិសេសឧត្តមសេនីយ៍ឯក បានកោតសរសើរចំពោះរាជរដ្ឋាភិបាលកម្ពុជា ដែលបង្កើតឲ្យមានស្ថាប័នគ្រប់គ្រងវិស័យមីនយ៉ាងរឹងមាំ និងពោរពេញដោយជំនាញ សម្រាប់ចូលរួមជួយដល់ប្រជាពលរដ្ឋ។ ជាមួយគ្នានេះ លោកឧត្តមសេនីយ៍ បានឃើញយ៉ាងច្បាស់ និងកោតសរសើរចំពោះការរីកចំរើន និងការអភិវឌ្ឍលើគ្រប់វិស័យនៅកម្ពុជាក្រោយសន្តិភាព។
![](https://www.kampucheathmey.com/wp-content/uploads/2022/05/photo_2022-05-01_15-52-00-1024x682.jpg)
ក្នុងនាមរាជរដ្ឋាភិបាលកម្ពុជា លោកទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅជូនចំពោះរដ្ឋាភិបាល និងប្រជាជននៃប្រទេសអូស្រ្តាលី ដែលចូលរួមគាំទ្រដល់កិច្ចដំណើរការស្វែងរកសន្តិភាពនៅកម្ពុជា និងបន្តចូលរួមដល់ការស្តារឡើងវិញ និងការអភិវឌ្ឍកម្ពុជា ក្រោមកម្មវិធីជំនួយមនុស្សធម៌ដ៏ធំ រួមទាំងជំនួយក្នុងការបោសសម្អាតមីនផងដែរ។
លោកបន្តទៀតថា ប្រទេសអូស្រ្តាលី គឺជាប្រទេសនាំមុខគេក្នុងការចូលរួមដល់វិស័យសកម្មភាពមីនមនុស្សធម៌ ព្រមទាំងបានជួយសង្គ្រោះជីវិតមនុស្សយ៉ាងច្រើនពីគ្រោះថ្នាក់ដោយសារមីន និងផ្តល់សុវត្ថិភាពដល់សហគមន៍ជនបទសម្រាប់ជីវភាពរស់នៅកាន់តែប្រសើរឡើង។
![](https://www.kampucheathmey.com/wp-content/uploads/2022/05/photo_2022-05-01_15-52-01-1024x682.jpg)
ក្នុងឱកាសនោះ លោកទេសរដ្ឋមន្រ្តី ក៏បានវាយតម្លៃខ្ពស់ចំពោះសមិទ្ធិផលសម្រេចបាន និងកិច្ចខិតខំប្រឹងប្រែងរបស់មជ្ឈមណ្ឌលសកម្មភាពកំចាត់មីនកម្ពុជា ក្នុងការរំដោះផ្ទៃដីជូនដល់ប្រជាពលរដ្ឋ និងការចូលរួមកាត់បន្ថយអត្រាគ្រោះថ្នាក់ដោយសារមីន និងសំណល់ជាតិផ្ទុះពីសង្រ្គាម រយៈពេល ៣០ឆ្នាំកន្លងទៅនេះ៕
![](https://www.kampucheathmey.com/wp-content/uploads/2022/05/photo_2022-05-01_15-51-58-1024x682.jpg)
-
ព័ត៌មានជាតិ៥ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
សន្តិសុខសង្គម១ សប្តាហ៍ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
ព័ត៌មានជាតិ៦ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
សន្តិសុខសង្គម៦ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង
-
ព័ត៌មានជាតិ១ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៧ ថ្ងៃ ago
អតីតអ្នកនាំពាក្យក្រសួងការបរទេសចិន នឹងកាន់តំណែងជាឯកអគ្គរដ្ឋទូតចិនប្រចាំកម្ពុជា
-
ព័ត៌មានអន្ដរជាតិ១ សប្តាហ៍ ago
មហាសេដ្ឋីឥណ្ឌា Ambani ធ្លាក់តំណែងជាអ្នកមានបំផុតនៅអាស៊ី ក្រោយ Adani វ៉ាដាច់ភឹង
-
ព័ត៌មានជាតិ៣ ថ្ងៃ ago
ចម្រៀង “ព្រែកជីកហ្វូណនតេជោប្រវត្តិសាស្ត្រ ” បង្កប់អត្ថន័យជ្រាលជ្រៅពីសក្តានុពលបំរើសេដ្ឋកិច្ចថ្មី ច្រៀងដោយឧកញ៉ា សំ សុខនឿន